我中學時代都有用過Biore既潔面產品，印象中價錢好平，但就比較乾既~
咁多年後，我再一次有興趣接觸Biore，係因為佢，水嫩彈滑洗面泡沫^^

一次有膠原蛋白並集齊淨肌、水嫩及彈滑3大美肌功效的水嫩彈滑洗面泡沫~
聽落好吸引，睇過評語都唔差，而且價錢都係好經濟，一試無況呀^^

~ 膠原蛋白成份 ~ 提升肌膚彈性，保持肌膚嫩滑飽滿
~ 日本淨肌鎖水技術 ~ 溫和潔淨同時保濕
~ 深層潔淨 ~ 100微米泡泡深入毛孔徹底去除污垢

吱出黎已經係豐厚既泡泡，唔使另外起泡，岩哂我呢d懶人~
份量都唔需要用好多，大概一泵已經夠我全面用，所以一支我估都用到2個月，抵~

濕左塊面就可以將d泡泡加上面，d泡泡唔會因為按摩而冇哂，反而會越按越杰，
杰左再加d水就好推d^^按摩完就可以過水就ok ga啦~

過完水d皮膚好爽，洗完都好有光澤，感覺好乾淨!!!摸落去d皮膚都幾滑~
但以而家未係夏天既天氣對我黎講就有小小乾~
未至於乾到崩崩緊，還可以接受，對我黎講我估都係要等到夏天用佢先適合啦^^
總括黎講，感覺不錯，可以一試^^

 
SASSOU呢個品牌我相信大家都唔會陌生，品牌向來以純金作為主要護膚成分，
用過佢既產品既都會讚不絕口!!今年佢仲出左支神級產品 ~ 金箔水漾凝露 ~

全新的金箔水漾凝露又叫"天女滴"（HK$880/60ml）
淨係聽個名都覺得勁呢~其實"天女滴”係源於日本漢字，比喻天上掌管雨水的仙女，
灑下極其珍貴並且無比純淨的一滴露水，代表著神聖、純潔，不受污染，
亦猶喻金箔水漾凝露能讓肌膚感受到如天露般清純滋潤。

每一支"天女滴"都含 99.99 金箔成分、甘油三酯、植物固醇、丁二醇及有「補水之王」的美譽的神經酰胺。
其中"天女滴"主要成分神經酰胺主要係從日本米胚芽中提取，更被冠以“補水之 王”的美譽!!
係高效的補濕劑，功效超越透明質酸16倍之多!!!
神經酰胺係細胞脂質的主要原素，能調節細胞生長，更有調節蛋白質分泌等多種功 效，
簡單D黎講即係"天女滴"以調節膚質返回自然生理圈，使肌膚回復於正常狀態，
令到肌質可以一整天保持水潤、嫩滑&通透。
同時可以平衡油脂分泌、預防黑頭及暗瘡，並有緊緻毛孔及減淡幼紋既功效。

當然另一個99.99 金箔成分都一樣咁勁啦，因為純金是非常穩定的物質，對人體完全無害~
而千足純金既金箔可以產生負極電離子，促進組織中的離子流動~
而離子流動所產生的電流，令血液循環變得更好，使肌膚瞬間體會柔、滑、軟、細的滋潤感受~
搖下個瓶身，d金箔通全部飛起哂，好鬼靚啊!!

用上泵裝吱吱樽口，金色襯白色，襯返金箔咁高貴^^
當然用起黎都好方便啦，泵下就得，唔做倒黎倒去~

除左方便，用泵裝都有好處ga，泵裝可以將沉係底部既金箔帶出黎~
所以每按一下都有金箔一齊出黎ga^^ 而天女滴質地係水狀，冇任何既香味~
用法好簡單，只要早晚潔面後，將適量輕按在眼、面、頸部，直至完全浸透肌膚為止就得ga啦~

我用左10日左右，天女滴睇起黎係水狀，搽上去果時真係吸收得好快，
搽完就會有好似搽左cream果種潤潤地既感覺，仲keep到好耐，真係好神奇!!
而皮膚最最最明顯既分別真係水潤左好多，上妝勁貼服!!!
同埋d皮膚腸落都通透左，未至於白裡透紅，但起碼睇落去有返d血色，精神健康d^^
雖然價錢方面睇落去好似比較貴，不過其實佢一支有咁多種功效，
而且勁既份量又唔需要好多，所以諗深一層其實都抵ga~最緊要真係work嘛!!!
我覺得如果想試下金箔護膚有幾勁，呢支天女滴真係要試下啦!!推介推介!!!!

