就到聖誕，聖誕節係我最鐘意既節日，因為有禮物收嘛~哈哈~
大家又準備好禮物送俾朋友未呢~~?
最近我收到一份好精美既聖誕禮物呀!!!!!!超級開心!!!!!
有5支Dior指甲油，而金色好靚果盒就係Dior Grand Bal Palette啦^^

呢盒Dior Grand Bal Palette冇改錯名，真係好Grand呀!!!!
而且好有質感，盒palette都幾下垂手ga~睇落同摸上手都俾人有高貴既感覺~
而且設計好特別ga，因為佢唔可以就咁揭開ga~

要拎走支眼線筆先至可以開到~係呀~~呢盒Grand Bal Palette仲好貼心跟埋眼線筆ga^^
除左眼線筆，打開入面就見到連眼影棒、唇掃都有跟埋~~~~超貼心~
真係帶住佢一盒都已經可以走天下~~~哈哈~

入面既間隔都分配就好好ga喎，左邊就係金色&銀色眼影~
單睇個眼影已經愛不釋手!!!!!!個好似皮革既壓花超級靚!!
金搭銀簡直係絕配!!!靚到真係唔捨得整花個個紋lor~
加上Dior一向既眼影都好好用，自己本身都有用開~
一如以往咁好，個眼影粉keep住好幼細，好貼眼，顯色度好高~
右邊就有唇彩，分別係閃閃地既透明同埋唔算好紅既紅色~

個唇彩如果唔用果時，仲有個蓋可以cover住，唔怕佢dirty哂~
咁貼心既設計又點可以唔讚一讚呢~~~~~
唔好以為佢咁grand又金又銀咁，就一定要大場合先用到~
其實佢真係好易handle，日常妝都ok ga^^
我就用佢黎化左一個日常返工妝啦~

第一步我就畫左眼線先，因為有時返工真你趕到眼影都上唔切，就咁畫眼線都出得門口嘛^^
呢支Dior眼線筆都幾好畫，都ok實色，扭出黎就用得，好方便~

之後就用金色眼影搽勻全眼蓋~日妝輕輕一層就得ga啦~
搽左出黎其實一d都唔會誇張，唔會好金色，我覺得偏向橙啡多d~好靚~
平時返工我就咁就出門口ga啦~真係5分鐘都唔攸就搞掂，好easy!!!!!

如果你覺得唔夠出，or夜晚要出街要化得勁d既話~
可以用埋銀色眼影係眼頭、眼窩中間位置搽幾下，做highlight既效果~
再畫返粗小小條眼線都ok ga啦!!!!!係咪都係好easy呢~~~~

相入面都俾相機食左d色，其實日妝夜妝都係好sharp!!!!
佢既閃係好細緻，唔係好似閃片咁浮誇~總之就係靚啦~哈哈!!!
加上佢隻色雖然係金、銀色，但我相信絕大部分人都一定handle到~

畫完眼，就要用埋入面既唇彩搽咀仔啦~~~~~
唔好睇佢好似好紅咁，其實一D都唔紅，搽上去係好淡既紅色~
上咀之後唇紅非常自然ga，唔怕會有血盤大口呀~哈哈~
之後就可以用佢既透明閃閃地唇彩係唇中央highlight下~咁又ok啦^^

當然有時間可以搽埋指甲油啦，我搽指甲油就冇咩技術可言~
不過dior既指甲油個掃都算幾大個，都好容易handle呀~

因為掃夠大，手指公我掃左3下就填滿全隻~
掃一層就唔係好實色，但掃2層已經好實色~
而且比其他既指甲油有光澤感~唔搽top coat都ok呀!
最好既係佢超級快乾，基本上搽好10隻手指唔攸再等就可以搽第2層上去~
加上佢唔算好臭，出黎又好顯色，我好鐘意呀!!!!
如果大家未買聖誕禮物，不妨考慮Dior呀，包收到既朋友一定開心呀^^

