Hosy
hosy214 : 個人主頁 - 相簿 - 訂閱  [ QOOZA - 論壇 - 登入 ] 人氣：2363
hosy214
暱稱： hosy
性別： 女
國家： 香港
地區： 北區
«‹ July 2026 ›»
SMTWTFS
1234
567891011
12131415161718
19202122232425
262728293031
最新文章
•Pampers全新日本進口敏...
•全新Pampers敏感肌系列...
•無懼紫外線，皮膚質素...
•蓬鬆亂髮say goodbye，...
•Origins幫我keep住對眼...
文章分類
•全部 (119)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
尚無任何好友
網站連結
尚無任何連結
最近訪客
最近沒有訪客
日誌統計
文章總數： 119
留言總數： 2
今日人氣： 14
累積人氣： 2363
站內搜尋
RSS 訂閱
RSS Feed
2012 年 8 月 28 日  星期二   晴天


腳板都要滑嘟嘟~係屋企黎一個家居Foot Spa啦^^ 分類: 未分類

 
塊面我就真係成日都會敷MASK，但雙腳真係比較小打理，尤其係腳板底.......
早前同媽咪返大陸腳底按摩，俾佢話我做咩咁多枕都唔搞搞佢....
連媽咪都睇唔過眼，今次真係要認真搞搞佢啦~
其實足膜係香港都有左好耐時間，不過我一直都未試過~
今次第一試用就揀左係台灣好HIT既台妹愛瘋《絶世美肌》去厚角質足膜套裝^^

佢個包裝盒好cute呀!!!粉紅色有隻腳板係度~係萬寧一眼就望到佢，$128蚊仲有支lotion送，抵呀^^
依佢既介紹~《絶世美肌》厚角質足膜蘊含大量天然植物精萃成分，
有效軟化老舊角質、滋養淨白，令肌膚回復水潤嫩滑，加上獨家專利4D升級立體襪套設計，
只需一小時，精華成分即快速滲透至深層肌膚，有助去除老舊角質。

因為我生得細粒，成日都會駁腳(著高跟>.<)，所以最大既問題就係有厚厚既枕啦~
腳趾公最嚴重!!!而腳跟位d死皮都唔可以睇小，都厚厚地ga...唉.....希望冇嚇親大家....
因為第一次用去厚角質足膜，所以我都會睇清楚d成份先敢用~
而《絶世美肌》既足膜就有天然成分：
洛神葵花植萃 - 有效淨白，並軟化角質
諾麗果 - 滋潤保濕同時軟化足部肌膚
另外，《絶世美肌》去厚角質足膜是唯一足膜通過台灣行政院衛生署核準之含藥化粧品，
內含0.2%水楊酸，為香港及台灣認可之安全使用範圍之內，所以都唔使擔心既^^

當然用之前要睇下有咩注意事項啦~
1. 不建議孕婦、授乳中婦女及糖尿病患者使用，避免出現不適及過敏反應。
2. 本產品為一次性產品，建議開封後請立即使用。有傷口、濕疹、紅腫、香港腳等現象，請勿使用。
3. 本產品含0.2%水楊酸，屬台灣及香港衛生署認可的安全使用範圍內，
但仍建議消費者使用前請先於手腕內側作肌膚測試，無過敏反應再繼續使用。
4. 使用後皮膚若產生異樣不適時，應立即停用，並視情況就醫；請置於孩童無法取得之處。
5. 初次使用可能會有輕微刺癢或紅腫，此為精華液滲入肌膚角質層的正常現象。
6. 脫屑現象一般會在兩三天後出現，這段時間裡，建議外出時穿著包鞋及棉襪。

用法好簡單，先清潔腳部之後擦乾後，沿線剪開足膜塑膠套，包覆腳掌並調整角度，
用膠紙固定使足部緊密接觸膜布上的精華液， 靜靜等一個鐘頭，之彼沖乾淨水就得ga啦~
因為我坐唔定，好難要我坐一個鐘，所以著左對襪，咁就可以周圍行啦^^
敷左一個鐘之後洗乾淨，果刻就未甩皮既，不過就feel到對腳好似好緊咁，皺皺地，
感覺就好似去左泳池浸左好耐水上返黎，好似亞婆腳咁~哈哈~
另外，我唔知原來唔可以搽腳甲油敷ga，敷完之後d腳甲油甩到一撻撻><
之後1、2日都冇咩反應，到第3日開始就慢慢甩皮啦~
仲1日比1日甩得多!!因為d相好肉酸所以我都唔放咁大啦~嚇死人!!
就係咁日日甩，甩到第8、9日左右，跟左我廿幾年既皮皮就要say goodbye啦~哈哈

