一年365日，無論用咩功效既護膚品，我點都會keep住搽補濕產品打底~
因為水份對皮膚真係好緊要，只要有充足水分，皮膚就會飽滿光澤^^
今次我要推介一隻我覺得好好用既保濕俾大家，就係施巴出既 Visio 微囊保濕啫喱~

我相信對施巴呢個牌子都唔會陌生啦，佢既泡泡潔面都好好用好出夠ga~
施巴出名係pH5.5配方，無皂無，性質特別溫和，
可以增強皮膚微酸性保護膜功能，改善膚質，而且連敏感皮膚都用得， 
而Visio 微囊保濕啫喱，並唔係咩新品，雖然我都係第一次接觸佢，但對施巴都有一定既信心^^

Visio 微囊保濕啫喱，有專利既“微囊緩釋綠珠Sebaspheres”，
只需輕輕按摩，直滲入皮膚底層，釋放水活養分，持久強化肌膚補水鎖濕效能，預防缺水問題。
更含透明質酸、蘆薈和泛醇，大幅提升面膚含水量，促進細胞更新。 

德國製造，打開有一層錫紙密封，撕開就見到啫喱狀既gel入面有一點點既綠色珠珠~
有小小既香味，但唔濃郁，容易接受~

質地易推，不油不膩，按幾下綠色珠珠都會溶解，好快就吸收哂係皮膚~
搽完感覺好似有層保鮮膜包住咁，搽完去我再搽多層cream都冇擦膠碎情形發生~good!

用之前咁岩敏感，起左好多粒粒，皮膚變得好乾，都出埋黎~真係差冇可差......
用左Visio 微囊保濕啫喱個多星期，皮膚已經好返好多啦，d粒粒終於退得七七八八，
損左既暗瘡都埋左口，乾紋都小左好多啦，呢樽gel真係及時雨，好彩得佢ja!!!
因為有時我會豪d厚搽敷下，又入左小樽放係公司用下，所以一樽我都用得好快，
不過佢都唔算貴，keep住用都唔會好肉痛呀，最緊要有效又岩自己皮膚嘛^^
最後真係好多謝Fashion & Beauty邀請我試用一隻咁好用既產品呀^^

 
當你穿上小背心，小吊帶果時舉起手，有冇發現腋下因為脫毛脫得多，
而肌膚粗糙，仲出現礙眼既黑斑??係咪好想連underarm都美白下呢~~~~
市面上專門俾underarm美白既產品唔算好多，用面用既美白成本又好貴，
所以DOVE就推出左Dove Ultimate White淨白美肌止汗香體系列啦^^
美肌止汗香體系列有噴霧裝&香體露兩款選擇~

最新推出的 Dove Ultimate White淨白美肌止汗香體系列，
蘊含Omega6成分，為肌膚提供所需的脂肪酸，促進細胞再生，
仲有助於加快皮膚更新，以減輕黑暗的腋下皮膚細胞，真係可以做到美白、紓緩、修護一take過~

而且短短7日，就可以令腋下肌膚重現細緻白滑，
減淡頑固黑斑，同時有效修護肌膚，改善粗糙膚質。

噴霧裝個噴口唔係好大，所以噴出黎既止汗劑都好細緻，分得好散~
唔會話噴到成個underarm都濕哂咁，而且輕輕一按既份量都已經夠~
氣味方面，係dove自己既味道再帶有小小既花香味，好好聞，唔會好俗氣~
連我老公都接受到陣味，都會拎黎一齊用呀^^

除左噴霧裝，仲有細細支既香體露，同樣地，佢都係可以做到7天美白ga^^
佢同噴霧裝唔同既係香體露係液體黎，而且佢好方便帶出街易便不時之需~

打開蓋就見到個圓波波口，就咁直接碌係underarm位置就得ga啦，好方便~
佢都算吸得好快，唔使驚會印到件衫周圍都係~

而且就算係止汗香體露，都同Dove其他產品一樣，加入左1/4乳霜成分，
所以都有滋潤效果，又唔會笠痴痴，陣味仲好好聞tim^^
呢支香體露細細支，我會放係手袋度，有需要果時拎出黎碌一碌，
咁就唔怕成身汗味或者腋下有汗水印咁尷尬~
用左幾日，雖然美白效果就未係好覺住，但止汗方面就好work，好滿意啦~
有左佢真係冇哂汗味，夏天真係舉高手都冇有怕啦!!

 
最迎打開電視、雜誌都會見到佢地，你有俾呢個廣告吸引到嗎???
女既靚，男既型，其實好難唔會留意~哈哈

上星期有幸出席BE X SK-II 100 bloggers見證神仙水5D奇蹟
當日見到好多熟識既bloggers，現場真係好熱鬧^^

仲請左化妝師黎分享神仙水既用法同model示範~
model個樣好清秀呀，唔化妝都幾靚女~

化妝師分享既方法都幾有創意，至小我真係未試過咁用神仙水^^
佢教我地可以化妝前用神仙水敷下咀、額頭&眼位，咁就會上妝好多ga啦~
返到屋企我3有試下，又真係唔錯ga喎，上妝真係貼d~

敷完之後接受5D皮膚測試，5D即係光澤度、細滑度、緊緻度、抗皺度&白晢度~
model有4D呀!!!仲要個個D都好高分!!好勁呀!!

