| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2009 年 6 月 27 日 星期六  |
| 500D or D90.......18-50mm F2.8 or 18-200mm F3.5-5.6 |
分類: 未分類 |
好煩呀! 500D or D90.......18-50mm F2.8 or 18-200mm F3.5-5.5 這些數字近兩個星期不斷在我腦海出現.....點算呢??????????????????????????
|
| 2009 年 6 月 24 日 星期三 |
| Him Him 3 歲哪! |
分類: 未分類 |
不知不覺HimHim 3 歲了, 回想起生佢時, 好似沒太久之前的事, 我還好記得當晚情況, 第一眼見到佢嘅心情, 佢可愛的曼頭形頭仔, 諗起都想咬一啖, 可是隨時間一日一日咁過佢已慢慢越大越唔聽話, 不過好搞笑哋佢近排竟然乖了重話自己大個仔, 講嘢都進步很多(串人, 駁咀& 哎交更利害),真係比佢搞到唔知笑OR 喊, 點都好佢始終係我同老公嘅一切, 所以只希望佢健康和快樂, 大個仔做個有用嘅人, 有自己個開心嘅家.....love U too much........ |
| 2009 年 6 月 21 日 星期日 |
| Him Him B.P part 3 |
分類: 未分類 |
今日最辛苦係媽咪佢為咗Him豬生日會由朝做到晚, 好犀利呀! D嘢又好好味, 而我今次都好有作為, 我有份幫手切生果, (鬼叫我煮嘢食咁勁咩, 唔做切下生果粒還可以做咩???)
|
| 2009 年 6 月 20 日 星期六 |
| Him Him B.P part 2 |
分類: 未分類 |
今日一早上去媽子度, 再放低Him豬, 就出去買嘢, 嘩出面天氣真係熱到亞媽都唔認得, 差D中暑, 2點幾大家都返齊就開始Him豬第二個生日會, 完咗之後就去荷里活行咗陣跟住返 MOS
  |
2009 年 6 月 14 日 星期日  |
| Him Him3歲生日會 part 1 |
分類: 未分類 |
終於完滿結束了........
起初還很擔心會因天雨而 cancel好在天公做美, 到完結都無落雨, 大家都可以安心回家
好多謝亞佩, 亞君, 家怡, 鄭詩雅, 林鐘藝, 訐詩雅嘅禮物, 更加多謝媽咪當日為我哋預備嘅美食......真係good...good!
 
|
| 2009 年 6 月 13 日 星期六 |
| 好忙 |
分類: 未分類 |
真係無諗到可以咁忙, 我一心諗成個星期咁遲先返到屋企, 根本無時間去買Him豬開生日會D嘢, 咁就決定今日放工下午去買, 點知又OT到5點先走得搞到我無咩時間去預備, 好在有媽咪幫我手 |
| 2009 年 6 月 11 日 星期四 |
| 停課.......14日 |
分類: 未分類 |
H1N1真係死到嚟, 所有幼稚園及小學都要停課, 搞到Him豬有多14日假, 放咁長佢喺屋企都唔知做咩, 唉!都唔知幾時先無事, 最慘同佢報咗summer course 還要已比晒錢, 如果唔開都唔知有無得退..... |
| 2009 年 6 月 9 日 星期二 |
| 註冊 |
分類: 未分類 |
今日幫Him Him去新學校註冊, 交咗$1640, 同問咗搭校車嘅事, 嘩一問之下才知要每月$900 (比學費還要貴好多), 及要6:45上車同小學部同一架校車, 換句話Him Him要5:45 起身, 這是無可能的, 所以我哋決定我同佢返學, 放學先搭校車.... |
| 2009 年 6 月 7 日 星期日 |
| Him Him唔開心 |
分類: 未分類 |
今日諗住早咗起身, 咁就同Him 豬去冒險樂園玩之後再返娘家, 點知佢又唔合作快手D由9:00 話出門到10:15才出, 我同佢講: 你再係咁我就唔去, 最尾都係去不成, 佢就例牌扭計,我同佢解釋佢唔聽, 之後要我打比冒險樂園姐姐擺平件事!!!!
下午返完娘家, 同媽子佢哋行咗陣公園, 就約埋家怡去一田買禮物比Him Him, 之後返去食飯, 再同楠楠玩, 到楠楠要返屋企時Him Him唔比佢攞, 場面十分搞笑, 最後楠楠發脾氣走嚟打Him Him一吓, HimHim立刻呆咗, 跟住楠楠再嚟打多兩吓, 佢成個人好似嚇傻咗 (點解亞妹會打我) 跟住佢個樣完全無反應好似想喊, 成個嘴扁過唐老鴨個嘴, 之後亞妹走嚟嘴佢兩啖佢都還是唔開心還手推開亞妹, 後來亞妹請糖佢食初時佢都無理, 之後再問多次, 佢就好乖咁拎粒糖嚟問我可唔可以食, 我見佢咁叻仔就比佢食.