效果方面，重災區腳趾公個枕雖然都仲係度，不過都細左好多同美觀左好多~
而家摸落去都冇咁硬，起碼都冇咁嚇人呀~~~唔錯唔錯~
我估隔一牌再用多次應該會更加好，總有一日可以搞掂佢^^

而腳跟位，影可能睇得唔清，不過其實d死皮都去得七七八八，
唔止腳跟位，成對腳摸落去都滑左，同軟左好多~原來敷左足膜係咁既效果ga喎^^
未用之前唔敢試，試過之後就會上引~哈哈~等多幾個月我會再試多次先~
不過提提大家，用完足膜之後對腳會比較嬌嫩，要搽多d lotion同好好保護呀^^
發表時間：2012-08-28 02:51 PM  [ 訪客留言(0) ] [ 編輯日誌 ] [ 分享至FACEBOOK ]


2012 年 8 月 24 日  星期五   晴天


噴一噴，盡顯嬌絕秀逸的佳人本色^^ 分類: 未分類

 
意大利著名時裝名牌BLUMARINE，我上年已經認識左呢個牌子~
試過佢既Bellissima香水，我都好鐘意，回顧請按我~
今年，BLUMARINE就推出Innamorata，我當然都要試下啦^^

Innamorata，意大利文即係戀愛中既意思，淨係個名都覺得好浪漫~~~~~
而Innamorata以蜜柑、佛手柑及熱情果調制出清新甜美的初調；
以依蘭、雞蛋花和玉蘭花揉合而成的中調彌漫着浪漫氣息；
而蘊含麝香、安息香及羊絨的柔和基調則為女士們平添性感魅力。

而樽身既設計真係大愛!!!!Innamorata香水的瓶身貫徹品牌時尚優雅的設計風格，
華麗悅目的圓柱形瓶身，以特厚的水晶玻璃製造，
係光下面睇落去個樽有折射，閃令令咁真係好靚!!!!
除左美觀之外仲有一個好處就係有波浪紋，就冇咁易跣手唔怕打爛啦~~~~

除左閃令令既玻璃樽之外，仲有金色既瓶蓋，以及立體蕾絲花邊圖案，手工相當精緻~
真係感受到佢想表達既優雅的氣質中展現出淑女的矜持，以及對浪漫愛情的追求及期盼。

香水我就習慣噴係頸上面，有人會噴埋手碗位~其實都係個人喜好，噴邊都冇咩所謂既^^
不過提一提大家，如果大家都係好似我咁鐘意噴頸位的話~
噴之前記得除左頸鍊先，因為香水有機會令頸鍊變色ga~
同埋都要小心d唔好噴到頭髮，始終香水有酒精，噴落頭髮度都唔係咁好.....

講返Innamorata香水，我真係好鐘意佢陣味，完全係我杯茶!!!
一噴已經聞到蜜柑、佛手柑同果香，感覺好sweet，好容易令人接受~
之後就會變左淡淡既花香，淡而清新，總之就very good!!!
真係好推薦大家去sasa試下佢陣味!!!好正呀!!!!
價錢都ok呀，30ml300幾蚊，50ml500幾，100ml7百幾~香水黎講都唔係特別貴~
比 Bellissima仲平d，我用哂手頭上d香水都會入貨呀^^
發表時間：2012-08-24 05:46 PM  [ 訪客留言(0) ] [ 編輯日誌 ] [ 分享至FACEBOOK ]


2012 年 8 月 20 日  星期一   晴天


Leaders Clinic - 全方位天然分子醫學面膜一星期療程^^ 分類: 未分類

 
韓國專業醫療美容機構Leaders Clinic既MASK，已經唔係第一次出現係我個BLOG啦^^
佢既天然分子醫學面膜採用醫學認可的全天然成分，並配有天然抗敏和抑菌的防腐配方，
不含化學防腐劑、人工色素、洒精等傷害皮膚的物質，從根本入手，解決皮膚內在問題。
所以我都好有信心，用完再用^^
由上星期起我開始左個面膜療程，為期一星期，我就係用左圖入面既3款啦~
研究話用一星期可以令證肌膚明顯變得水潤而有彈性，提升肌感同時亦減少敏感情況出現ga~

未介紹3款面膜之前，我好想分享下Leaders Clinic既mask同平時敷開果d有咩唔同~
3款既面膜紙大小係一樣既，而質地都係同我平時敷開既唔同，因為佢唔係紙既質地黎ga~
原來Leaders Clinic既面膜都係用棉花最接近既種子部分既幼細纖維做既~
可以提昇面膜既吸水能力GA，所以淨返係包裝紙上面既精華唔多，都俾面膜吸哂^^

