今晚ever約左我地一班打餅組朋友一齊去旺角一間cafe聚舊...

原本都玩得幾開心...但期間慢慢覺得呢間完全係黑店...

第一..明明book左大枱..點知玩玩下人地有大班人就要我地換枱..

第二..booking時明明講明免加一..點知埋單時照收加一

第三..booking時明明講明可以玩到兩點..點知10點半就要我地埋單..開始催我地走..

第四..催我地走仲話有人book左全場..點知原來係呃人..

呢間野已經完完全全在我黑名單之內...唔會再幫襯都唔止..仲要唱衰去...

o係旺角潮流特區對面..一橦好多cafe o既大廈..樓下有好多靚女叫你上去...o既9樓..

大家千祈唔好幫襯!!

今日係"她"的last day..我仲要係人地口中先至得知..."她"話想俾個suprise我喎..冇法啦..鍾意"即興"...

我唯有用我僅餘o既時間..盡量陪"她"..直到"她"親手張員工證夾o係我胸前..我唯有面對呢個事實...

o係最後..我扮演"多啦A夢"..盡量滿足"她"的願望..令"她"開心地離開美心..

多謝好友幫我拎"藍啤梨芝士"冰皮俾我..thx

今日返左屋企食飯..順便探下我個可愛姨甥女~~

好得意呀~~識得對我笑~~慘喇~~到時佢大左識叫我時我實破產~~~

今日收工約左周波一齊睇張學友演唱會..不過因為星期6冇假放..同埋今日冇得收早o既關係..

唯有自己一個o係紅磡火車站麥當當度享用晚餐..

張學友演唱會真係超超超好睇..46歲人仲跳得咁好...聽live更加唔駛講...一流~~

絕對值得一睇再睇~~

琴日因為8號風球~~所以冇去探家姐同我個寶貝姨生女~~

今日收工第一時間就係去探下家姐先啦~~個寶貝姨生女真係超可愛~~

但聽講佢喊o既話成條走廊都聽到...睇黎我搬出黎住o既諗法完全正確

今日11點左右...我終於做左舅父喇...

初為人母o既家姐真係偉大...懷胎9個月...駝住舊7磅bb咁耐..仲要十級痛咁生出黎...

身為男人o既我真係感受唔到點痛法...將來如果我老婆有左...都要好好愛錫老婆喇...

恭喜晒..Yuki..恭喜你成功升到中六...陪你擔心左咁耐..終於都放下心喇~~

但點解你升左中六後..心情反而仲差左呢?

聽日就係會考放榜喇..回想8年前我都係咁過...但可能因為當時我預左衰..所以壓力唔係好大..

但今年認識左幾個中五放榜o既人..希望佢地都能夠順利過關啦...

尤其係...我喜歡的人..希望聽日收到你o既好消息...始終我都唔想你唔開心...

願主保佑你順利升讀中六...Yuki

你只係說出左兩個字..就足已令我傷心數少時..已經有接近6年未試過咁傷心...

既然你唔想俾機會我..又何必俾希望我...

唔通真係"希望越大..失望越大"?..咁我以後仲要唔要希望呀?

女人o既心事就係好難明..到底係我條件太差..定係點...可以俾個答案我嗎?

咁我以後仲點樣面對你...........

今日同"她"去左動漫節..行左一陣..冇咩好行...睇左一d唔係咁靚o既cosplay...

之後返左去睇"哈利波特"..最衰買唔到megabox的飛...我想將最好o既俾佢..可惜..