大家聽過LC lovecosmetic呢個品牌嗎?我今次都係第一次接觸呢^^
原來LC lovecosmetic呢倘品牌係是一個由女性營運的私愛健康護理品牌~
而且佢地係致力解決女性身體的煩惱、戀愛的問題及提倡私愛健康護理~
係一個專為女性而設既品牌呢~佢地有好多唔同既產品，而我今次就試左2樣產品啦^^

LC JAMU天然去屑露 ( $210 / 200ML)
LC JAMU天然去屑露係一種護理頭皮的洗髮水，可以每日使用。
有效洗去頭皮的異味，助您的頭皮和頭髮回復健康。特別推介予有頭屑和頭皮痕癢問題的人士使用。

產品中加入左無患子提取物、菴摩勒果實精華、尤加利提取物及迷迭香提取物等物質，可以徹底去除討厭的異味。
另外仲加入左蘆薈提取物，具有保濕效果，對頭皮溫和，且能瞬間消除頭皮的異味。

用法都好簡單，不過佢就唔同一般洗頭水咁，佢係每日在洗髮前用ga，咁可以令頭髮更有彈性。
用果時只要將頭髮弄濕，取出適量清清潔乳放在掌心上，塗遍髮絲並按摩至起泡，然後沖洗 。
使用洗髮乳前後好好洗刷，梳下頭髮，咁可以預防頭皮ga^^
睇設唔同既情形，用法都有小小唔同ga :
●在意臭味、皮脂的人士
LC JAMU 天然去屑露⇒手頭上有的洗髮乳⇒手頭上有的護髮產品
●在意臭味的人士
LC JAMU 天然去屑露⇒手頭上有的護髮產品
●頭髮沒怎麼受損的人士、短髮的人士
LC JAMU 天然去屑露⇒普通洗髮乳，或僅使用LC JAMU 天然去屑露即可

洗髮露既質感好滑，好容易起泡，而且有植物既清新香味~
洗果時仲有小小涼涼地既感覺，都幾舒服ga~
洗完覺得真係幾清爽，但唔會好乾，用左幾次d頭髮唔知係咪健康左，有光環tim呀!!
好用係幾好用ga，不過就真係貴左小小啦~可以平返小小就更加perfert啦^^

另一樣就係Pueraria葛根緊膚啫喱啦~
Pueraria葛根緊膚啫喱係原創的美體護膚產品。含有葛根提取物，可以保持肌膚彈性，
適合在沐浴後或用剃刀處理身體毛髮後使用。富有女人味，光滑如絲綢般的肌膚和柔軟豐滿的身體最能令男性傾倒。
而且Pueraria葛根緊膚啫喱係LC經過反復試製並通過產品監管試驗而製成~

Pueraria葛根緊膚啫喱無香料，無色素，不使用笨甲酸酯類，是自然一派的護膚產品。
用果時感覺清爽光滑，而用後都唔使進行任何處理，可以直接就寢，舒適地進入夢鄉。

Pueraria葛根緊膚啫喱可以係胳膊、腋窩、腳、臉、後背、比基尼線、手、胸部等全身各個部位~
用果時，可以先將多餘的身體毛髮剃除後先搽，咁可以更加感受細膩光滑肌膚的美妙效果。
因為都比較貴，而且佢可以當胸部護理咁用，所以我都係用係胸上，
啫喱質地，真係吸得好快，搽左仲好滑咁，而且一D都唔會笠GA!!!

用左大概一個星期，雖然胸部豐滿就真係好見到，不過皮膚真係滑左好多~
希望KEEP住用真係可以有friming既效果啦^^
LC lovecosmetic既雖然產品唔算平，不過間唔中對自己好d，絕對係值得既^^

 
話說，9月既時候好興奮擁有左佢，亦都出左篇文按我回顧~
因為真係太鐘意佢啦，所以真係差唔多日日都著住佢^^
雖然我唔係咩fashion潮人，著衫著鞋我都係按個人喜好同著得舒服為前題~
但都好想獻醜分享下我襯鞋心得，襯得唔好多多包涵呀^^

