我個嗅豬B姨姨佢今日嚟咗探我呀~今日星期六吖嘛~
嗅豬B姨姨最鍾意放假果陣嚟探我媽媽㗎啦~因為有得打”三國無双”吖嘛~
當我仲係媽媽個肚入面果陣,佢已經成日都係放假果陣嚟探我媽媽㗎啦!!

今日係出院�H第三日,我要返去醫院做檢查呀!!爸爸同嫲嫲今日好早就起身同我去見醫生啦~
媽媽就吾去得,因為佢要坐月吾可以周圍去,而且佢仲係覺得好痛呀~
而今日去到醫院,個醫生只係好簡單咁睇下我個肚臍,望下我有冇面黃,咁就話睇完喇喎~
真係一啲都吾認真……..

今日要出院啦~出面天氣好凍呀!!婆婆同嫲嫲都話不如吾好出院住,話驚凍𡃁我同媽媽喎~
不過醫院冇床位呀!所以就算比錢都冇得住呀~~所以爸爸今日都冇返工,陪我同媽媽出院嘛~
係出院前~媽媽終於喺餵奶時間嚟餵我啦!!原來媽媽佢真係痛到去吾到睇我同餵我呀~
佢今日嚟餵我果陣痛到坐底咗起吾返身呀~
好彩阿細姨姨佢買咗個水泡比媽媽,等佢坐得舒服啲……

由尋日出世到依加,每個睇bb時間都有好多人嚟探我㗎~你哋睇下我幾叻,成個superstar咁呀!!
我諗我要請返個經理人先得啦~
但係就唔見媽媽�H,唔通佢嬲咗我??唔會�H,佢一定係痛到落唔到床喇~~辛苦你啦媽媽!!!
而爸爸佢今日就好晏先嚟探我同媽媽啦~因為佢尋晚話慶祝,慶到今朝呀~
我諗媽媽會嬲佢多過嬲我喇!哈哈^o^

喺今日,即2008年2月11日,我終於面世啦~呀唔係,係出世先啱!!!
可能喺媽媽個肚入面太耐啦~無論如何我都要走出媽媽個肚,見下呢個世界,
於是我就喺比預產期早咗兩個星期�H今日出世啦~
喺今日清晨5點幾,我就摷醒咗媽媽話比佢知我要出世啦~我搞到佢個肚痛到醒咗呀!!
就係咁樣-我�H曳曳人生就展開咗啦!!!
生平第一件做�H事就係整痛媽媽,仲一整就整足佢11個鍾添!!!可算係曳曳之極啦啩^o^
不過好出奇喎~喺媽媽見到我�H第一眼哥陣,佢不旦冇鬧我呢個衰仔,佢反而係度喊呀~~
吾知係吾係我整到佢痛得制,佢忍吾住喊呢??
而爸爸佢就由今朝5點幾一直坐,坐到我出世呀~一定悶死佢啦!!不過都算佢啦~
一直守護喺產房出面,估唔到佢都同我一樣咁乖...........