連續幾日冇打日誌..因為日日都係返工放工又返工..冇咩好打..

10月19日..收9點半..做死..

10月20日..又收9點半..更做死..

10月21日..收9點..好少少啦..但都係搏老命先收到..

收工之後搵左光仔去金太郎食sushi~~食完行左陣兆萬

最後去左十大書坊飲野睇漫畫~~一次過睇左十幾本EXAM~~哈哈~~EXAM真係好唔抵睇~~1個字唔夠睇一本

睇到成兩點先返屋企訓覺覺~~呵呵

今日派左50週年自助餐請帖..但唔多想去..對美心好失望...

10月17日..收7點半..

10月18日..收8點半..

好累呀...

今日公司發左1封價值500蚊o既50周年利是..雖然係有d開心..話晒只係做左幾年..就收到一封大利是..但諗起做左幾年都仲係咁..就始終為前途,為將來而擔心..唉...

今日去左奧海睇"情意拳拳"..製作雖然簡單...但都幾好笑o既..用黎輕鬆下工作辛苦o既心情都唔錯~~但d枚就真係好複雜..除左"十五二十"..其他全部都唔識..算啦..反正都冇打算學~~

10月12日 第二日返工..收8點半..都係做"執餅"..今日好d啦..起碼熟左少少...

10月13日 返工第三日..收9點半..今日慘喇..又做"執餅",又幫手劏餅..又夾又刎..乜都做埋..真係做到死死下..但起碼時間過得快d

好在收到9點半..

10月14日 返工第四日..收10點...都係咁慘..完全性打雜..冇法啦..為左文哥..辛苦d都算啦...唉..好在聽日放假..

返左4日工..OT已經14個半鐘..係咪痴線嫁...

今日係做完月餅,放左6日大假後第一日返工...調左做"執餅"..

做到好累呀...好在收8點..行都行到腳軟...聽日又咁做就慘喇~~

唉~~終於到左6日大假o既last day,今日當然係好好休息下啦~~

不過都出左去買左隻新mouse~~正呀~~波波mouse~~隻手唔駛郁嫁~~

其實今日都冇事發生,只係想發表一下放大假周圍搵左d網站&軟件

呢個係個超正o既rm網:http://www.tienma.com/       想知點轉番做mp3??親自問下我啦

今日...一早坐車去寶林..準備上威哥屋企整腦(又整腦)

一落車同威哥去新都城kfc食午餐~~點知o係間茶餐廳見到鄭伊健..嘩~~好大個M字額呀~~

我地兩個都食左好多野~~最緊要係有我最喜愛o既"葡撻"~~食完行左一陣新都城,然後就上威哥屋企喇~~

幫佢format左再裝番晒去..然後再用速成法教佢燒碟o既技術..哈哈~~識唔識靠自己喇~~

之後我地走左去深水"土步"周圍行~~但就..乜都買唔到喇~~

最後我約左周波同anise去左毓民牛肉麵食dinner~~都ok啦..仲見到黃疏民o係度周圍走..

今日一朝早就上家姐度幫佢搞部新腦..我用盡120%功力..只係花左個半鐘時間完成晒成部腦

然後出左去旺角辦d重要事再去買條levis牛記...嘩..好貴呀..超肉痛..

返到屋企..終於實行本身放大假準備做o既野--"執房"..搞足幾個鐘~~

臨訓前睇左"愛得太遲--音樂電影"..嘩..一睇就睇晒全套..搞到成1點幾先訓..

不過真係唔錯嫁~~有興趣可以搵我嫁~~~

最後..."小玉~~唔好意思呀~~取消左約會~~我一定會請你食飯補數!"

今日一朝早起身就同成班老友去家樂greenbox唱lunch k~~50蚊唔駛唱足3個半鐘~~抵玩啦~~~不過d設施真係幾舊下..

唱完去左機鋪打左陣機..之後去左越興園high tea~~個牛肉飽都幾正~~飽身又夠脆...

最後同左光仔去十大書城睇下漫畫hea下~~~yeah~~睇足成套漫畫~~又有汽水任飲~~

玩足成日100蚊都唔駛~~又可以同成班老友開心下~~抵~~正~~