今日終於算係搬晒d野過黎..執左一dd啦~~最緊要的電腦當然優先處理~~但依家因為要自己交電費o既關係~~

所以應該會少左見到我廿四小時online喇~~

夜晚去左惠康買d日常用品同早餐~~買野食都好難諗....

今晚收工一上廠車突然收到她的電話..突然想去pizza hut食pizza~~難得的機會當然唔放過~~

估唔到我仲早到過佢地兩個,去到pizza hut門口~~拎住張0001號飛~~原來係101號=_="

好在等左一陣就有位~~

又搞到12點先訓...聽日返工又冇精神喇~~哈哈

今日趁收工陪她返屋企..順便去行下街街先~~傾左好多好多野~~唔知會唔會順利發展呢~~

今日同光仔,德哥約埋去左元綠食壽司,因為我有刺身coupon,唔係都唔會去~~

因為好耐冇出黎聚下~~所以今日傾左好耐~~都好開心~~大家o係感情方面都有d進展咁啦~~哈哈

食完都成9點半~~慢慢行返屋企..途中經過間老麥..又入去整個dessert嘆下~~肥死囉~~

個新出o既"乜乜芭菲"真係麻麻地...早知飲杯汽水好過....

路太難行　自發伴你同行
我只是路人　附近剛好經過
何用答謝回贈　容易就像舉手
不過　送你走幾里近

能待你好　就是最大回報
不必成為密友　對你都可以好
如你想　分享分享
怎麼今天我　竟可一叫就到
平日有路人對我　亦都這麼好

你若然明天身心安好　仍然記得我
換上個發亮微笑　報答已是夠多
你若然明天　真心感激善待你的我
愿你可再幫幾個人　就當作幫我

若你頭暈　就托著你平衡
我只是路人　實在非親非故
名字也未曾問　人類自命高等
所以　借架車比你訓
能待你好　就是最大回報
不必成為密友　對你都可以好
如你想　分享分享
怎么今天我　竟可一叫就到
平日有路人對我　亦都這麼好

你若然明天身心安好　仍然記得我
換上個發亮微笑　報答已是夠多
你若然明天　真心感激善待你的我
愿你可再幫幾個人　就當作幫我

你若然明天風山水起　仍然記得我
十倍報答別人去　對我有意義更多
你若然餘生　真心感激善待你的我
愿你可再幫幾百人　直到你已超越我

今日約左生日餅班同事打邊爐,慶祝細基升職,恭喜晒..

於是我收5點半趕出旺角,總算準時到達~~無損我o既名聲~~哈哈

"譚魚頭"原來真係姓"譚"...食物ok..湯底一般..價錢就真係...好在有人請...下次都係去番d普通酒樓好d...

我地非一般打邊爐...正確d講應該係一品鍋..但最緊要係食得開心~~8點半左右就個個停晒手喇~~9點就番屋企...

好慘呀...仲未有假放呀....

今日係今個月兩日假o既第一日...一早8點幾起身就同家人飲茶先...然後就入將軍澳幫威哥整電腦....

夜晚就約左人去睇"戲王之王",都ok好笑..睇完後o係郎豪坊行左兩個圈都唔知食乜好...最後都係去左食味"精"拉麵...

成半年以上未唱過k~~今日終於同幾個朋友唱番晚~~但發覺自己都幾out下..差唔多所有新歌都未聽過..睇黎都要努力惡補下先..

搞到當晚變左"熱烈慶祝香港回歸十周年經典金曲演唱會"....

嘿嘿~~足足有4個幾月未寫blog..懶嘛~~而且又冇乜好寫..日日如是..

呢排試左好多新口味o既冰皮..都係差唔多o者..好普通..不過千祈唔好買"檸檬冰皮"..好酸

最近收到一個同事結婚o既消息~~恭喜晒!又要儲定d人情喇~~

我以後唔會再幫人維修電腦....