之前提到我非常滿意Clarisonic PLUS聲波潔面儀帶俾我既乾淨感覺^^
今篇就主力介紹佢另一個功能，唯獨Clarisonic PLUS先有既身體潔淨模式啦~~~~~
用之前只要將刷頭換成身體刷頭就ok ga啦~非常簡單^^

比較之下，身體刷頭比潔面刷頭大，毛身比較硬一點但唔會吉肉~
而且比較短，用果時feel到比較震，好舒服^^
佢原理都係一樣，運用超聲波技術來清潔肌膚，達致深層潔膚效果~

Clarisonic 既身體刷頭每一條刷毛都經過打磨，一定唔會吉肉同整傷皮膚^^
摸起上黎都幾滑，鬆鬆咁，範圍夠哂大，刷一下都已經覆蓋到好多地方，慳唔小時間~

身體清潔模式入面，機本身已經set左2種身體震動模式~
下面著燈就係普通模式，而上面著燈既就係脈衝模式~
2種模式都係內置3分鐘計時，就算沖涼果時2個模式交替咁用都唔會影響到佢計時既^^

Clarisonic仲好貼心推出左身體專用潔體既伸延棒 ($220)
伸延棒仲可以分拆開2件，易於收藏，又或者用完直接掛起佢又得，好方便既設計呢!!!

有左呢支伸延棒，刷背就方便好多啦，刷腳又唔洗烏低身~
真係想刷邊個位都咁方便，好正!!!

我會用Clarisonic聲波深徹淨膚儀重點刷頸、手踭、腳踭、膝頭位，
深層清潔下呢d位，因為呢d位比較dirty，角質又比較多，刷下佢d皮膚都會白滑d^^
用脈衝模式去刷膊頭，小腿位就勁舒服，因為佢會震震震震咁，
好似有人同你揼骨咁，伶一個位唔好超過30秒，一日既疲勞都消失哂^^

成個淨膚儀都係防水設計既，點濕水都冇有怕~
係d泡泡既路徑，就見到佢唔係轉圈咁死刷d皮膚，咁就唔怕會傷到皮膚啦~

我一個星期會用佢做身體清潔1至2次，每次用完都會勁happy!!!
因為用左真係明顯白左同滑左好多，潤膚膏都吸收得快d~
就好似上圖咁，我一隻手刷過另一隻就only平時咁沖涼~
唔使標明，都好明顯睇得出相入面左邊果隻白過右邊果隻好多!!!
唔用過Clarisonic都唔知原來本時沖涼仲有咁多角質係咁洗走ga~~~~~
至於個刷頭，用左都差唔多一個月，耗損既情況其實都冇乜，只係有1,2條毛亂左小小~
比面用個頭更加耐用呀!!!除返開就真係超級抵用呀^^
部機雖然貴小小，但兩個功能都咁出色其實都抵返哂~
用過你就會feel到真正既乾淨應該係咩感覺，所以我真心覺得絕對推介!!

想回顧Clarisonic潔膚初體驗 : 請按我
回顧只需1分鐘，給你最乾淨既潔臉新感覺:  請按我

而家科技越黎越進步，美護膚化妝已經唔係單單就咁搽幾下就得~
市面上都出左好多唔同功能既美容護膚儀器，而最就接觸2個好輕便易用既美容儀~
佢就係黎自韓國既HEE魔法棒系列啦^^
未用之前我都有上網了解下呢個魔法棒係咩原理~
原來有研究發現LEDs所發出的光是能夠透過人類皮膚組織~
刺激纖維組織母細胞膠原沈澱並減少蛋白質酵素MMP-1，透過對綫粒體的刺激以提高細胞新陳代謝。
呢D分子反應對於光衰老及治瘉傷口皆有顯著幫助。LEDs對治療暗瘡及抗炎亦有相應的功效~
而HEE魔法美容儀運用高純度特定頻譜LED輸出技術，不同獨特的波長對皮膚可產生的正面影響，
將LEDs調較到最佳治療該等問題之不同波長，等皮膚使用後有不同程度之改善^^

我接觸過既韓國產品都唔算小，每次都發現最大問題就係佢地既包裝說明全部都係韓文~
全部睇唔明，往往都係要自己上網左搵右搵先知功效同用法，都咪話唔煩!!!!
呢個魔法棒包裝都係有韓文，不過佢有埋英文說明呀!!!!
終於有一樣韓國產品體貼下我地呢D唔識韓文既用家，真係好感動!!!

