NARS既化妝品出名好用就係人都知~NARS既護膚品，你又試過未呢??
因為NARS深信化妝同保養係相輔相成既~所以今季就創新推出最適合上妝的保養產品，
希望可以令肌膚隨時隨地都呈現最佳備妝狀態^^
而整個系列一共有7件產品，由洗面到MASK都有，非常貼心~
其獨家研發Light Reflecting Complex™LRC聚光複合物，除左速增肌膚光源、
前所未有的提高皮膚反射光線的能力，更為表層肌膚提供水份及礦物質，
並刺激細胞更新，徹底再現肌膚裸透光澤^^

而今次，好榮幸得到Fashion & Beauty邀請試用當中2件皇牌產品~
分別係NARS Aqua Gel Luminous Oil-free Moisturizer & Total Repenishing Eye Cream

NARS Aqua Gel Luminous Oil-free Moisturizer ($620 / 50ml)
利用獨家水分子濃縮技術，瞬間鎖水，有效補濕、活膚、增強肌膚抵抗力。
運用水凝活膚技術，改善肌膚鎖水效能，令肌膚回復水潤，顯著撫平幼紋皺紋。
刺参根萃取物同步將水份完整導入肌膚。使肌膚瞬間水潤柔嫩。
日用無油成分，全天候完美控油。
適合中性至油性/混合性肌膚及季節性油性肌膚使用。

打開第一眼見到佢，感覺係...好水!!
我有個習慣，用所有野之前都會聞一聞~如果氣味我鐘意既用得特別開心~哈哈
因為NARS既產品都係100%使用純天然香氛，前調係清新的柳橙和葡萄柚果香，
接續帶出蜜桔、紫羅蘭、玫瑰、牡丹和天竺葵；最後以薰衣草和木姜子~
小左種人工既香味，所以用起上黎都好relax~我鐘意呀~


佢既質地真係好輕盈，係我最愛既gel狀~
亦都好容易推開，用既份量好小都夠搽全面，推開就會感受到咩係裸透既光澤^^

Total Repenishing Eye Cream ($600 / 15ml)
富含櫸樹芽萃取物促進膠原蛋白的生長，使眼周肌膚細緻光滑，並有效減少細紋。
Active PeptidesComplex活性胜肽來自海洋膠原蛋白，有效保濕，減少眼周浮腫及暗沉。
玻里尼西亞島椰子油，有效防禦細紋產生並滋潤肌膚。

我鐘意佢既包裝，夠簡潔，珠光白色好討我歡心~樽口唔會太大，份量易控制~
而且佢係直立式牙膏吱吱裝既設計令我加分，雖然泵裝係方便，但樽底果d好難用得哂，
而吱吱裝既設計用到最尾可以剪開黎用，我覺得咁貴既產品，當然要一滴都唔好哂啦~

質地係cream狀，其實我好怕用cream狀既eye cream，因為好怕笠~
不過NARS呢支真係一d都唔笠喎，按幾按就吸哂，好難得有eye cream潤得黎唔笠~

減少細紋方面，因為我最近失眠，所以用之前都唔係好抱好大期望，始終唔夠訓好難會有好既皮膚~
不過睇返比較，好似真係有小小改善喎，縱使我隻眼好冇神，但眼下既細紋好似淡左小小咁~
其實以我失眠左成個星期黎講，冇惡化已經要謝天謝地啦~哈哈哈
可能正因為自己知道唔夠訓，所以比平時更加努力去搽eye cream，按摩對眼先有咁既成果~
我估如果我有足夠既睡眠，eye vream既效果會發揮得更好~

整體而言，我覺得NARS呢2個產品都好好用~
保濕度超強，而且一啲都唔油膩，吸收得又快，
加上，要化一個好妝，打好底係好重要!!!用左佢地打底，個妝真係貼好多同冇咁易溶!!!
雖然價錢都唔平，不過我覺得係work既就值得既~試過既，包你愛上^^  

