5:15pm到九龍塘，等我仲淡淡定定，去柏欺琴行買果份Cell $60既禮物啦。
點知去到先知無，要走返去黃埔買......
6點才上到車去黃埔，好驚趕唔切返祈禱會。
7點先等到小巴，係九龍城落車，勁趕咁返永光。
好彩最後都趕得切，哈哈，太好啦，感謝神！
其實，我都好想自己Cell抽返呢份禮物，因為每一Cell抽到，都實岩用。
不過算啦，無可能會自己抽返自己果份架啦，希望抽到既Cell會鍾意啦！^u^

晚上，收到一個非常壞的消息......擔心得要命......為什麼會這樣的......

今日終於放假了，第一日做了一樣我想做好耐既野。
就係......行街啦！好耐無行街了，順便去買埋christmas gift！
心情大暢快，無晒Assignment一身輕，哈哈！

嘩哈哈！連Rooms Presentation都KO埋啦！
今日Presentation勁緊張，好驚自己講得唔順。
不過不失，Lillian讚我地Macro果Part做得好，d point同其他組好唔同。
事關我地真係將成份施政報告睇晒，搵到好多有用既料。
不過Adjustment果Part差一點點......
並不是我們無ideas，只是我地選錯了酒店......
Four Seasons Hotel實在太新了，根本裡面本身已經好新，又駛乜adjustment......
結果就要係無野改當中，係都要找d野黎改。
若果我地找間老d既酒店，例如半島就會好好多。

好白癡，固網電話供應商我竟然寫左Smartone, 3, PCCW......
成組都無人發覺，當時我一定係做到傻傻地啦，哈哈哈。
Thank you all my groupmates！放假了！

今日交埋ILLP，又Present埋F&B了，太好啦！
F&B Benny都無咩問我地組，Good呀，唔駛比人問到口啞啞。
不過今日條俐打晒結，講得不太順暢......

無話可說，上次考完Oral又係你自己話自己實唔及格。
你因為呢件事唔開心，我地就只好安慰你。
叫你比心機做好餘下既功課，用黎拉下分啦，你又唔肯聽。
你要係唔做，我都幫唔到你。
到時你真係唔及格，我都幫唔到你。
No Pain，No Gain！無得賴人的。

今日考English Oral Exam，都係望過下d Notes就算。
考之前，同d groupmates夾定晒，Gigi做開始，我做結尾。
見到條提目有一個Point唔明o羅......唔係唔明佢d英文，係條題目太簡短，
有d怪怪地，唔清楚佢想點。
哈哈，結果我地就亂吹一餐。
總之就係講足12分鐘，講晒所有Point，有埋結尾啦。非常滿意！

Lunch，有點無奈......
我地知Venus考得唔好，唔開心。
但我地都唔知可以講d乜了，安慰既說話都講晒......
佢話上次練習同今次考試d人既反應完全唔同，咁當然啦。
練習我地第一次做，大家都仲迷緊。考試計分架麻，除非佢地唔想要分，先會唔講野者。
佢 d groupmates 都比晒位佢入，佢都唔肯講野，無計過wo......
佢應該預左架啦，唔講野，無人幫到你的......
唉......無話可說，一早勸你出席率高d，做埋ILLP架啦。
咁樣都話可以用平時分拉下分呀，但......佢又唔肯聽......