 
係上星期好開心可以出席由I MORE舉辦既聖誕體驗活動~

當中就有laura mercier既攤位~好多產品都放左係攤位呀~
我地可以任試，仲有工作人講解tim~

彩妝產品真係好靚呀!!!
當日仲有小遊戲玩，透過玩更加了解產品既特性~
成功玩完仲有禮物tim^^

禮物就係呢支laura mercier Foundation Primer - Radiance啦~
我呢支係sample，但都有15g ga^^簡單介紹下佢啦~
能散射光線並隱藏瑕疵及細紋，改善膚色泛黃現象，令肌膚散發紅粉緋緋的自然光采；
具高效抗氧化功效，持續整日不脫妝。

而佢既成份有超微細粉紅珍珠粉末、雲母、甘油、荷荷巴油、角鯊烷、微海藻、維化命 A、C 及 E~

吱出黎係肉色既，搽上面推開就冇咩色~好match!!
用法都好簡單~只要係塗粉底前搽就得~
如果用之前將底霜放入冰箱雪下，仲有助減去面部浮腫tim^^
用左laura mercier Foundation Primer - Radiance，化出黎既妝真係貼d ga~
而且冇咁易甩，睇起出黎好光澤，皮膚好似好通透咁^^

之前成日都聽人講laura mercier既產品好好用，
我今次都係第一次接觸~原來真係唔錯~對我黎講佢夠保濕，KEEP到個妝唔甩~
用一粒豆既份量都夠全面用，一支應該可以用到好耐，所以計落價錢都唔算貴，OK呀!!!

 
早前參加左L'Oreal FACEBOOK 搞既試用~好開心中抽中左呀^^
今次試既就係L'Oreal Paris 推出全新 SHINE CARESSE 水漾絕色唇彩~
個包裝好靚呀!!!!最衰我影左爆哂光啦~~~~~哈哈~
簡單介紹下佢啦~ SHINE CARESSE 水漾絕色唇彩具備水感不黏配方，極富水潤質感~

我收到既有3支，分別係#804既FAYE、#603既MILADY & #604既BELLA~
就咁睇，我最鐘意係 #604既BELLA，因為d色最易handle嘛~
而#804既FAYE，老實講如果自己俾錢買真係唔敢揀d咁鮮艷，怕老套呀~~
不過收到呢d色都好，可以試下自己平時唔敢揀既色嘛^^

#603既MILADY，係粉紅系，最易handle，包唔會出錯^^

#604既BELLA，係橙色系，呢隻橙都ok，唔會話好老套^^

#804既FAYE，係紫色系，呢隻紫都偏偏地粉紅，所以第一次用既個色系都唔會話好抗拒，都接受到既^^

而佢既掃頭就圓圓地，闊闊地，同平時見慣既捧型有小小分別~
佢呢個設計可以令搽既覆蓋範圍大d，搽就幾好搽既~
不過我就覺得頭幾次用都好難預岩份量~要用多幾次先上手，控制到個份量lor^^

試色圖~SHINE CARESSE 水漾絕色唇彩都好顯色呀，輕輕一層就已經有咁既效果^^
好水，一d都唔乾，而且好有光澤ga!!!如果想有豐唇既效果佢一定幫到你~

試上咀之後，最令我有驚喜既反而係我之前覺得比較難handle既#804色，
搽左出黎原來好靚，好sharp ga!!!當然，# 603同604搽出黎都好靚啦^^
而且呢支SHINE CARESSE 水漾絕色唇彩最勁係唔會甩色，真係好持久!!!
平時d唇彩成日都要補，呢隻真係keep到一日唔補仲有色係度~好勁!!!所以一定用卸妝落乾淨呀~
總括黎講，我好滿意呀~佢令我既咀唇更有光澤，要有一個奪目誘唇真係easy job啦~!