 
蠶絲都可以做護膚品??原來蠶絲中含有的胺基酸為接近肌膚的保濕成分~
溫和、不刺激、易吸收，可以令肌膚倍感滋潤。好似好神奇咁~~我真係第一次接觸ja^^
呢set就係日本妝藥店熱賣既品牌Utena，分別有MAYU蠶絲蛋白系列既 :
MAYU控油清爽噴霧 、蠶絲潔顏粉& Cupa 溫感磨砂凝膠~

第一步就係用蠶絲潔顏粉啦~
超纖細的蠶絲纖維可清除毛孔及肌膚紋理的髒污，徹底洗淨污垢，締造柔滑細嫩的肌膚。
由蠶絲萃取的絹絲粉末製作而成的洗顏粉，溫和不刺激肌膚，泡沫柔細，洗後清爽不緊繃。

拎上手輕飄飄，手多多扭開黎睇~原來好full ga喎!!!
真係大大樽得黎真材實料，唔會得半樽咁呃人，good!!

倒出黎見到d粉都好幼細，我用起泡網，加d洗顏粉上去，份量我都係隨意~
搓三四下就有軟綿綿豐盈既泡泡啦，d泡都算幾實，唔會好快冇~

洗完出黎感覺好乾淨!!!!我係混合肌~第一次用果時可能倒得太多，洗完覺得真d乾~
之後用返小d，又好d咁~只要洗完之後搽返保養品就ok啦^^

用系列都有保養品ga，就係蠶絲蛋白美肌毛孔收斂化妝水&收斂凝膠~
不過因為我得sample，都唔係試得好真，唔多講啦~
但試過佢既質感都ok ga，尤其收斂凝膠，用左好舒服同保濕都ok~
用埋佢就岩岩好補返洗顏粉有小小乾既問題^^

除左基礎保養品，呢個系列支控油清爽噴霧就唔錯ga^^
添加低油脂吸收、保濕與收縮毛孔的菁華成分，可抑制因皮脂腺過度分泌油脂所產生的黏膩與油光。
白天重新補妝時可同時補充水分，抑制肌膚的黏膩感，調整肌膚輕爽一整天。

佢係用係係妝前或者上完妝用都得既~我多數都係定妝之後先噴~
噴出黎米白色，但上面唔覺既~因為細細支，所以我又會帶出街補妝用~
得閒就噴2野，用左之後T 字位出油都減少左~~~都唔差GA~
不過如果個噴咀噴出黎可以再散D就更加好啦~

除左MAYU蠶絲蛋白系列之外，呢支 Cupa 溫感磨砂凝膠我都好鐘意GA^^
鼻子專用! 添加磨砂粒子，改善黑頭粉刺與老廢角質兩大惱人問題~
- 特殊凝膠，讓污垢浮出
- 三重磨砂效果將污垢趕出毛孔，潔淨鼻頭毛孔
- 加入了保濕成分，膠原蛋白、蜂王乳精華、海藻醣 ，一邊按摩還可維持肌膚保濕度

吱出黎係gel狀，有d磨沙粒粒，用法都係將佢搽係多黑頭粉刺既地方~
我多數用係個鼻度啦，間唔時都會用埋係T字位用下巴位，清下D角質嘛^^
搽上去一推開，好快就feel到有d暖暖地，呢個就係我鐘意佢既原因，因為我覺得好舒服呀~
敷既時間唔使太長，大概3-4分鐘就得，洗果時再係個鼻度打圈，會再乾淨d ga^^

唔用大機影真係好難影得清....真係無奈呀......
其實用左佢洗完之後，我覺得d白頭係有浮出黎，針清易好多~
但頑固d既黑頭就唔係用一兩次就得，我而家用左好幾次，開始都易清左~
我估用多幾次效果應該會好好多^^

 
上星期好榮幸可以參加BOBBI BROWN既工作坊^^
一早聽聞BOBBI BROWN既化妝班好好，今次終於都有機會親身體會一下啦~
今次既主題係<<肌膚急救>>，主力係試下最新出既產品有幾勁^^

