今日係光仔生日~~講聲"生日快樂"先~~哈哈~~又老一歲喇~~

我同光仔,肥龍去左家樂商場間"板前"食壽司慶祝..足足等左成個幾鐘先有位...

d壽司ok啦..我又食唔出話好特別..好好食...不過都唔算貴..

(ps.過兩日先睇到報紙..話呢間板前o係我地食o既當日原來仲係無牌經營)

今日終於買左份聖誕禮物俾自己..每年只有呢個節日我先會買野安慰下自己..冇法啦..自己都唔對自己好..仲有邊個..

呢份禮物就係一部"Wii"~d game真係幾好玩..又夠創意..呢d先係次世代機嘛~~

呢兩日心情好番d..可能因為去左大埔做年糕o既關係啦..冇壓力..冇煩惱..同屋企人都有講有笑...

但唔知可以keep都幾耐呢...

1. 你介意你男/女朋友於人面前滿口粗言穢語嗎?

2. 你介意你男/女朋友懶到出汁嗎?

3. 你介意你男/女朋友唔識講說話討好你嗎?

4. 你介意你男/女朋友不懂幽默嗎?

5. 你介意你男/女朋友是怕羞草嗎?

6. 你介意你男/女朋友冇錢嗎?

7. 你介意你男/女朋友冇計劃將來嗎?

8. 你介意你男/女朋友多異性朋友嗎?

9. 你介意你男/女朋友經常呷醋嗎?

10. 你介意你男/女朋友冇身材型嗎?

唔駛答我..只要問心o個句..

酒..點解難飲都唔咁多人飲??我都唔明..但我都飲緊...最近心情好差..一醉真係可以解千愁..好煩..

女人真係煩..我到依家都唔知你諗乜..到底你想點呀??

呢幾日食野完全冇胃口...5點去食碗雲吞麵都可以食唔晒..中午食個肉醬意粉都可以食剩..到底我係咪病呀??

幾日夜晚都失眠..有冇人可以救救我呀??

12月30日..呢幾日心情好down..好唔開心..唉..夜晚返到屋企..心情依然極差..開始借酒消愁o既生活..一醉解千愁..如果係解千日愁會幾好呢??

12月31日..今日係2006年最後一日..幸好7點就收左工..返到屋企食餐飯然後就開始幫人改psp都花左d時間嫁~~

跟住就約左光仔上黎我屋企學入nds game~~教完佢就同佢落去飲下野..吹下水...

依家o既時間係2006年12月31日11點45分..仲有15分鐘就到2007年..今年我到底做左d咩呢??我可唔可以好似人地咁..年年廿五歲呀??依家出面可能有好多人o係度準備倒數..而我呢??自己一個孤獨地對住部腦..唉...

願天下有情人終成眷屬..亦願天下無情人找到理想對象

足足有成個幾星期冇打日誌..因為日日收好夜..連瞓覺都唔夠時間..更加唔好話上網...

成個星期..每晚最少收9點..最夜收12點..唉...攞命..

12月23日...細基生日~~補祝一句~~生日快樂~~雖然佢唔會睇到

12月24日..終於收番早少少(真係好少)..可以瞓番好d~~但..我約左光仔過下平安夜..

一收工就同佢由旺角準備行到尖沙咀,但行到佐敦中途...真係太多人喇..而且我都有d頂唔順..都係坐底食下野吹下水好..

我地傾到成12點幾..聽日仲要返工..都係返歸瞓覺好d喇

不過都好多謝佢陪我過lonely christmas..thx

今日同光仔食lunch&行街..陪佢去搵聖誕禮物..竟然買左樣咁..不文..o既野

返到屋企..上網搵左好多software..有興趣o既自己去我shared file度睇下啦~~點用就免問喇~~因為都係d幾簡單o既..

最後幫個"二奶"進行左大掃除..清理左好多野~~好耐都冇幫個"二奶"清潔喇

今日3點半..跟左楊師傅去置富美心攞獎..一個半年前o既"標語創作比賽"..而且仲竟然係冠軍,咁我地幾個就坐公司車過去

途經西環..咁o岩就經過我前女友住o既屋企..令我想起好多年前o既回憶..

又經過薄扶林o既vtc..外觀已經改變左好多~~都有5年冇返過去喇~~

最後終於黎到置富美心..唉..6年前..我就係o係呢度......................

頒獎禮原來係加埋門市部o既每會大會一齊...搞到我o係度聽佢地講左好多無聊野..超悶..

好在5點3就走得~~重唔駛返廠繼續開工~~yeah~~難得收早~~置富~~我熟晒啦~~自己坐車返屋企~~

原本夜晚約左高佬食飯同佢慶祝生日..點知第三次俾佢放飛機...嘿...我會記住o既~~不過都要講聲"高佬~~生日快樂!!!"

雖然我知你一定睇唔到~~

今日成日都o係屋企睇漫畫+煲劇+打機+hea..都有d擔心自己會猝死

好無聊呀~~聽日last日大假喇~~好唔捨得呀~~唔想返工呀~~

難得放大假..當然要陪下屋企人啦~~夜晚難得成家人打下邊爐~~傾下計~~都幾開心...

不過突然有d麻煩消息出現左...唉...