| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2009 年 5 月 21 日 星期四  |
| 媽子病情又差了 |
分類: 未分類 |
今日收到二家姐電話, 佢話剛覆診完醫生同佢講媽子心臟缺血, 可能又係血管塞咗有機會耍再做手術叫我哋考慮吓, 但其實個report上次已check到媽子除咗上次手術那處塞咗99%外還有4個地方分別塞咗...60%, 60% 50%, 40%, 但醫生一直未有同我哋講直到今次先講, 其實做一次手術可做幾個地方, 二家姐問佢哋點解上次唔做埋,佢哋話要足夠70%才做所以今次一樣只有夠70%才做(是院方規定), 如每個地方在不同時間先夠70%的話, 咁媽子要再做多4次手術而我哋耍比多4次錢 $36000 X 4 = $144000我覺得佢哋真係有問題, 照咁講如果塞十幾廿個地方D人未分十幾廿次做, 耍入十幾廿次醫院......有無搞錯呀!!!!!!!!!!
真係好擔心,以為做咗會無事點知原來還有未解決, 媽子年紀大又未嚮過福每次返去娘家見到佢哋就覺得自己無用對佢哋唔住比唔到D咩比佢哋, 好在還有Him Him可以令佢哋好開心, 所以我都會爭取一放假就返去, 更珍惜相處嘅時間......
|
| 2009 年 5 月 16 日 星期六 |
| 心情好矛盾 |
分類: 未分類 |
今日因老公佢哋要去拜山所以我同HimHim就返娘家...到下午3點幾大老爺瞓醒我便同Yuki & Sim一齊同Him Him豬去冒險樂園玩波波池, 行程首段佢都OK!但一落車行緊時佢就開始唔聽話比我好惡咁話咗佢一餐, 之後見佢都開始無之前咁開心, 我心諗佢真係大個哪,唔可以次次咁惡話佢(其實見佢咁個唔開心樣我個心都好痛), 但佢實在好難教, 不過乖起來佢真係好乖, 所以好煩好矛盾真係唔識教.....不過最令我擔心係上次佢"蝦"工人比爸B好惡咁話佢, 點知佢好大力咬自己隻手指, 咬到瘇晒, 那刻我覺得佢在情緒方面我要好好留意....唉!未生仔嘅朋友真係要想清楚,教仔真係好大壓力, 現在D小朋友大利害話又唔得,打又唔得, 動不動又自殺......真係煩......不過這些問題我相信我一定可以克服 - 因為我係甄太(Him Him媽)....我要加油!!!!!! |
| 2009 年 5 月 14 日 星期四 |
| Him Him的近照 |
分類: 未分類 |
由於太久沒有 update 個blog所以有大量Him Him嘅近照比大家睇......
|
| 2009 年 5 月 10 日 星期日 |
| 母親節之長洲 - 驚嚇的兩分鐘 |
分類: 未分類 |
真係好久沒有update個blog這三個月真的令我忙得透不過氣......不過今日發生嘅事實在畢生難忘我要寫在Blog上可以時刻警惕自己不可有第二次......