有人問過我，個鞋頭咁閃，唔會好難襯咩???其實唔會呀~~~一d都唔會難襯呀~~~~~
而且真係襯咩我都好順眼，好岩而家既天氣個feel tim^^

好似簡單咁襯一條skinny褲，是但一件黑色背心，再加一條圍巾已經襯到^^
圍巾我揀左一條今年都好hit既Animal Patten，令上半身出黎既效果冇咁單調~
而下半身就因為Jipi Japa對鞋頭閃同併色既關係，所以睇落去搶眼但唔會誇張~
俾人既感覺唔會太cool，清爽d，smart casual係我鐘意既風格~

除左褲，我覺得襯裙都有另一種風格ga~
上身我著既都係淺色為主，簡單一條牛仔裙，加一件淺灰背心~
再加Jipi Japa深藍色既鞋，成個焦點就即刻係對鞋度啦^^
出黎既感覺係好隨意，比著褲仲突顯到佢閃閃鞋頭呢~~~~~~

你都想同我一樣感受Jipi Japa對鞋有幾舒服、幾好著嗎???
而家Jipi Japa係FACEBOOK搞左個GAME呀，只要Like Trendy Look 後，
再按以下活動連結，就可以登記 HK$150 優惠券購買 Jipi Japa F/W2012靴款~
我都參加左呢個GAME呀，希望大家都會支持一下我個Trendy Look ，投我一票啦^^

 
Rick Chin繼創辦EveryBody Labo 護膚品牌之後，
最近更加創辦左美容中心 ~美學肌研esthetique Labo by Rick Chin~~
美學肌研係一間星級醫學肌膚治療中心黎，我好開心可以上去參觀下^^
一開始Rick Chin就同我地介紹下美學肌研既概念，一句講哂，以客為本!!
本住良心，提供最專業既意見~做好面型輪廓緊緻護理專家呢個角色~
跟住仲熱心咁帶我地參觀一下~

現場所見，美容中心的裝修都係trendy既感覺，每個房設計都唔同~
Rick仲好幽默咁話佢d朋友形容呢度好似卡拉OK 房咁，
其實我就覺得幾好呀，因為感覺比較warm，小左一種美容店放哂儀器係度既冰冷感~
睇得出真係放左好多心機落去搞^^

除左房既裝修靚之外，化妝間&儲物間都一絲不苟ga~
個儲物櫃客量仲好大tim，有齊衣架果d，幾貼心^^

除左美容療程既服務之外，美容中心內仲有得買Rick Chin 自家品牌既產品啦~
我試左幾款上手，好多都好快吸收哂，感覺真係唔差^^
行完一圈之後，Rick就介紹左esthétique LABO既療程俾我地認識啦~

這第一人個睇既係 Lutronic，佢係最主要係用黎做打斑既~
當日職員用一本Catalog做示範，部機真係好勁!!!
係Catalog果面層打左幾下，但下一頁既字都打散哂~
可以見到佢打散底層既黑色素係幾咁有效!!

跟住就睇今日既主角，面型輪廓緊緻療程其中一個~深層激光緊膚護理MOSAIC~
MOSAIC係用激光打落肌膚細胞核心，刺激性纖維逐漸重組修復，
令膠原蛋白增生，激光能量進入肌膚底層能激活肌膚內的細胞，
可以提升皮膚既彈性同細緻既光采^^

職員用熟練既手法先用儀器一下一下咁打係model面上，
可能因為打之前要敷麻醉，所以當日見model好似冇咩感覺咁~
之後就轉左導頭，用提拉既方式再配合光速，以達到緊緻面部肌肉既效能~
完成左之後見到Model塊臉好紅，不過輪廓真係突出左，面型好VVVV呀!!!!