膠原蛋白更新面膜 (25ml / $22.9)
佢係針對加強肌膚彈性，重拾疲倦肌膚活力的日常管理面膜，
可以深入肌膚底層補充每日流失的膠原蛋白，讓肌膚比實際年齡更年輕，
透過水溶性海洋膠原蛋白促進肌膚身陳代謝，回復彈性。
成分不含苯(防腐劑)／皮膚科測試完成。
主要成分: 水溶性海洋膠原蛋白
用途： 線條提升／保濕滋潤／緊緻柔滑

面膜既size對我黎講就大左小小，不過佢好貼面既，所以都唔會跌落黎~
而且敷既過程都唔會有精華滴到周圍都係既情況~ok喎^^
敷左20mins之後，會覺得好潤，初初我覺得有小小笠~
之後按摩左一陣等d精華吸收左，連野都唔倏再搽，皮膚睇落都係水噹噹咁^^

蘆薈舒緩更新面膜 (25ml / $22.9)
佢可以舒緩肌膚，立即給肌膚提供水分。
針對因外在環境而敏感的肌膚，容易受紫外線或雷射手術而泛紅的肌膚。
蘆薈成份可以快速舒緩受刺激的肌膚；仙人掌成份可以有效舒緩肌膚，迅速補水。
成分不含苯／皮膚科測試完成。
主要成分: 蘆薈萃取物 用途：提供水分/肌膚舒緩
用途：提供水分/肌膚舒緩

呢款我之前都用過^^我好鐘意佢可以舒緩到肌膚，敷完d粒粒真係會降紅，
同埋我覺得敷果時塊mask好似會收緊咁，敷完都有條mask痕係塊面印左出黎~
雖然人1冇話可以firming，但感覺上塊面都有firm到ga~哈哈~

維他明亮更新面膜(25ml / $22.9)
佢係用於肌膚色調不均衡及有黑點的情況，需要元氣及活力的肌膚。
強化維他命C成份能給疲倦肌膚提供營養及活力，使整個肌膚色調明亮，水潤，健康。
成分不含苯(防腐劑)／皮膚科測試完成。
主要成分: AA-2G
用途：明亮肌膚/平衡肌膚暗淡肌調

呢款維他明亮更新面膜我之前都係有用過^^又係好鐘意!!!
因為敷完呢個我覺得d皮膚好有光澤ga~同埋d膚色都冇咁暗~
係好累唔夠訓果時用佢就好適合啦~~~

話明係一個日常面膜一星期療程，所以我敷既方法係:膠原蛋白更新面膜: 星期一 星期二  星期日
蘆薈舒緩更新面膜: 星期三 星期四 ，維他明亮更新面膜: 星期五 星期六
敷足一個星期，冇偷懶ga，其實我真係未試過咁勤力敷mask~
不過出黎既效果我真係好滿意!!雖然冇話變到零毛孔、雞蛋肌咁滑溜~
因為我本身唔係天生麗質既肌膚嘛~~如果我話變到勁好都冇人信~哈哈
之前敏感係咁出d小粒粒，而家我覺得d皮膚真係穩定返好多，
其實大家睇我敷mask d相都見到有好多深色既印.....而家d印都開始退色啦~真係好開心!!
至小我而家有信心唔化妝行出黎d皮膚都見得人呀~起碼唔會嚇親人^^
雖然佢真係有小小貴，但我都會等佢特價買定d係屋企看門口ga!!!
發表時間：2012-08-20 01:36 PM  [ 訪客留言(0) ] [ 編輯日誌 ] [ 分享至FACEBOOK ]


2012 年 8 月 14 日  星期二   晴天


告別惱人問題，向掉髮say NO!! 分類: 未分類


當我由及腰既長髮剪成短髮後，所有開叉、乾燥既問題都解決左唔小~
但係洗頭時甩頭髮既問題就仲係度....成日甩到成地頭髮，都真係幾煩ga...
今次DOVE又出左隻新既防掉髮系列，真係要好好試一試啦~

DOVE 全新推出防掉髮系列，成份含「髮源強韌因子」 TRICHAZOLE ACTIVES，
可以減少頭皮與髮絲之間的蛋白流失，有效減少掉髮。
好似好勁咁，話用3次就可以減小99%既掉髮，真係要試真D啦~

我呢支DOVE 髮源強韌防掉髮洗髮乳 (適合所有髮質) 係350 ml黎，
我習慣洗頭水用2至3個月左右就會轉一轉款，所以都唔會用家庭裝咁大支啦~
吱出黎其實都係一般洗頭水咁既樣，不過佢就有小小閃閃地~
氣味係清香既，我仲以為係DOVE專有既味道TIM^^