 
早兩個星期前，好開心參與左the saem既活動呀~
今次活動好特別，除左試產品之外，仲安排左我體驗韓式既新娘妝^^真係超級開心~!!
當日化妝品前既護膚品，就係用the saem呢set Harakeke系列啦~

Harakeke呢個系列好勁ga~佢做左個實驗，分別用 2 大歐州品牌既蘆薈&橄欖護膚品，
同the saem 既Harakeke ( 最右棒型圖綠色代表Harakeke )做皮膚吸收後皮膚含水量的實驗，
結果出黎，無論即時 或 6 小時後，the saem Harakeke都 遙遙領先!!證明佢保濕效果好強!!!
等我續一介紹下佢地啦^^

第一樣要介紹既係the saem Harakeke Toner， 佢係韓國發佈 45 天已經賣出超過 50000 支，超級熱賣!!
Urban Eco Harakeke Toner 爽膚水 (200 ml / HK$144)
佢不含防腐劑、人造色素、礦物油、動物成份及二苯甲酮~
比蘆薈更補濕，同時紓緩肌膚的新西蘭亞麻(Harakeke)精華，將水份傳送至肌膚各處~
同時係Ecocert認証金盞菊精華及麥蘆卡蜂蜜，保持肌膚水潤至極，更有抗菌抗炎功效~

好鬼大支同包裝得好靚既既toner~佢既質地好特別，唔係一般既水狀~而係Gel狀ga~
佢Gel狀配方設計係方便搽上面之後唔會溜走， 可以將水份直接傳送至肌膚深層，
形成保水層為肌膚準備最佳狀態，令下一個護膚部驟更快吸收，效果更佳~
因為佢係gel狀，我覺得唔用化妝綿直接用手上都得呀，用化妝綿只不過係方便影相清楚d~
佢吸得都好快，淨搽toner都好似搽左lotion既感覺，同埋鐘意佢陣好清既香味^^

Toner之後就用精華打底啦~
Urban Eco Harakeke Essence 精華素 (50 ml / $154)
不含防腐劑、人造色素、礦物油、動物成份及二苯甲酮~
比蘆薈更補濕，同時紓緩肌膚的新西蘭亞麻(Harakeke)精華將水份傳送至肌膚各處，
Ecocert認証金盞菊精華及麥蘆卡蜂蜜保持肌膚水潤至極, 更有抗菌抗炎功效~
絲質精華素配方讓肌膚感受非凡的深層滋潤及幼滑如絲的質感，
形成保水層鎖住水份，保持肌膚水潤柔滑， BB─般的肌膚~

包裝同toner好似樣，佢既質地都好輕，好易推，吸得快~用埋佢真係更加有水水既感覺~
而且呢支精華真係超級抵，大大支都係百幾蚊~平時買Lotion都唔止咁既價位~真係抵到喊~!!

最後步驟就係用佢既面霜啦~
Urban Eco Harakeke Cream 面霜 (60 ml / $154)
不含防腐劑、人造色素、礦物油、動物成份及二苯甲酮~
比蘆薈更補濕，同時紓緩肌膚的新西蘭亞麻(Harakeke)精華將水份傳送至肌膚各處，
Ecocert認証金盞菊精華及麥蘆卡蜂蜜保持肌膚水潤至極, 更有抗菌抗炎功效~
長效水份面霜令肌膚柔軟而保濕，培育健康而有活力的肌膚~
同時有助於保護皮膚~免受外來環境因素的損害~

我鐘意包裝入面仲有一層膜，用先開，同埋有多個蓋仔~咁唔使一扭開果時d cream痴上個蓋度浪費哂~
見到佢寫住cream，但我覺得佢既質地又唔會好厚，比lotion杰小小啦~又冇cream咁笠身~
搽左佢，會感覺到好似有層保護膜咁包住塊面，呢個真係好潤呀!!
當日搽哂呢3件產品之後，就由化妝師Carrie幫我化妝啦~
佢都讚用呢set野打底之後，個妝化出黎好貼呀^^

Carrie首先幫我化左個日妝，仲set埋頭，有埋頭飾，個頭飾仲係佢自己整tim呀~好勁!!
我好鐘意呢個日妝呀，因為好清!!!係我既style~最鐘意咁簡單清新，睇落好精神呀!!!!