講返魔法棒，2支魔法棒既外型都係一樣，好輕巧，方便帶出街用~2支有唔同既功效~
黑色呢支係魔法美白棒，美白光芒可穿過皮膚的真皮層，
* 美白肌膚 減低因色素沉澱及日光對肌膚既損害
* 預防及減少色斑形成
* 有效範圍包括面部、眼部週圍皮膚組織、唇、手部及頸部
* 經醫學實驗證明有效並無任何副作用

而粉紅色呢支就係魔法清痘棒，佢可以刺激皮膚底部的微偱環系統，
加速新陳代謝以達致提昇傷口治療組織增生之效，對付暗瘡疤痕尤為有效。
*  減少因暗瘡而引起的紅腫發炎之徴狀
* 提昇傷口治療組織增生
* 有效範圍包括面部、眼部週圍皮膚組織、唇、手部及頸部
* 經醫學實驗證明有效並無任何副作用

用之前只要入返粒3A電落去就得ga啦，好方便~

用法都好簡單，只要開著個LED燈，將佢對住要改善既位置就得~~~
不過記緊要保持返5-10mm既距離呀^^

效果方面，因為暫時都係用左好短時間，再用耐小小先同大家詳細分享啦~

夏天黎啦，大家為自己既鞋轉左季未??今年雨水特別多，所以我決定入幾對人字拖看門口^^
早前我就去左中環擺花街既AIRSPIRE潮鋪，目的就係為左iPANEMA鞋^^
iPANEMA來自巴西最大鞋品生產商Grendene S. A.，是世界生產規模最大的鞋廠之一~
每年生產量達2億對拖鞋，出口超過90多個國家，Grendene S. A.更理行社會及環境責任~
將其PVC膠廢料100%回收再用於其他生產上，減少對環境造成污染。
而AIRSPIRE係全港最多iPANEMA鞋款款式&最齊碼既店舖黎ga^^

入到舖頭真係眼花潦亂，因為有好多好多好多色彩繽紛既人字鞋、涼鞋呀!!正呀!!!!
iPANEMA既拖鞋出名設計變化多端，今季最推出既多款印花圖案人字拖~
不單止鞋面印有繽紛搶眼的印花，圖案更伸延至鞋側和人字膠帶上~
細心d睇，就會發現有d鞋款係鴛鴦圖案，左右唔同圖案或用色的設計，帶來繽紛的視覺效果~
好玩得來又有少女味，用黎襯衫配搭更加得意啦^^
除左普通人字拖款，iPANEMA都會係膠帶位置做唔用既款式，出黎有唔同既效果^^
令普通人字拖添上不平凡，著得舒服又顯活力與朝氣^^

最特別既我覺得就係呢款，可換帶既人字拖呀!!
一對人字拖，跟3款唔同色彩既膠帶俾配搭，換一換就唔同款，勁抵勁好玩!!!

佢有心型及碎花圖案為主調的可換帶人字拖，每款配備3款不同顏色的人字膠帶~
方便隨時轉換，配襯不同炎夏服飾。
想效果更獨特創新的話，不妨以鴛鴦色人字帶示人，撞出與別不同的夏日風格。

如果你返工唔著得涼鞋的話，唔使驚~iPANEMA好貼心咁為上班一族女士而設多款涼鞋~
有玩撞色的鮮艷搭帶款，還有以閃石併鏡面設計的T字帶涼鞋，以及富有民族氣息的水滴閃石人字涼鞋~
仲有同巴西超模Gisele Bunchen合作推出的人字拖系列，令拖鞋更添潮味，每一步都散發時尚的城市豔光~
今季以沙灘和日落為設計靈感，推出3款設計舒適優雅的人字拖，款式富有亞熱帶風情~
穿上腳後猶如走在美麗的日落沙灘上，散發清雅脫俗的女神氣息。

我去到當然瘋狂試鞋啦，基本上好多碼數都已經放左出黎~
睇岩邊對自己拎黎試就得，當日我試超過10對，職員小姐都係笑笑口幫我~
仲好細心介紹每對鞋既特色，完全冇黑面，服務超好，超級抵讚!!!