泡沫都好濃郁，輕輕按摩完髮根就可以過水，過水唔可以馬虎GA，一定要過乾淨!!
過左水都唔會話好乾淨淨，好啜手咁，感覺唔錯^^

跟住就用同系列既DOVE 髮源強韌防掉髮潤髮乳 (適合所有髮質)，
我呢隻都係 350 ml黎，如果有細支D我都會買細支D，因為次次都係洗頭水用得快D既~哈哈
護髮素我用既份量唔會好多，大概一蚊銀既面積就夠哂啦~~~~

護髮素記緊唔好搽係髮根，淨係搽髮尾就ok~
我既習慣係搽左上去之後，再搵梳梳下個尾，等d護髮素會浸透入髮絲^^

雖然佢話用3次就見到效果，不過我都日日用，用足5日先下結論~
其實頭一日覺得好似比之前用開既洗頭水都甩小左dd，但可能係自己心理作用~哈哈~
第2,3日用完之後既情況同第1日甩既髮量差唔多~
到第5日，就真係感覺到甩小左頭髮，尤其吹頭後地下都小左好多掉髮~
以咁平既價錢，有咁既效果我都好滿意呀!!!!我會keep住用睇下會唔會更加有明顯既效果^^
發表時間：2012-08-14 03:31 PM  [ 訪客留言(0) ] [ 編輯日誌 ] [ 分享至FACEBOOK ]


2012 年 8 月 10 日  星期五   晴天


越震越貼服 - 化妝都要Smart!! 分類: 未分類

 
而家除左洗面有潔面機，護膚有導入導出機之外，連化妝都有機出!!
講緊既係呢期大熱既BRTC 智能振動 BB 美妝組合~
佢一共有4 款，包括「茉莉之水」、「深層海洋水」、「黃金魚子」及「美白修護」
分別係保濕、水潤、抗皺及白晢既美妝效果^^
我呢set紫色既就係BRTC 茉莉之水智能振動 BB 美妝組合啦~

打開入面有一部智能美妝機、茉莉之水 BB Cream 同埋 5 個彈性粉撲~
估唔到一短有跟5 個彈性粉撲咁好喎，咁就唔怕洗個粉撲之後冇得用啦^^
同埋我試洗過個粉撲，洗完都冇變形，應該都唔係好容易難，幾好~

部智能美妝機仲有埋蓋，咁就唔怕痴哂d塵粉撲，同埋有蓋收埋部機都易d嘛~
換粉撲都好簡單，直接拔個頭出黎換過新既就得，冇難度可言^^

部機唔算大，而且佢係用鈕電而唔係筆芯電，所以部柣都好輕身呀~
加上鈕電係日本城果d幾蚊就有一大排，平過買筆芯電好多，夠經濟^^
而開關就係機身前面，一按就用得，不過我成日都唔小心按到，
如果係”啪:制對我黎講智好d ，冇咁易按到唔會哂電嘛~~~~

而茉莉之水 BB Cream 成份就有茉莉花精華、馬齒莧精華、蘆薈精華、甜杏仁油、綠茶精華及白樺樹精華。
可以為肌膚注入大量水份，平衡皮膚酸鹼值，有助舒緩敏感肌膚，並有鎮靜抗炎作用；
亦為深層細胞提供充足氧氣及活化細胞，同時收細毛孔。

未用機上之前試下係手睇下會唔會顏色唔match~
好彩都唔會有泛白既情況，用手推都好易，唔會痴笠笠~

到用機上啦，用法好簡單，共要將BB Cream吱係粉撲或直接搽上面，
之後按開關制啟動智能美妝機就得ga啦~~~~
初初都好驚 BB Cream吱係粉撲會俾粉撲吸哂好哂野，但原來唔會ga~真係估唔到喎!!

因為部機可以係1分鐘內振動12,000次，所以BB Cream更加均勻咁推開，令個妝貼服D~
用果時只要先輕輕將粉撲打圈咁上面，之後慢慢向外推開~
鼻翼位就用粉撲邊緣位慢慢按壓，上一個底妝都唔使5分鐘，好方便~

總括黎講，雖然隻BB Cream既遮暇度唔高，遮唔到我D印，
但搽出黎係比用手上快同埋均勻D，毛孔既cover都ok，
出黎唔會話好厚妝，睇落都幾自然呀^^
不過如果支BB Cream有埋防曬就更加好啦~
發表時間：2012-08-10 12:03 PM  [ 訪客留言(0) ] [ 編輯日誌 ] [ 分享至FACEBOOK ]


« | 15 | 16 | 17 | 18 | 19 | 20 | 21 | 22 | 23 | 24 | »