之後仲幫我轉埋晚妝，將d顏色加深左~~頭飾都轉埋^^
雖則話晚妝，但唔會話好濃，good呀!!
你地覺得日妝or晚妝襯我多d呢???哈哈

黎個眼妝close up，當日用既化妝品全部都係the saem 架!!!
呢盒眼影包裝超級靚，仲好睇好用，好閃好顯色ga!!!!

另外，我都好好好鐘意個胭脂，出黎d色好靚呀!!!!!
雖然我有好多胭脂，但都好想擁有佢呀!!!!!哈哈哈哈~
the saem呢set Harakeke系列我都keep住用左個幾星期~感覺真係好好~
真係好岩秋冬用，mainpoint係三樣加埋都唔使500蚊~~非常抵用呀!!!大家真係要試下呀!!!
the saem而家仲出左christmas set，可以去佢地Facebook睇下呀~好多都好抵ga^^ 

 
最近，接觸到Marine Elements深海肌元系列既3件產品~
呢個深海肌元率先引進了最新的天然護膚科研技術，
是專為乾燥皮膚而調配的日用護膚品，低敏配方不含藥物及類固醇，
適合敏感肌膚、嬰兒、不同年齡人仕使用。
對於濕疹或皮膚炎所引致的乾燥、脫皮、痕癢等癥狀，尤其見效。
3件產品包括Marine Elements 深海肌元潔膚浴乳、Marine Elements 深海肌元潤膚露、
同埋Marine Elements 深海肌元潤唇油^^

Marine Elements 深海肌元潔膚浴乳
不含肥皂成份， 而且酸鹼度與肌膚接近，極度溫和，適用於臉部及全身。
有助更新肌膚細胞， 令肌膚更顯柔潤。

氣味唔係好濃，質地又唔係好杰，用手都好輕易搓到泡泡出黎~~~
如果用浴球搓出黎既泡泡仲多，d泡都有份量~唔係稀鬆鬆既~
沖完出黎唔會乾爭爭，你話超級潤又未算係，不過不失呀~

Marine Elements 深海肌元潤膚露
促進肌膚天然保護膜的健康。抗氧化成份有助預防自由基對肌膚造成傷害，
日常使用可保持肌膚年青及緊緻，透亮煥發。

潤膚露係lotion質地，有好淡既香味，似薰衣草味??
初初都怕佢唔夠潤，但推開又ok喎，吸得幾快，比想像中潤~當然可以再潤d仲好啦~
呢隻lotion我多數都係朝早用，對我黎講夜晚都係要用d比較潤既產品先得，
不過搽完皮膚表面都好有光澤ga，好似有層保護膜咁^^

沖涼液+潤膚露一齊用左2個星期左右，皮膚真係冇咁乾~
而家就算唔小心介到都唔會咁易有白痕，甚至介損啦^^

除左身體用既產品，咀唇都唔可以忽略ga~
呢支Marine Elements 深海肌元潤唇油，係牙膏型包裝設計~
佢可以溫和嫩化和保護雙唇， 免受有害物質侵害，讓雙唇保持柔軟和光澤。

吱出黎既係lotion咁ga，冇味既，而且佢有別於平時用開既質地，初初用真係唔係好慣ga~
因為佢感覺比較稀，不過好在佢一d都唔會笠痴痴，用用下就慣左啦~

因為我個咀成日好鬼乾，又甩皮咁，搽左佢即時都有效果睇到ga~
睇落佢真係冇咁乾，唔會白雪雪甩哂皮咁，冇咁嚇人啦~哈哈^^
今個秋冬有呢3件產品陪住我，真係可以乾燥遠離我呀^^