今日第一次食奶奶以外既嘢~
好好味架~不過我吾知果啲係咩嚟架喎~
媽媽買比我食架~媽媽話果啲其實係果肉嚟既!
不過就被搞捽晒,變左做果蓉,等我地啲BB易食啲~
初初食都有啲怪怪地,因為我未試過奶奶以外既其他味道架~
不過食下食下,我就食到吾停得口啦~
婆婆喂快啲啦~原來除左奶奶之外,仲有其他吾同味道既嘢架喎~
哈哈~我係吾係好為食呢!話你地知丫~媽媽仲為食呀!
因為媽媽佢偷食呀~好彩係婆婆喂我食咋~!
如果係媽媽喂既話,我諗媽媽仲食得多過我呀!

你地估下我幾咁聚精會神咁睇緊啲乜?
哈哈!緊係靚仔相啦~我媽媽成日都比佢個電話我玩架~
媽媽仲教我打開佢個電話,睇佢平時影低果啲嘢添呀!!
我見到媽媽影低好多好多靚仔相架~
不過吾洗問,個靚仔你地都知道係邊個架啦~!!
仲有呀~今日第一次騎駁馬呀!
好好玩架!!

你地睇下我幾咁留心~                      好靚仔~!好靚仔~!!


好好玩~!!吾錯~吾錯!!

你地睇下我肥啲定係爸爸肥啲??
哈哈~媽媽專登影架~!!
媽媽話喎~果然係兩父子喎!!
其實就連我爺爺都係咁架~

今日媽媽喂我食奶奶果陣,我自己攞住個奶樽自己食呀~
日日都係媽媽同嫲嫲喂我,我大個仔架喇嘛~
我識得自己食架啦~~你地睇下~我幾叻仔!!
其實我一早就自己掙住食架啦~
不過平時媽媽抱住我,冇手影我呢個樣~
今日有爸爸係度,爸爸就幫我影低左啦~
我仲識望鏡頭添~

不過個奶樽好似重多啲喎~

今日我又去左睇醫生啦~
點解??因為我又有兩聲咳咳呀!!
嫲嫲佢驚我又喉嚨發炎,所以咪一早同媽媽帶我去睇醫生囉~
個診所入面有部車車架~今日我仲坐喺上面玩添呀!!
初初我入去間診所果陣,有個哥哥坐緊架!
我見到好似好好玩咁,我咪好想玩囉~
果個哥哥見到,佢媽媽叫佢要讓其他小朋友,叫佢比我玩~
佢話我咁細個吾識玩喎~佢吾肯比我玩呀~!
不過嫲嫲嚫佢入左去見睇醫生果陣,抱左我去玩呀!
好叻咩~吾比我玩,最後我咪又係有得玩~!
不過當果個哥哥出返嚟果陣,佢即刻要我比返佢玩呀~
佢仲話,喂~好比返我玩囉喎~
跟住嫲嫲就抱返起我,比返個個哥哥玩啦~
嫲嫲……你做咩抱起我呀!!我仲未玩完,我仲要玩呀!
啃~大蝦細,比屎喂呀~!不過算啦~細讓大,有智慧~
媽媽佢覺得好好笑喎,仲話果個哥哥好叻仔添~
媽媽話果個哥哥咁細個就成個大人咁~講嘢咁老蹟,好搞笑喎~
車~好叻咩~!!吾比我玩就係佢吾啱~!
不過媽媽話等我大啲,買一部返屋企比我玩喎~!
好喇~咁就算啦~!!嘻~

我係賽車手~!