如果係怕做機既，美學肌研仲有一個全人手既療程~
就係傳統日式面部輪廓緊緻療法啦!用既都係傳統日式按摩手法，
而用黎按摩既產品都係天然草本精華，可以緊緻肌膚表面，減退鬆弛&水腫~
加速新陳代謝同血液循環，最緊要係用左esthétique JP既高效緊緻活膚精華液按，
出黎既效果可以見到面型輪廓即時提升ga!!
活動完左，Rick Chin 仲送出MOSAIC瘦面療程俾我地親身體驗tim呀!!!
我隔左冇耐就book左時間做呢個MOSAIC瘦面療程啦~
上到去職員送上熱茶一杯，填份問卷了解下我既皮膚情況，
再詳細解釋左一次個療程既做法、過程、注意事項我知，
冇問題簽左同意書就可以跟治療師入房做皮膚分析啦~
做皮膚分析過程好簡單，只要將個頭放入分析器影2張相~
第一張是普通見到樣既，而另一張就係開左UV 燈影既~
開左UV 燈影果張就可以睇到皮膚入面既角質層、毛孔、色斑等等問題......
不過好可惜!!!!!唔知係咩原因，我影UV 燈果張相係咩都影唔到!!!
治療師話佢有一個之前做過laser定彩光既客人都試過咁既悄況.....
但係我冇做過呢d療程呢....都唔知點解會咁.....
因為咩都睇唔到既關係，治療師話最好唔好做laser，怕我d皮膚會唔適合....
老實講，一聽過冇得做MOSAIC瘦面療程真係有d唔開心，
但諗下佢地唔幫我做其實都係為我好，係一個唔知皮膚既狀態下既情況做laser真係好危險!!
之後治療師話轉另一個唔係laser既俾我試下~

不過個療程叫咩名我真係唔記得~~~~~
過程就有深層清潔、針清、面部&胸部既按摩~
係呀，連胸都按摩埋，肉帛相見，不過較暗哂d燈，治療師又係女仔，都冇咩好怕啦^^
按摩係我做Facial入面最鐘意既一part~真係好舒服呀!!!
按摩完就有磁波導入，治療師話用左緊緻活膚精華導入ga~
導入完之後仲有mask敷^^

磁波導入果part做果時因為教暗哂d燈，我都唔係好影到相~
所以用返果日睇示範果d相俾大家了解下啦~~~~~~
其實過程都係好簡單，做之前我要左右手各渣住一個磁波，
之後治療師就會用唔會大小既導入頭係搽左精華既面上面慢慢推，
大既頭做面，額頭既位置，做眼附近既位置就會換細d既頭~

做完出黎第一個感覺係好潤，d皮膚好似飲左水咁，真係彈下彈下咁~
照鏡就覺得自己好似白左咁，塊面都冇咁包~當日做完我妝都冇化就咁走人呀^^
試左呢個faical，令我對美容中心有小小改觀~因為係我心目中美容中心= hard sell
但今次，我記得當日我12點幾上到去，做埋分析應該大概1點左右開始做療程~
不過我走果時差唔多4點呀!!!我第一次做一個faical要3個鐘~~~~~
重點係過程冇hard sell，唔會彈到你一文不值，講既都係貼心既說話~
美學肌研esthetique Labo可能會比出面既貴d，但佢地星級貼心既服務係值得既~
相信試過，你都會同我一樣感受到佢地既專業、對顧客既真誠!!
想了解多d，去佢地個facebook睇下啦~ 

上星期好開心早前有份出席由SHE.COM X 德福廣場舉辦嘅[Blogger美研工作坊]
其實我都好多年無去過德福廣場啦，今次去完發現同我印象中嘅有小小唔同~
真係對德福廣場改觀左唔小^^


原來而且德福廣場有好多美容商店架，好多品牌都可以係到搵到^^
第一站我就去左Mioggi啦~Mioggi係德福廣場第一期，好容易就搵到啦^ ^
店舖用白色做主色，店舖入到去感覺好光猛呀！

之後就由Moiggi靚靚化妝師向我哋介紹產品&示範妝容~
今次妝容示範同主要介紹嘅就係佢~

佢就係Moiggi最新出嘅底妝塑肌儀 & HEX Idealist 360 專業BB粉餅霜(SPF42 PA+++)
佢個外型用左全銀色，感覺真係好時尚呀！

見化妝師用底妝塑肌儀係model面上輕輕印出粉底~之後加上遮暇，掃上碎粉~
一個簡單貼薄嘅妝容都唔使10分鐘都完成左，真係好方便呀^ ^

睇完示範就參觀一下店入面啲產品啦，產品種類真係有好多，
而且放係度都可以任試，如果有咩想問，店內嘅職員都好樂於解答架^ ^

職員話Mioggi最出名嘅就係BB cream，皇牌黎架^ ^
我見佢哋啲BB cream又真係有好多款揀咁，厚身啲、薄身啲、保濕啲、清爽啲…
真係五花八門，我諗總有一款會啱心水嘅~

