終於去完honeymoon返黎啦^^
今次honeymoon我地去左蘇梅+曼谷，玩足8日^^
呢間就係我地住既酒店房望出去，真係勁靚~~~日日都可以對住個海~仲睇到日出tim~
不過就真係有一萬個曬!!!!!如果企係出面冇遮咁悶，15分鐘一定曬濃~唔講得笑~
所以我都做足準備~帶齊身體同面既防曬~
面既我用左佢，kiss me出既 SunkillerBB納米防曬水型乳液 SPF50+PA+++~
產品介紹話:
- 可作粉底液使用，掩飾雀斑、毛孔和皺紋，膚色自然，打造嫩滑美肌
- 含透明質酸、骨膠原和Lipidure保濕因子，全面呵護肌膚，持久滋潤不黏膩
- 防汗、防水和防油脂，預防因日曬而成的色斑及雀斑
- 獨特抑味配方清除防曬產品釋放的難聞氣味
- 無香料及人造色素
聽落都唔錯咁喎~~~~~
打開，尖尖既咀頭，用起上黎好方便控制用量~
用之前記得搖勻先好用呀^^
吱出黎係肉色，雖然佢係防曬，但我覺得佢更似一支粉底液~
質地係好水既，好易推開，聞下佢都冇防曬味~
搽上面，真係好薄，膚色有均勻到，平時出街真係就咁用佢加碎粉就得~勁方便!!
當然，如果好似我咁下巴d粒粒比我抓損哂要遮的話，最好都係用遮瑕膏啦....
而身體既我都係用左kiss me出既 Sunkiller強效納米防晒乳液~
- 防水防汗防油，強效預防因日曬而形成的色斑及雀斑。
- 含保濕及緊緻成份，高效美肌。
- 抑味配方清除防曬產品釋放的難聞氣味。
- 有絲配方容易塗抹，質地清爽柔潤，容易推開，用後無白色殘留。
- 性質溫和，無香料、無人造色素。
睇介紹講到佢真係唔錯咁，不過一定要試過先知~
呢隻吱出黎係白色既，都係好水狀~好容易推開~
最好係佢真係冇防曬味，又冇出汗變白色喎~唔錯唔錯~
係香港，我真係好小搽身體既防曬，因為好怕會痴笠笠~
但呢隻搽完，一d都冇痴笠笠既感覺，吸得都幾快，都真係幾爽，
洗手果時會feel到有一層野咁，我諗佢防水都唔弱~
有左呢2樣產品，係蘇梅點玩都唔怕曬傷啦^^ |
