喂~比我轉左身,爬係度個樣比你地睇吓~
其實之前已經識爬係度架啦~不過係喺婆婆度,
所以媽媽冇影到相~今次影到啦!
你地話我係咪好叻仔呢~

 

今日去左睇爸爸賽波呀~!!
雖然今日落雨呀~不過媽媽都帶埋我去塔石睇爸爸比賽!
原本爸爸媽媽見落雨,諗住吾帶我去架啦~
不過嫲嫲幫媽媽執晒我出街街要ge嘢~!
而爸爸媽媽又見好耐都冇帶我出街街~咁咪帶埋我去囉!!
好喇,終於都可以出下去喇~好多日都冇去街街啦~
冇計啦~日日都落雨雨!
好喇~講返場比賽先!!比賽結果係點??
我吾知喎~因為我睇睇下就瞓著左啦~~
對吾住呀!爸爸~我淨係支持左你半場!

初初我都好留心咁睇架~
 

你地睇下~!我比蚊蚊針呀~
啲蚊蚊好衰架~!好鍾意針我架~~
不過我都慣架啦~我周不時都比蚊蚊錫ge!!
之前我都試過係婆婆屋企比蚊蚊針~
媽媽好緊張呀!仲話下次再係婆婆屋企比蚊蚊針ge話~
每針一下,媽媽就罰婆婆五百蚊喎~!!
媽媽…係蚊蚊針我,又吾係婆婆針我~!!
我好慘呀~比蚊蚊針!婆婆好慘呀~比媽媽罰!!
不過今次係自己屋企針ge~媽媽自己罰自己喇~!
而嫲嫲就話以後要係我入房瞓覺覺之前就開行部冷氣,
趕走晒啲錫我ge蚊蚊,咁我瞓果陣就冇蚊蚊針我啦~!!!

好大的兩大粒呀!!可惡ge蚊蚊~
 

我同爸爸媽媽有一樣嘢吾同~
呢樣嘢就係佢地好鍾意瞓覺,我就吾係好鍾意啦~
我最鍾意就係玩,除左夜晚瞓耐啲之外,我日頭就成日都掛住玩~
就算係瞓,我都淨係瞓半個鐘左右就醒架啦~
到玩到攰晒,我先會再瞓半個鐘,差夠電就再玩過~!!
全日都吾停呀~!哈哈~
爸爸話我吾識攰喎~嫲嫲就話我曳曳~!
而爺爺同媽媽~~佢地咪掛住同我玩囉~

就算瞓都吾正經~
 

今日有一個姐姐嚟左探我呀~
我之前未見過佢架~不過原來佢係媽媽個表妹嚟架!!
咁佢咪即係係我個表姨囉~
佢今次係香港返嚟澳門係為左搞身份證,所以咪探下我囉~
佢初初吾敢抱我呀~不過見我咁精靈,最後都係忍吾住要抱下我先得!
佢話我好重喎~都吾係吖!十幾磅之嘛~~
爸爸媽媽爺爺嫲嫲日日都係咁抱架啦~!!
到左夜晚,爸爸媽媽仲帶左我出去同表姨食飯添~
公公婆婆同我果兩位姨姨都係度添呀!!

人地嚟探我,而我就掛住同爸爸一齊瞓覺覺豬~