我都試左最新出嘅DNA系列嘅BB cream，試上手感覺真係唔差喎~
顏色唔會死白，而且好好推，保濕方面都幾好，好薄又唔笠~
咁啱之後玩遊戲就係送左呢支sample，試真啲真係好用轉用佢先^^

係Mioggi體驗完之後，跟住我哋就去左德福廣場二期啦，由一期去二期原來都好近~
去到二期，見到好多美容商店，真係講得出嘅品牌都有~
我覺得呢面比起一期更加集中，更加多選擇呀^^

我哋去二期嘅目的地就係黎呢度…Anna Sui~

入到去，見到啲裝修真係好靚呀！！好夢幻嘅感覺~
雖然店舖面積唔算大，但產品種類好多，應有盡有！

當然唔止裝修靚啦，啲產品真係超級靚！！
每一件都好似藝術品咁，而且仲有淡淡嘅玫瑰花香味添^ ^

咁多樣產品最吸引我眼球就係呢盒蝴蝶結形嘅眉粉啦！！真係好可愛！！
支眉掃都好好用，如果唔係本身用開上一代個盒未用哂我真係好想買呀！！

參觀完店舖&產品之後，到左最期待嘅妝容示範啦^ ^
Anna Sui化妝師用左今季最新出嘅底妝產品黎做示範架~
新嘅魔法肌密保濕飾顏乳做打底真係幾保濕，之後化出黎個妝都貼啲~
仲有魔法肌密柔滑蜜粉我都好有印象，因為個粉盒真係勁靚！而且啲密粉好幼細！！

除左留意到底妝外，我仲留意到化妝師用嘅眼影都好靚呀！！
原來一共有41隻色，仲可以自己揀色入落眼影盒架，幾貼心~~~

快樂嘅時間真係過得特別快，體驗完Mioggi同Anna Sui之後，
兩間店舖同德福廣場都送左紀念品俾我地，每一樣都好實用好精美，真係貼心~
今次活動真係好好玩又學到野，希望將來都會舉辦多啲唔同種類活動啦^^

 
雖然夏天過左，但美白既功夫係唔可以停ga~~~
今個秋天，我就揀左一支比較多功能既美白產品~~~~
佢就係Dermacept既美肌亮白C10美容液啦~點解會揀佢??
因為Dermacept呢支美肌亮白C10美容液係以醫學理論為依歸的護膚技術，
研製出高科技純維他命C(左旋)，相信大家都知維他命 C 對皮膚同細胞都有好強既功效~
而且據講用左佢，可以係屋企都感受到醫學級既美白淡斑效果ga!!

而且Dermacept美肌亮白C10美容液首創加入HyperBrightening C配方，
能將維他命C維持在新鮮、穩定、活躍的狀態，確保濃度不變~
而其他獨有成份，則有效將維他命C快速滲透及直達真皮層，發揮最強6大理肌力量，
包括：減少斑點、促進膠原蛋白合成、改善黯啞肌膚及黑眼圈、收細毛孔及抗衰老功效。
一支有咁多個功能真係好方便呀^^

made in Japan，而且係日本樂敦出品ga，所以用起黎都會安心d~~~
唔識睇日文唔緊要，因為佢說明書有齊英文同中文說明，包你睇得明ga^^

個人就比較鐘意tube形既包裝，因為份量真係容易控制d~
尤其呢d用既份量唔使好多而且又稀既產品，tube裝既設計會方便好多~

佢既質地似油非油，我都唔肯定....只能講佢個樣似油，質搽落面既感覺一d都唔油!!!
而且佢有陣我覺得好似棉花糖咁既味...可能因為陣味道，所以用左佢覺得好sweet...哈哈~

用左佢一個星期左右啦，美白淡斑既效果當然唔突出啦~哈哈~但我對佢既感覺都唔錯^^
因為我本身都有用開油類既產品既，呢支真係係我用過咁多隻油吸得最快既一隻!!
仲要搽完一d都唔笠~好似有層膜保護住咁~用左佢皮膚既感覺真係好好~
雖然美白淡斑未見到效果，但最小我覺得d皮膚冇咁乾，用其他護膚品都吸收左~
我會keep住用，我相信好快就會有成果ga啦^^