唉Him Him 第一次真真正正咁嬲, 佢從來未試過, 佢個樣真係好唔開心,我見到佢咁我都好唔開心唔知點算, 差D想同佢一齊喊 (可能佢太錫亞妹, 但亞妹竟然打佢), 大個仔哪佢
PS, 遲些post DV 比大家睇 |
| 2009 年 6 月 5 日 星期五 |
| ??? |
分類: 未分類 |
點解會咁?????原本好開心嘅生活, 但神一定會比D經歷我哋, 好讓我哋知道一D事情不是永遠不變, 又或者不是我們用肉眼就能看得清......
真係好震驚人嘅轉變可以咁大,可以小棉羊變成大獅子 or 跟本由頭到尾都係咁,只不過我哋嘅心眼不夠靈光, 所以看不出來......
不過點都好這已是眼前的事實.......希望件事快些平息, 傷心嘅人不要再傷心了, 我是知你的心意...... |
| 2009 年 6 月 1 日 星期一 |
| 媽子出院 |
分類: 未分類 |
今日媽子終於出院, 但不代表佢無事, 因為排期時間長, 所以叫佢係屋企等......唉!都唔知佢情況點.....
每日放工返到屋企成個人散晒, 好在有個傻豬仔當我一開門就好開心咁走嚟攬我又同我講好掛住你呀!....聽完成個人又有番精神!!!!!! |
| 2009 年 5 月 30 日 星期六 |
| Him Him & 楠楠遊公園 |
分類: 未分類 |
今日無特別節目, 只係返完教會, 去食嘢再同Him Him & 楠楠去公園玩, 見到楠楠真係好可愛, 又乖, 如果佢係我個女就好, 所以當我同老公一齊拖住佢兩個嘅時侯, 我有一種好幸福,好完整嘅家的感覺, 唔知我有無嘅機會呢?
講番今日聽完導, 有好大嘅感觸, 好似神知道我有煩惱, 就在今次講導中用話語安慰及鼓勵我叫我唔好放棄目標, 唔好因為少少問題去放棄, 要努力!!!!!!!所以我會再努力..... |
2009 年 5 月 28 日 星期四  |
| 端午節 & 伯伯生日 |
分類: 未分類 |
我見Him Him豬開始大個仔, 要慢慢比佢更加認識我哋中國幾千年嘅歷史文化, 所以我同佢一早出門去城門河睇龍舟比賽, 去到已人山人海全條被封嘅馬路都好多人, 好在比我哋找到個位企, 我晌Him Him睇唔睇到, 佢又一係咁問我邊到, 跟住有個師奶話: 佢知唔知咩叫龍舟嫁? 我先醒起我無真正教過佢, 佢點會識......
睇完後我就會合Daddy & 老公,再同Him Him買開生日會嘅嘢, 再去酒店同嫲嫲, 姑姐, 大伯, 叔仔佢哋飲茶做節, 到晚就同大伯興祝生日....... |
| 2009 年 5 月 27 日 星期三 |
| 好無奈...... |
分類: 未分類 |
昨天開始我真的病了, 但又因為太忙無時間睇醫生為有叫老公扮病去睇幫我攞藥....(今次又係被Him Him豬感染, 我以前好少傷風, 可能近幾個月太辛苦每日都差不多11-12個鐘有時要13-14個鐘無咩好好咁休息, 所以身體都弱咗,好易病)
另外今朝收到二家姐電話, 佢話媽子又入了醫院, 睇嚟今次真係又要再做手術了............唔知佢點呢? 好想快D放工去睇佢.......(病魔請你唔好再折磨媽子啦!) |
| 2009 年 5 月 24 日 星期日 |
| Him Him豬又病哪! |
分類: 未分類 |
原本諗住昨天老公放假咁就同 HIm HIm嚟個下水禮, 點知又落咗一日雨, 仲有就係個傻瓜好似開始傷風, 成晚喺咁流鼻鼻, 到今又流足一日, 佢個鼻成個水喉咁, 都唔識停, 搞到我同佢2個都無得出街....
唉!近排除咗煩媽子D嘢之外, 又要煩暑假要比Him Him學D咩! 原來出面D課程真係多到赫死人, 我想找些由外藉老師上課, 但又要有唱歌, 閱讀, 對話, 學字,最重要係訓練大小肌肉, 都唔知那一間好?????? |
« | 2 | 3 | 4 | 5 | 6 | 7 | 8 | 9 | 10 | 11 | ... | 23 | »
|
