今日過左好差o既一日..一朝早起身,hea到中午,走去幫家姐整電腦...證實死亡...返屋企繼續hea.....

4點左右出旺角幫佢買部新o既..等到6點幾拎完諗住去坐的士..點知...等左成半個幾鐘先有吉車..

呢個咩世界黎嫁..咁多有錢人坐的士o既..跟住..塞車...唉..攪到差唔多8點先送到去..

今日難得中秋節又因為冇地方去..時間唔吻合..搞到取消..

如果有間屋咪可以成班fd打下機..一齊hea下啦...

睇黎我都要開始考慮買樓......

唉...心情超差......

今日開始我6日大假o既第一日~~~

一早起身..同屋企人飲個靚茶先~~~但心情麻麻..d點心又太普通...

之後...一直hea到中午~~突然諗起買左盒模型番黎幾個月都未砌~~一於砌左去先~~~

正呀~~軍曹模型真係好過隱呀~~~呵呵呵~~~

然後又係每星期一次o既"我和光仔有個約會"~~今次因為佢上我屋企..所以就o係屋企留下食~~

食完上左我屋企..計劃下聽日中秋去邊度玩..到最後都未有決定~~~有冇人有咩好提議呀??

今日係我舊曆生日..不過都係要返工..唉..陰功,今年新舊曆生日都要返工..不過算啦..聽日開始連放6日大假~~yeah!!

今日係做月餅o既last day,都有d唔捨得嫁..話晒做左110日...差唔多1/3年..

有開心,有唔開心...最開心係識到成班後生仔/女^^"...搞到我個msn多左成排名添...

今日返工...發覺唔記得帶屋企鎖匙...死喇...冇門口入...

放工同"周生,阿詩,阿琪同藍藍"去左大尾篤bbq...都算玩得唔錯..50蚊幾抵啦~~

而且見到周生真實o既一面^^"....都幾搞笑..

又玩啤牌...唉...鋤大d真係唔係咁適合我玩....

最衰唔記得帶鎖匙啦..唔係一定會玩得夜d...話之佢聽日要返工~~~

死喇...今朝剛落車..一出聲就發覺...死喇..第二次發育...把聲變晒=__="

搞到今日成日都唔多出聲...費事嚇親人啦...

都唔知幾時先好得番...

今日病左..9點幾出去睇完醫生..食完藥繼續開工..

食左d藥個人超high^^"...不過依家個頭好暈...

今日係anise生日..雖然之前慶祝左..但都要補句"生日快樂"

病到死死下..原本諗住send sms同你講...但病到唔記得左..sorry ar...

今日發生左d事..令到我好唔開心...算...我放棄喇...

收工後..同我老友光仔每星期例行食晚飯,大吐苦水...唉..做人真係要睇化d..

最後..終於同冰冰傾左陣..道左歉...總算冇事喇..

再一次覺得呢個世界上"好人冇好報"

今日係我老友威哥生日~~講聲生日快樂先..

今日原本約左冰冰睇戲..因為突然心情唔好..所以放左飛機..講聲sorry先..

但我都有send sms叫你同你fd睇嫁..既然你咁想同佢睇..我都無謂阻住晒啦...唉...

後來威哥都算好..仲記得我呢個老友..唔介意我做電燈泡..搵埋我去睇"大丈夫2"..套戲幾好笑..

但就咸味重左d^^"...唔係咁o岩阿嫂睇...

今日收工終於成班人一齊慶祝9月之星生日喇~~

我地7個人去左創興打邊爐,玩得都算開心啦..價錢都ok呱..食就一般啦..最緊要係一班人一齊食得開心^^"

同埋收到幾份生日禮物...多謝晒~~~

唉...今日係我o既生日..唉...25歲喇....返工都係做到死死下..收到前主動搵人陪我去許留山,估唔到佢又肯去..

真係好多謝你..

原來許留山生日有65折嫁..都幾好喎...^^"

之後返屋企前去左自己公司門市買左2件蛋糕...冇人同我慶祝...唯有食自己啦..