事原今日同兩歲10個月零16日大嘅Him Him豬去長洲玩,我哋諗住食完糖水就搭船返HK點知比完錢出嚟唔見佢, 我同老公四周睇過都唔見佢, 咁我哋就分開再找, 我一路走一路大叫Him Him成個人好似傻咗...心諗唔係真, 但個人不停走不停叫, 好想佢快D出嚟, 已走到較遠但都唔見佢, 只好抱住希望老公已找到, 一路行一路想喊, 遠望老公問佢見唔見, 佢一點表情都無, 那一刻我諗死硬 "唔係咁就無咗個仔" ......到老公行近時原來佢已拖住Him Him, 我立刻走過去話佢點解自己走咗去, 一邊講一邊差點喊出嚟, 幸好今次無事, 我以後唔會再比這些事發生, 今次嘅驚嚇令我知道Him Him比起我自己嘅生命更重要多好多倍, 我唔可以無咗佢, 只係短短嘅兩分鐘失去我已後悔到想死, 以後一定要更好好睇佢及照顧佢...... |
| 2009 年 1 月 17 日 星期六 |
| 好擔心....... |
分類: 未分類 |
今日原本諗著放工入元朗同M姑姐食飯(因為佢生日).....點知收到電話,話媽子又入了醫院, 咁我就立刻飛去醫院.....同媽子喺急症等咗兩個鐘先上到病房, 再等一個鐘先見到醫生....經檢查後.....醫生話媽子有輕微心臟衰竭...又耍再留院多幾日check真 D...... |
| 2009 年 1 月 16 日 星期五 |
| 開學哪! |
分類: 未分類 |
開始又正式上堂......今次一定要更比心機,唔可以比D自已為事嘅人眼低及睇唔起.......加油呀!........美好將來我嚟緊哪! |
| 2009 年 1 月 11 日 星期日 |
| 大掃除 |
分類: 未分類 |
因為媽子剛出院, 所以返去幫手.......返到去亞敏嚟咗, 佢還帶埋男朋友上嚟......第一次見佢都幾斯文幾靚仔....(都幾有眼光 wor) |
| 2009 年 1 月 10 日 星期六 |
| 學校去旅行 |
分類: 未分類 |
今係him him第一次學校旅行,所以我哋一家三口一齊參加
行程:
大埔昆蟲館
中大自助餐
香薰園
士多啤梨園
牛牛樂園
|
| 2009 年 1 月 7 日 星期三 |
| 買新年衫 |
分類: 未分類 |
今日老公放假所以同佢去買新年衫比him him
 |
| 2009 年 1 月 6 日 星期二 |
| 搞笑嘅Him豬 |
分類: 未分類 |
放工返到屋企媽咪同我講him豬嘅搞笑嘢....
話說媽咪比嚿豬肉比him him食跟著便入了廚房之後出嚟見him him正在刪雪櫃門, 就立刻問:你做咩開雪櫃.....佢話擺嘢.....問佢擺咩?....佢話擺豬肉入雪櫃.....跟著媽咪好奇地大開雪櫃嚟睇......嘩!原來佢把唔食嘅豬肉吐出來再放入雪櫃......佢真係唔衛生..... |
| 2009 年 1 月 5 日 星期一 |
| OT.......OT....OT |
分類: 未分類 |
近排日日OT,今日又要九點先走雖然辛苦但好開心自己好似找到目標, 在這裡已做咗5年我覺得份工都幾適合我又唔係一般死板嘅文職又學到好多嘢又有前途, 取難得我亞姐又比我上位.....所以我決定會比心機去做...向我嘅2萬以上月薪進法....今次一定要成功! |
| 2009 年 1 月 4 日 星期日 |
| 好難食嘅一餐 |
分類: 未分類 |
今日個個返工又無人煮比媽子食, 所以我這位孝女又要出動....
我嘅餸有...蕃茄蛋, 蒸魚, 雞...........可惜咁美好嘅餸比我煮成不知所謂......茄蛋變成糊(媽子無食), 蒸魚淡而無未, 只有買回來嘅雞先取似樣....雖然媽子無講D咩, 但我知LEE餐都好難頂.....唉!天呀!身為甄師奶,但一點廚藝都無......
|
| 2009 年 1 月 3 日 星期六 |
| 去探媽子 |
分類: 未分類 |
今日因為無人煮嘢比媽子所以媽咪幫我齊咗d粉 & 湯攞去....真係唔該晒
見佢今日精神咗....實在太好.... |
| 2009 年 1 月 1 日 星期四 |
| 去工展會 |
分類: 未分類 |
同老公探完媽子後大概7-8PM 先去工展會...今次咁遲去真係好"正" 又無咩人, 行得好舒服, 之後去Mc記食咗個好有滿足感嘅雙層魚柳飽跟著就返屋企哪! |
| 2008 年 12 月 31 日 星期三 |
| 2008-12-31 |
分類: 未分類 |
今朝晨早去到澳門幫Him Him搞身分證嘅嘢...我5點幾已去到差點都排唔到...原來排頭位那個人12 - 1AM 已到(洗唔洗咁誇呀!)...之後搞掂晒就立刻返香港睇媽子
手術好順利但D手術費十分金...要幾萬蚊...不過唔緊要啦!因為媽子已好咗好多... |
« | 3 | 4 | 5 | 6 | 7 | 8 | 9 | 10 | 11 | 12 | ... | 23 | »
|