我去既係BOBBI BROWN係尖沙咀FACESS入面既studio，地方骨子但五臟俱全^^
而且光線充足又有海景，真係幾優雅~加上所有產品放哂係度可以任試ga^^

等齊人之後就好開始肌膚急救既旅程啦^^
第一步當然係潔面卸妝先，我都係第一次用BOBBI BROWN既紓緩卸妝潔面油~

都卸得好乾淨而且唔笠，仲可以配合埋磨沙粉，過完水真係好滑同埋皮膚軟左好多~
腸唔睇得出個分別???雖然光線有小小唔同，不過右圖洗完D皮膚現場睇係明顯冇咁暗啞同好滑^^

卸完妝，用埋爽膚水，保濕之後，就到左今次既主角出現啦~
就係BOBBI BROWN 全新 Illuminating Face Base SPF 25 PA++ 明亮美肌霜~
佢係專為面色偏黃、暗啞的亞洲女性而設，能即時去面黃暗啞、改善面色，
有三大抗氧化成份包括綠茶精華、洋薊葉及維他命 E，持續改善皮膚面色，增加彈性。

佢入面有極幼細有珍珠粒子能令肌膚變得平滑有光澤，細紋和皺紋不再明顯；
大量保濕因子令肌膚持續水潤飽滿，改善皮膚面色~
而且吸油粉末控制肌膚多餘油份，收細毛孔並改善膚質，控油效果持續 8 小時~
用既份量好小就夠，推開就見到D珍珠粒子，閃閃地ga^^

我覺得佢仲可以好似光影粉咁，用係鼻樑、權骨位、眉骨位，輕輕再薄薄地搽多層~
可以令到d輪廓更加突出，睇落去皮膚有光澤，感覺上精神好多ga^^

睇得出model用左之後面出面既光澤感嗎^^

如果只係想自然既妝，連粉底液都可以唔用，當然追求完美就用埋粉底液啦^^
直接用全新 Sheer Finish Loose Powder 透薄超柔碎粉定妝就得ga啦~
呢隻碎粉真係好幼細呀!!!搽左塊面好滑同個妝變得好貼ga!

睇完示範，我當然落手落腳試一輪啦^^
Illuminating Face Base SPF 25 PA++ 明亮美肌霜貿地都唔錯，好易推，用既份量唔需要多~
用左睇落d皮膚冇咁暗啞，而且佢有埋防曬，真係好岩我既d懶人一take過~
除左明亮美肌霜外，我都好推薦BOBBI BROWN既遮暇，原來真係好掂GA!!!!
當然亦都多得PR小姐細心咁幫我手遮同教我點用啦，咁先可以將遮暇發揮功效^^
今次呢個肌膚急救工作坊真係令我學到好多野呀!!獲益良多~!!
只要簡單既步驟，先調色、後均勻，就可以輕鬆咁打造透亮珍珠肌啦^^

 
有邊個唔想有V面呢???但我天生一副包包面，想V真係要好勤力&落好多心機先得~
都試過好多唔同品牌既瘦面ga....總之係唔使做手術可以瘦面既我都想試^^
而mask house呢個牌子我都唔係第一次接觸，上次試左佢個V型纖面膜都有唔錯既效果ga^^
所以今次就試左mask house出既鑽石級V型全效瘦臉精華~

三大主要成分及三重點修護功效：
BodyFit™ 醫學燒脂精華 · 纖顏
全效燃燒面部脂肪
促進血液循環暢通淋巴、減慢及分解脂肪積聚

質地係lotion狀，都好容易推開，唔會好笠，加埋接摩會吸收得快d^^
雖則佢話係燒脂精華 ，但我反而覺得搽果時會有小小涼涼地咁既感覺，都幾舒服ga~

搽完再配合埋臉頰滾動導入器(圖右) &頸額滾動按摩器 (圖左)就very good啦~
唔好睇小呢2個按摩器呀，佢地都係根據人體3D工學，
V型臉頰滾動導入器特別切合亞洲女士的雙頰輪廓，配合纖巧的棒型設計，
使兩邊14片方型羽狀導入齒輪於滾動時更能舒適貼面，重點針對下巴、顴骨至耳邊位置，
加速精華導入並分解臉頰脂肪。持續按摩加速血液循環，暢通淋巴，消除水腫。
而頸額滾動按摩器既滾珠按摩幫助刺激穴道，加速血液循環，有效加速精華滲透，撫平頸額皺紋。

