連續一星期..日日拉車加盤..做到腰都斷咁滯..仲要死頂...好累好辛苦..

有時o係度諗..咁辛苦為乜?好唔開心...放工返屋企..又剩底自己一個..好寂寞...

我只係想搵個會關心我,安慰下我o既女朋友..點解都咁難??

好想有個人可以傾訴..可以呻下...

唔通又要借酒消愁??!!

今年生日過得十分充實..由7號開始到12號..每晚都有人陪我慶祝生日..真係十分開心..

由打邊爐,日本料理,cafe,中菜甚至唱k..十分齊全..

多謝咁多位好友,好同事陪我慶祝..

多謝咁多好友同我講生日快樂~~

多謝怡虹送俾我o既生日禮物~~係我今年收到最早同唯一的生日禮物..

可惜"妳"冇陪我過一日"二人世界"的生日...

回想起上年生日正日..自己一個買個cheese cake仔返屋企自己慶祝...唉...

今日約左光仔同德哥去唱k..幫我慶祝生日~~

我地去左旺neway..3個人俾左間10人大房我地~~正..不過點解部電腦cheap到連msn都冇裝?

個buffut就真係麻麻..遇正成班蝗蟲..出親去拎野食硬係俾人拎晒..

3個人唱到11點半..抵...下個星期約左公司同事再唱~~yeah~~唱餐飽~~

琴晚慶祝完生日後..今朝早竟然訓過龍..

7點半先起身..眼見返到去都超過9點..都係放棄返工喇..

反正咁累..成23日未放過假..就休息下啦...

瘋狂訓覺.食野..煲劇之後..當然要去睇大夫..拎張病假紙啦

夜晚約左威威食飯行街..都算係慶祝之一呱..

今日係我生日o既大日子..咁就26歲喇...唉...

因為返工而又冇人o既關係..今日都係做到死死下..生日都冇得特赦..

放左工阿琪,阿詩同藍詩尹陪我一齊去食飯慶祝..我地搵左幾間cafe..最後去左先達上面o既一間..

間cafe勝在少人..可以靜d..傾計都傾得開心d~~

我地食完飯..傾左陣計..然後玩左兩次"妙探尋兇"後就各自返屋企喇~~

多謝晒你地陪我過生日~~可惜"妳"陪唔到我...

p.s.鬼叫你o係你blog度响我全名..所以我都响你全名

今日係我個寶貝姨甥女滿月~~夜晚成家人去左"漢寶酒樓"食飯..順便幫我慶祝生日

d餸菜算ok...但d服務就..8點落單..好似趕住收工咁..8點半都唔夠就上晒8個餸..

食完晚飯10點..返屋企砌蛋糕..雖然我自己係做餅..但自己生日嘛..照食

個蛋糕係"山崎"訂返黎..超厚忌廉..食少少好喇~~

可能因為都有幾個月冇食蛋糕..味道都ok~~

多謝阿爹娘親o既利是~~我又習慣性地唔拆喇~~哈哈

第二日o既預早慶祝..多謝阿珠o既一餐~~你生日時我一定會記得o既~~

同阿珠去左"九代"食日本料理..估唔到咁多人...明明都係差幾張枱..估唔到等左成個鐘先有位..

食就食左1個鐘都冇..不過都ok啦..下次都係訂位好d~~

今晚jojo約左anna,麗娟&yuki幫我預早慶祝生日..我地去左沙田打邊爐..估唔到星期五晚咁多人..

間酒樓已經好大..但都仲爆滿..好在我地早黎幾步..總算唔駛等位..

雖然同"妳"咁耐冇見..好在都冇d尷尬場面．．都仲有講有笑．．．

我地幾個８點開始食．．９點半都未夠就已經飽晒．．好唔抵呀．．

最後要多謝jojo同anna夾錢請我地3個食野..多謝晒..

可惜"妳"唔能夠o係正日陪我慶祝生日..我都知"妳"好忙..

但你放5點半都專登趕黎同我慶祝..我已經好開心..

今日依舊悶...但因為連續兩日出去玩..所以今日超眼訓..

另外因為"藍鑵曲琪"請假..冇人陪我傾計..所以更加無聊..

好在因為越黎越少人..所以可以寄情於工作..

直到兩點幾..我終於忍唔住send左個sms俾"妳"...但"妳"一直都冇回覆...

直到夜晚8點幾.."妳"終於搵左我喇..原來"妳"病左..o係電話中我聽到"妳"病得唔輕..又唔肯睇醫生..

又唔肯落街買藥食...我真係想即刻飛過黎陪"妳"睇醫生...可惜你唔肯...又要我擔心"妳"一晚喇..

希望"妳"訓醒後會好d啦..但都記得起身要買藥食..飲多d水...小心身子...

今日"妳"已經離開左美心..令我o係呢個工場已經冇晒精神寄託...

工作冇心機...好悶...唔多想講野...

好在有"藍鑵曲琪"o既關心同安慰,令我今日未至於跌落谷底...