| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2009 年 9 月 24 日 星期四  |
| 嘩!明天去旅行.......... |
分類: 未分類 |
唉!今日又做到11點幾喇! 真係好攰呀! 返到屋企重要預備Him Him的行李, 搞到3-4點先瞓...........
|
| 2009 年 9 月 20 日 星期日 |
| 老爺車@遊車河 |
分類: 未分類 |
一早返完教會就急急腳去大學join契爺一齊同him Him 豬遊車河, 今日有好多架老爺車出動, 而我最鍾意係 1929年那一架, 原本可以坐, 但坐過契爺那一架 開篷Rolls Royce(1979年)後, 真係熱到我同HIm Him死死吓, 由大學去東涌又晒又熱, 坐到Him Him底褲仔都濕, 所以那架(1929)唔係開篷肯定更熱, 最後坐咗架藍色MG開篷車, 而契爺架車就車咗衛蘭, 到回程返嚟時hIm Him因為全日無午睡, 一去到青馬大橋就瞓咗, 真係錯過晒....原來坐係一架開篷跑車去欣賞夜景,真係好靚, 可惜him Him 瞓咗, 司機又唔係老公.....總結今日由頭濕落腳, 手巾仔濕咗8條....
  |
| 2009 年 9 月 19 日 星期六 |
| 家庭日 |
分類: 未分類 |
好耐無試過一家三口家庭樂去街街, 最開心係Him Him一早就按排好全日都係佢最鐘意嘅節目:
搭隧巴過海 -- Lunch -- 搭渡輪去黃埔 -- 冒險樂園 -- 玩具反斗城買玩具 -- 原本想請佢食雪糕但佢太攰瞓咗!
  |
| 2009 年 9 月 18 日 星期五 |
| 黑人憎的人............ |
分類: 未分類 |
自從那個新同事嚟咗之後, 我就無好日子過, 每日都好想去探媽子, 但就比佢搞到遲走, 差不多每日都有新嘅激氣嘢, 起初我都有叫自己用另一角度去睇人去接受佢, 可是佢每日嘅經典事令我實在無法接受, 我以為是我有問題, 點知接觸過佢嘅所有同事都覺得佢係傻....每日一有機會就同人Show自己幾有料, 成 日講癈話, 刷亞姐鞋, 最搞笑連我就快走嘅同事佢都刷....D嘢問完又問, 講完又講, 又要我大改革咁多年所有做開嘅嘢要全部跟佢以前做法, 要我配合佢,.....佢好似覺得我係新人, 佢自己係舊人, 做嘢又慢, 嚟咗兩個星期就做金手指, 最慘亞姐唔知佢個人咁差呢? 我做咗咁多年嘢未試過咁憎一個人, 未試過串人&駁同事咀, 佢實在太無料, 但又扮嘢喇.......最後我同事贈我一句 " 你跟佢無運行, 有排受, 自己醒D啦! |
| 2009 年 9 月 13 日 星期日 |
| 又入醫院 |
分類: 未分類 |
幾日無update.....因為嚟咗個好有問題嘅新同事, 搞到我又要夜走咗........
媽子今日又入咗醫院, 佢D血壓好高, 真係擔心, 但又好無奈幫佢唔到...............自從媽子去年年尾身體有事後, 每當家姐佢晚上打嚟我都會比較緊張, 特別係11or 12點, 一睇到電話就十分擔心,唔知是否有咩事!!! 我諗我要放鬆吓先得...... |
| 2009 年 9 月 8 日 星期二 |
| 爸豆生日 |
分類: 未分類 |
今日因為老豆生日, 而我哋晚上會出去食飯, 所以今日由姨媽媽 & 大姨姨接傻豬hIm 放學..........
晚上一放工就飛去酒樓, 而例牌年年遲到嘅三叔一家, 一樣約5:30, 但8:00先齊人, 咁我哋無嘢做就學人打麻雀, 連我唔識玩都玩到覺得幾好玩, 之後食完飯已十點幾, 平時習慣九點瞓嘅Him Him, 因為眼瞓勁扭計, 最後要我一個人又抱住個30幾磅嘅人仔, 又要拎袋, 返到屋企隻手好似唔係自己....勁痛....好慘呀! 同佢沖完涼到11點幾佢先瞓, 之後我要收拾好D嘢, 再預備佢明天返學嘅東西, 沖埋涼1:00先有得瞓, 但第二日要6點幾起身同個仔返學(做亞媽真可憐!!!!!!!!!!(不過我好enjoy做Him B 嘅媽咪, 哈!哈!)