2個按摩器個滾動頭都有分別ga，臉頰滾動導入器既頭係一片片既軟膠黎既~
而頸額滾動按摩器既頭就係2個圓圓地既滾珠，係硬身同比較細個既^^

用臉頰滾動導入器既方法都係好簡單，由下巴位慢慢拉上顴骨至耳邊位就得ga啦~
因為係軟膠所以比較啜肉，用果時既感覺就好似有人meet你塊面咁~幾得意^^

而頸額滾動按摩器都係係頸到碌下，可以幫助刺激穴道，撫平頸額皺紋。
不過我發現除左碌頸之外，用黎碌下個肥臉珠都唔錯ga喎，個位大小岩岩好，好舒服ga^^

呢個鑽石級V型全效瘦臉精華我都用左一個月ga，不過我淨係夜晚用ja，因為朝早冇咁多時間碌~
咁效果方面呢，我特登係同一個位，加同一個表情影相，咁先可以比較ga嘛~哈哈
可能我唔係早晚用，出黎效果冇其他人咁明顯，但都有小小成果睇到啦~
超級V面就仲未達標，不過我覺得臉頰至顴骨位確實係Firm左d，睇落去冇咁泡lor~哈哈哈哈~
或者我再勤力d碌，總有一日會有超級V面呢^^

 
而家市面上都出左好多水服美肌品，藥丸既、粉狀既、水狀既....老實講我都試過唔小呀^^
咁多種質地我都係鐘意水狀既多d，因為夠方便嘛~~~
今次試左一隻我自己比較陌生既牌子，佢就係Lifeade Beauty Drink (萊菲得美肌飲)。
今次試足一個月既份量，有成30支，係尖沙咀拎返黎真係好重!!!!
對我呢d新界人就講真係好吃力，中途拎住佢都要停低抖左好幾次先返到屋，真係得來不易~

簡單介紹下佢啦~~~~
含番茄幹細胞培養萃取物、魚膠原蛋白、維他命B9(葉酸)、維他命C及紫蘇籽萃取物
的美容飲料。飲得到的美容品，讓您的肌膚擺脫老的痕跡，打造無皺、彈性、美白、潤澤肌膚。

可以提升提升肌膚水分、 彈性、 美白、緊緻度~又可以減淡皺紋，收細毛孔，提高免疫力，
一支好似有好多功能咁，而且最緊要係零脂肪嘛~哈哈

每一支都係made in korea ga^^

一盒有4瓶，而每瓶容量 - 50ml，睇落去都幾大支下ga~
不過我覺得佢4 瓶一盒有小小唔環保，因為30支已經有8個紙盒啦~
我覺得10支一盒會好d同方便d lor~

佢係好似蘋果汁咁既色，初初以為飲落會似番茄汁咁既味，但原來唔係番茄味~
老實講我唔係咁鐘意佢隻味，唔係好識形容咩味，但就係唔討我歡心lor~
只能講雪凍佢會比較易入口~就係因為佢陣味唔係好岩我，
所以呢30日裡面，我有時都會唔記得左飲，大概用左40日左右先KO哂30支~
飲完一個月，大轉變我都唔係好感覺到，冇白到，痘印依然係度~
可能係我唔夠勤力飲，又可能飲一個月睇唔到明顯既效果卦~~~~~
始終美肌飲品都係人夾人，同埋係長久戰呢^^
雖然係我身上效果一般，但點都好，最後都要多謝屈臣氏俾我一個體驗既機會^^