 
自從上次去Jipi Japa揀左對靚靚心水鞋(按我回顧)，佢已經成為我既新寵啦^^

我就係揀左佢，易襯既閃石鞋，我呢對係最百搭既杏色，佢仲有桃紅色同藍色，好Sharpga^^

鞋頭有皇冠design既閃石圖案，既大方又不失風格~
我揀佢最大原因係佢d閃石，超閃ga!!!! I love BLING BLING!!!!!
一路行一路閃，真係遠一遠都見到對鞋呀~非常吸睛^^

另一個原因係我鍾意佢係平底鞋得黎有返小小小小踭，因為普太平既鞋我腳會痛~
著呢對就唔會有呢個問題啦，同埋佢係魷魚鞋，就唔怕一路行一路甩尾啦~
可能係新鞋，頭幾次可能個橡跟位太新有d緊，後跟位有小小界腳呀，不過著多幾次就冇事lu^^

對鞋超軟，將佢屈成咁都冇問題!!!而且仲超輕，著上腳真係冇咩重量，
而且腳底好軟淋淋，好似加左air pack咁，彈下彈下，超舒服!!著住佢追巴士都完全冇鞋度^^
同埋最緊要既，就係佢非常之百搭，基本上真係咩造型都襯到~
我就用佢襯左幾個唔同既style，獻醜分享下我心得，襯得唔好多多包涵呀^^

第一個係休閒斯文look，我其實生得都幾細粒，不過又好鐘意著長裙ga喎~
好鐘意長裙行路果時擺下擺下咁~好飄逸!!著平底鞋出黎既感覺比高跟會休閒d^^
我有朋友好怕著長裙，驚越著越矮，其實只要揀返一d長度大概到腳眼位，
反而唔好揀d唔長唔短既，咁整體就會拉返長個人，睇落修長d ga^^

第二個就係返工look，對鞋有閃石，所以襯返工衫都一樣好大方ga^^
咁就唔使成日返工著死高跟鞋咁辛苦，可以俾時間對腳休息下~

第三個就係casual look啦，平時唔返工既日子我都係超懶，冇咩點襯衫，拎起咩就著咩~
多數都係連身裙呀、連身褲、牛仔褲之類，總之方便casual為主~
咁呢對鞋又可以襯到喎，一穿上腳就走得，勁方便~!!
呢對鞋真係百搭，隻杏色又易襯易carry^^
真係冇揀錯佢返屋企，越著越鐘意佢，哈哈哈!!!

3個look係又鐘意邊個多d呢??? ^^
如果你都想同我一樣感受Jipi Japa對鞋有幾舒服、幾好著~
咁就快d上Jipi Japa Facebook page 讚好，再到Apps投選你「最想穿上的Summer Flats」
就即送上小禮物及$100鞋券到Jipi Japa試穿啦，快d一齊參加啦^^

分店地址:
K11 Shop ~ 九龍尖沙咀河內道18號K11地庫2層17及18號舖
Park Hotel ~ 九龍尖沙咀百樂酒店地下20號舖
Langham Place ~ 旺角朗豪坊B1, 12 – 13號舖
Causeway Bay ~ 銅鑼灣波斯富街24 – 30號寶漢大廈地下B舖

 
夏天就到，真係要分分秒秒都做好防曬呀~唔係的話曬黑OR曬傷左就真係後悔都黎唔切~!!
除左塊面，手手腳腳都要記得做好防曬工作呀^^
一直我都未搵到一支岩心水既，因為我好怕痴笠笠呀~
而我最近就係試左佢，Bioré 既皇牌產品水凝長效保濕防曬乳，感錯不錯所以同大家分享下去^^

皇牌產品Bioré 水凝長效保濕防曬乳特有GAP水感凝體技術鎖緊防曬粒子，
抗紫外線同時釋放大量水分子，可減少因日曬造成的水分流失。
當中更蘊含透明質酸及綜合柑桔精華，雙重提升保濕功效^^
另外， Bioré 防曬乳更獲日本厚生省認可為最高規格的防曬產品，
除可強效阻隔紫外線，亦適合長時間戶外活動。