P.S. 老豆生日快樂, 身體健康, 開開心心!!!!!!!!! |
| 2009 年 9 月 6 日 星期日 |
| 2009 年 9 月 2 日 星期三 |
| 請病假 |
分類: 未分類 |
D細菌真利害, 搞到我不但未好仲入埋腸, 痾咗好幾次...真係慘 |
| 2009 年 8 月 30 日 星期日 |
| Awana 啟動禮 |
分類: 未分類 |
今日開始係Him Him正式返Awana, 看見佢哋好正經咁係台上宣誓, 那一刻真係好感動, 差點想喊, 死啦我咁眼淺第二時Him Him還有好多畢業禮, 上台攞獎等, 到時我一定更加認唔住, 一定失禮死人.... |
| 2009 年 8 月 29 日 星期六 |
| 帶病上大陸 |
分類: 未分類 |
今日又要因工作關係上廣州, 個人已病, 仲要熱到亞媽都唔認得.... |
| 2009 年 8 月 27 日 星期四 |
| 開學了 |
分類: 未分類 |
今日開學喇! 照慣例最緊張就係我哋班大人, 而今日我同老公會同佢一齊返一日, 明天開始就要自己返....
   |
| 2009 年 8 月 23 日 星期日 |
| 入元朗探太嫲 |
分類: 未分類 |
今日天氣真係熱死人, 所以我哋幾個人就決定打的返教會, 而我哋而轉咗返神學院分堂, 真係比之前近好多, 雖然唔交通方便, 但返咗兩次都比我感覺很好, 最重要Him Him 返Awana好開心, (今朝起身一同佢講返教會哪! 佢就好精神笑笑口咁話:返Awana? ) 其次係好近屋企....所以我都好鍾意........應該唔會轉
午餐後我哋一行六人就入元朗了, 睇見太嫲都幾精神, 咁我哋都安心D 之後食完晚餐便返屋企喇! |
| 2009 年 8 月 15 日 星期六 |
| 沙灘 |
分類: 未分類 |
琴晚為了要預備今日去沙灘的東西, 搞到好夜先瞓, 但今日又為了準時走, 7:00起身返工....真你人都癲.....
都好可以準時走人去到都你3點多D, 不過都幾晒要租太陽傘....今次可能Him Him已大個了, 所以今次一去到水邊只停了2-3秒便走咗落水玩, 玩到唔願走人.........
真係好耐無試過咁relax & 開心呀!.....
   |
| 2009 年 8 月 6 日 星期四 |
| 支持, 體諒, 關懷 |
分類: 未分類 |
老公: 我等你返嚟一齊食飯呀!
我: 唔洗, 我好夜, 唔知幾點.....你食先啦!
老公: 唔緊要幾夜都等.....你唔洗急.....等陣一齊食飯啦!
對好多人嚟講這些對話可能無意義或只是一些普通極的對話, 但對我來說是一份支持, 體諒, 關懷......話說早前因我經常OT, 時時不能一家人一齊食飯, 不能陪Him豬&老公, 已令我十分頭痛, 但公司的事又不能放下而一走了之.......每天老公都會差不多一個至個半鍾就問我走未, 幾時走, 可是我每次都說差不多...做多一陣........但他一聽見便好躁地說: 有無搞錯....做死人咩! 走啦!...., 其實每次聽到都有D嬲, 雖然明知佢是心痛我做咁夜, 唔想我咁辛苦, 但佢真係用錯了語氣而令我感覺到佢比了很大的壓力給我, 講真在這半年我的確少了時間給屋企, 而太專注我嘅事業, 因為咁多年我都是在浪費自己的光陰, 直到最近才找到方向, 目標, 我唔想過多十年後回顧一切是白過的, 是一事無成的, (可能我是事業型), 但同樣地我會把所有不用返工嘅時間全部比晒兩個活寶貝.....就因這種種壓力(工作, 家庭, 金錢, 人群)真的令我快瘋了, 個人開始迷茫, 唔知做咩, 不斷諗條路應該怎樣行, 好似好無助.......直到上次我真的認不了便哭著對他說:(可唔可以有人明白我.....點解要比壓力我.....我真的快要瘋.....每日十幾個鐘嘅工作, 我是不想的, 我都好想每日6 點放工返屋企一家人食飯, 唔洗晚晚一個人食.....現在嘅我身心都真的倦透了.......)
到了今天老公好像十分體諒及支持我, 所以短短的對話已令我甜在心頭....... |
| 2009 年 8 月 5 日 星期三 |
| 探太嫲 |
分類: 未分類 |
今日終於可以早走一點(6:45pm)趕去探太嫲(只可探到7:30), 去到見佢都幾精神, 不過講嘢差咗好多,行路慢咗, 不過佢身邊其他人就好像很善慕佢日日都咁多親人嚟探佢, 之後我哋重同佢按摩, 太嫲不知幾enjoy....... |
« | 1 | 2 | 3 | 4 | 5 | 6 | 7 | 8 | 9 | 10 | ... | 23 | »
|