當然我都唔執輸做下皮膚測試啦，我本身都有用開神仙水，
出黎既結果都OK呀，以我既年齡黎講係中上，唔錯呀^^

跟住我地仲做左個小測試，就係將水&神仙水一齊滴落同人皮膚近似既羊皮上，
好明顯見到神仙水好快就吸收左呀，證明神仙水既^^

活動最後係一片歡樂同精美既小食下完美結束^^

活動後，SKII都俾左分別一set男士、一set女士我試~
老公佢見到佢都有禮物，所以都好開心呀!!!

女士既我一直都有用開，所以都唔詳細咁介紹啦，
大家想知多d既可以睇返我之前既"我開始左我既第一支神仙水，你呢?重溫~

用後，當然一如以往既好，我覺得佢淡印真係幾work~
皮膚唔穩定既時候出既小粒粒，敷左佢個mask都會好返好多ga!!

今次重點，我好想講下SKII MEN呢set野~
SK-II男士系列有把握於14日內，為男士打造活力透亮的健康肌膚。
專利的Pitera能增強肌膚的自然機能，結合自然保濕因子，
改善皮膚角質層，激活細胞更生，提升皮膚由內而外的健康光澤。
始終係新野，好想知佢同女士果set有咩唔同，所日日日都監督老公用~哈哈

SKII MEN既神仙水用上黑色既樽身，係光線下睇又會有小小紅色，好型!!我好鐘意!!
SK-II MEN Facial Treatment Essence更蘊含90% Pitera，
配合特別為男士研調的成份，又新加入清爽成份，
為男士一向偏油及毛孔粗大的肌膚帶來持久清新感覺。

質地同女士神仙水冇咩分別，氣味方面我覺得俾女士既淡d，
可能知道男人未必接受到Pitera獨有既味道卦，哈哈~
我問老公覺唔覺得好臭，佢話都接受到~

MEN Moisturizing Cleanser 男士活能保濕潔面霜

深層保濕潔淨，徹底去除黑頭粉刺。豐富泡沫，深層清潔肌膚和毛孔。
Pitera成份令肌膚保持保濕功效，薄荷香與獨特的清酒香(Ginjo)融合，清爽感覺持久不退。

吱出黎有陣陣既花香，泡沫都算多ga，而且好輕易起泡~
老公話洗完都唔覺得乾，幾好~
我當然都有試用過啦，一向係算係男士野我都會照試，親身感受一下，哈哈~
一般男士潔面產品都真係比較清爽，次次我試都會覺得有d乾，
但呢支SKII MEN洗完真係唔會乾，我覺得仲有小小潤既感覺，就算唔即時搽野都ok喎~

最後MEN Age Revitalize Moisturizer 男士活能修護霜

保濕成份滲透底層皮膚，重拾活力與彈性。
含燕麥及豌豆精華配方 (Oat-Pea Complex)加上維他命B3，
活化膠原蛋白和彈性蛋白的生成，滋養及緊緻肌膚，重拾彈性，煥發年輕光澤。

問老公有咩感覺，好唔好用??? 好用~ 笠唔笠?? 唔笠~ 仲會唔會乾?? 唔乾~
就係咁.....不過你仲想佢俾D咩答案呢??哈哈~
咁...我都係要自己試下個質地，支出黎係Lotion質地，氣味我唔係好記得~
而且好容易推開，我見我老公用都吸收得好快既~~~

用左5日，本來諗住用咁盒時間應該冇咩效果可以睇到~
但睇返相先知原來效果都ok明顯喎!!!d暗粒明顯小左好多，而且毛孔都收細左!!
老公自己淨係覺得摸落去好似滑左，睇返相先知有咁大既分別~佢都好滿意呀!!!
如果大家都想試下SKII神仙水，無論係男士or 女士，
都可以上SKII 既facebook，入返d簡單資料就有10ml神仙水試用ga啦^^

 
上星期好開心可以出席Garnier 輕感面膜分享盛會~
雖然地點對於係新界返工既我黎講遠左小小，不過我都冇遲到呀^^

Garnier 同事一開始就介紹一下Garnier 先，
原來GARNIER於1904年在法國推出，已經擁有過百年歷史，
時至今日已享譽全球160多個國家與地區，一直保持歐洲天然護膚品牌的領導地位。
Garnier 深信天然植物的力量，只有將大自然的天然成分融入產品，先能真正達到持久的美。

當日仲請左5位Bloggers分享佢地用左Garnier 輕感面膜既感受，
大家一致都覺得好貼面，好好用呢~真係講到我都好想快d試下呀~

仲即時請左一位blogger出黎現場敷mask，體驗一下Garnier 輕感面膜既威力!!!
只係敷左15mins，水份已經足足提升左差唔多一倍呀，好勁!!