其實呢支除左可以身體用，用係塊面都OK ga，可以當係妝前底霜用，令隨後粉妝更貼服持久tim~
不過我面本身用開其他牌子，所以就冇試過係面用啦^^

因為係made in Japan，所以支野背後滿佈日文，睇唔明呀!!!哈哈~
上網搵下佢d成份資料，有酒精成份，敏感肌要注意啦，不過我唔係敏感肌所以影響不大~

支出黎都冇咩特別，白色乳狀，有小小香味同我覺得有小小酒精味，唔係似水果味既~哈哈~
好就好在冇防曬果陣油油地味，幾好呀，因為我都幾怕果陣防曬味~

推開之後，我以為自己拎錯左支洗面膏!!!!因為佢質地真係好似洗面膏咁ga，好似幅圖咁...哈哈~
一推開就好水好水咁，好快就吸收左啦~!!可能有酒精成份，感覺真係好清爽但唔會乾~
一D都冇黏膩，唔會好焗身~亦都冇泛白問題^^

至於防唔防到曬黑，我就真係未知呀，因為我用呢幾日都係陰天冇太陽~要遲下有太陽要可以試真^^
而佢保濕真係做得好好，用之前我又缺水又缺油，用左之後水油度都有升呀^^
佢真係打破左我對身體防曬既睇法!!唔笠對我黎講真係好緊要!!
但有一點要注意係佢唔係防水ga，大汗既朋友要留心啦~
我冇咩汗出所以冇影響，對我黎講仲方便，因為可以唔使特登用卸妝野落，
就咁用沐浴露，沖完涼就乾淨哂^^
如果對防曬要求唔係十分高，佢有50度，又係花王公司出品，價錢又唔貴，都真係值得一試~

 
到左轉季日子，衫褲鞋襪通通都要轉轉轉!!!
早前，經過K11既Jipi Japa，已經見到佢地春季櫥窗已經上畫啦!!!

已藍色Marine為主題既櫥窗，放滿今季最舒服最大熱既Ballerina系列~
非常colourfu，好有春夏既感覺，好fresh呀!!
今季Jipi Japa既一系列Comfortable Flats迎接春夏，平底鞋當道，正呀!!!!

全新既春夏鞋履系列，以舒適既平底鞋做焦點，仲有成10多種唔同既款式~
一入舖頭見到可以形容係五光十色，顏色開心又繽紛，真係個人都興奮d!!!!!

今季用上橙色、桃紅、黃色等鮮艷奪目既顏色，輕易帶出春日感覺，
當中OL最愛既Bologna Construction系列，除了皮料特別柔軟貼腳，
design元素上更注入潮流有價值感既搭帶皮扣、蝴蝶結及金屬鞋踭等作點綴，
每一款都有自己既特色，令你容易襯出唔同既春日風格，梗有一對岩你心水既^^

而Extra Flexible & Comfortable系列，就採用今年大熱的沖孔設計，結合超柔軟的羊皮，
選用超柔軟皮料打造，沒有內裡之設計，比一般鞋身更柔軟貼腳，更輕盈舒適~
個個都話好著，所以我今次都鎖定呢個系列做我目標^^

孔孔款、閃石、蝴蝶結，絕對係my cup of tea!!!!一於試試試!!!!!

呢幾對就係我既心水，真係好想一次買哂返屋企~哈哈哈哈~

最後3強，3對著上腳都好舒服呀!!!!!!又咁靚，真係好難揀呀!!!!
不過橙色原來冇哂我碼，黑色夏天又真係好小著~

所以左諗右諗，最終就帶左最易襯閃石鞋返屋企啦^^
遲小小就出一個mix & match同大家一齊分享我會點襯呢對鞋啦^^

你都想體驗下Jipi Japa既鞋有幾舒服嗎?
咁就快d上Jipi Japa Facebook page 讚好，再到Apps投選你「最想穿上的Summer Flats」
就即送上小禮物及$100鞋券到Jipi Japa試穿啦，快d一齊參加啦^^

分店地址:
K11 Shop ~ 九龍尖沙咀河內道18號K11地庫2層17及18號舖
Park Hotel ~ 九龍尖沙咀百樂酒店地下20號舖
Langham Place ~ 旺角朗豪坊B1, 12 – 13號舖
Causeway Bay ~ 銅鑼灣波斯富街24 – 30號寶漢大廈地下B舖