活動後Garnier 都送左全新推出既3款輕感面膜俾我地試下~
分別係粉紅色既溫和舒敏，綠色既水潤保濕&黃色既美白淡斑~

3款面膜紙都同我地用開既面膜紙cutting唔同，A款就係Garnier既，
佢係嚴選源自日本高端濕法面膜織布技術，而且專為亞洲女性臉部骨架設計出，
薄如蟬翼的優越觸感布膜，緊密貼合臉部曲線，敷面膜時享受隱形般無負擔的舒適感受。

加上佢創新的纖維結構更能承載10倍*精華液，優越強效的滲透力，
能將面膜中吸附的保濕精華迅速完整導入肌底，提升並強化保養功效。
簡單介紹一下3款MASK有咩唔同既功效啦~

水潤凝萃輕感面膜 (敏弱性肌膚適用)
5000公尺高的天山冰河泉水完整保留微礦物質，能為肌膚帶來活力光采。
天然睡蓮舒緩精華以及維生素原B5補水因子，有效舒緩及修護因乾燥、日常壓力、
轉季而引起的敏感不適，增強肌膚天然防禦力，令肌膚變得更健康。

水潤凝萃輕感面膜
5000公尺高的天山冰河泉水完整保留微礦物質，能為肌膚帶來活力光采。
萃取自頂極高山茶園的綠茶、白茶，含有高效天然抗氧化成分，使肌膚有效阻絕外界污染。
高彈性服貼剪裁讓高效精華完全滲入肌膚底層，令肌膚變得水潤光澤，飽滿得如BB肌膚一樣，散發水嫩光采。

晶亮3效合1美白輕感面膜
5000公尺高的天山冰河泉水完整保留微礦物質，能為肌膚帶來活力光采。
黃岑草本精華、維生素CG以及天然檸檬精華，3重美白成分更有效減淡黑色素，
溫和去除老廢角質層，提升肌膚透明感、白皙感。

3款面膜打開都見到好多既精華係塊MASK度，淨係個袋度既精華唔算多，
拎出黎都感覺到個MASK重重地，有好多精華吸左入去^^

敷上面塊MASK都好貼面，雖然對我黎講塊mask大左小小，
但我左fing右fing跳下塊mask都唔會跌落黎，
最鐘意佢貼面之餘d精華唔會周圍滴，呢樣真係值得一讚呀!!
另外佢眼位個咀位都做到好貼，唔會話好多位敷唔到~
連鼻翼位都做得唔錯ga，不過就敷唔到我個鼻頭啦，如果可以長多小小就very good!!!!

3款Mask我都好鐘意，因為真係好貼面兼保濕，
粉紅色既我都係皮膚比較敏感先用佢，敷完皮膚冇咁痕~
黃色既美白我就一個星期用一次，當keep住美白下d皮膚嘛^^
不過如果最最最鐘意既，我會揀綠色既水潤凝萃輕感面膜~
因為佢係最岩我既皮膚，平日用佢就最好，敷完之後水噹噹好舒服，睇落d皮膚靚左好多咁!!

Take care of yourself; Take care of others; Take care of the world around you.係Garnier既口號，
如果大家都有興趣試下，可以上Garnier既網站~
佢而家有個郵寄愛心面膜既活動，簡單登記小小資料就有ga啦~
快d去登記啦，禮品數量有限, 送完即止ga!!!

 
夏天係要最勤力做美白防曬保護既，而且保護不止於面部，應該係全身由頭到腳ga^^
大家著熱褲，著比堅尼既時候，有冇發現堅尼位的膚色變深，出現膚色不均、暗啞和欠缺光澤等問題??
原來係因為皮膚經常受磨擦、流汗或是荷爾蒙分泌等因素形成ga~
所以Lactacyd就好貼心咁推出最新配方有美白弁� - 美白柔滑女性潔膚液啦~

Lactacyd White Intimate 美白柔滑女性潔膚液 (69.9/250ml)
天然方法 美白特別部位，除含有身體原有保護成份Lactic Acid，能為特別部位帶來原有保護外，
更是全港首創美白女性潔膚液，含有海洋(Algowhite)、植物(Actipone-B)精華。

實驗証明，每天使用，可於四星期內美白特別部位及比堅尼位。
9 成亞洲女士使用後，一致認同有明顯美白效果。
經皮膚測試，性質温和，敏感皮膚亦適用。

Lactacyd既女性潔膚液其實同普通沖涼液睇落去冇咩分別，感覺上妠N稀小小^^
用法都好簡單，只要每日沖涼果時取適量塗抺於外陰位置，
輕輕清洗外陰部，最後用清水沖洗就得~

起泡泡方面，都冇普通沖涼液咁多，
性質幾溫和，用完之後覺得清爽舒服，唔會痕癢既感覺，
用既時間唔長，所以美白效果暫時都未係好睇到，
希望用落去真係可以有美白既效果見到啦~
如果大家都想試，而家有得拎 Lactacyd White Initimate 美白柔滑女性潔膚液試用裝呀~
詳細可以去Lactacyd既facebook睇下^^