除左女裝，iPANEMA都有出男裝ga~男裝除左一樣都有人字拖之外~
今季品牌全新推出的Rider系列，是專為喜歡運動的男士而設~
系列的鞋款以流線型設計，鞋底的PVC塑膠物料柔靭度高~
有助運動後的腳部肌肉放鬆，是運動型男的夏日必備之選。

男裝外又有童裝，童裝都好多款，女既有barbie，男既都係海綿寶寶，勁可愛!!!
因為我腳唔大，35碼，童裝最大既碼我都岩著呀!!!當然要試埋啦^^

第一眼見到海綿寶寶已經好鍾意，顏色好sharp好吸引!!!!雖然我知我係好低能!!哈哈~
另外有一款民族款既又係好靚，不過好可惜2對都冇哂我碼啦，唔知遲d會唔會返貨呢??
海綿寶寶呀海綿寶寶，有緣既我會黎接走你ga~哈哈哈哈~

童裝之外，又有親子裝喎~!!
繽紛色彩和圖案為賣點，一大一小、款式合襯的可愛子母拖鞋，輕易為潮媽和潮B塑造清爽夏日look~
雖然我未有baby，不過都睇中左佢個款，可能係親子裝，我覺得d圖案特別得意呀!!

有好野當然要同身邊既人分享啦~~!!
左揀右揀下，我決定女裝、男裝、親子裝既童碼各帶一對返屋企~~~~

買完即刻著!!iPANEMA人字拖真係幾好著，唔會腳痛，條帶又唔會界腳喎~very good!!!!
而且好易襯衫，吸睛度極高，尤其鴛鴦款，我俾幾個fd問我係邊度買，佢地話左右圖案唔同好得意~哈哈~
如果想4人字拖涼鞋既，我好推薦iPANEMA，試過你就知佢幾舒服同抵著^^
有興趣既，快d去AIRSPIRE試下啦!!
地址 : 中環擺花街56號地下
電話 : 27874633
網址 : www.ipanema.hk

Miss Hana花娜小姐不暈染防水眼線筆呢期真係好hit!!!!
試過既人人都讚佢好掂!!!真係講到好吸引~
我咁鐘意畫眼線，當然都要親身試一試佢有幾勁啦~

Miss Hana花娜小姐不暈染防水眼線筆 9 ($69 / 1.5g)
佢有四隻色既，分別係:
01 迷夜黑 NIGHT BLACK (純色)     02 銀河黑 GALAXY BLACK(銀粉)
03 亮瞳棕 CHOCO BROWN(純色)  04 星光棕 GOLDEN BROWN(金粉)

 

我呢隻就係日常最常用既黑色啦^^

雖然佢係筆型，但其實佢既質地係膠狀黎ga~設計佢做筆型就方便d易畫d lor~

不過亦因為佢係筆型，出黎既線條都唔可以畫到好幼細，會比較粗身~
但筆芯質地軟硬適中，輕輕一畫，顏色都可以做到實黑色，真係唔錯呀~^^

而佢最大既賣點就係以防水、防油、濃色啦~
唔合大家有冇覺得防水、防油既產品都好難卸乾淨~
所以未試用眼線筆之前我第一件事就試下佢難唔難卸~
太難卸既我都唔想用係眼啦，因為我唔想落妝時要拉扯眼既皮膚嘛~
佢又真係出奇地好卸，我只係用卸妝水抹幾抹都卸到8成~只係淨返2點黑色係度~
如果用卸妝油落就按幾下打圈就完完全全卸哂!!!好乾淨啦~真係好易卸~

咁易卸究竟係呼真係防水、防油ga???
我就搵左一日過39度高溫既日子試下佢啦~都係好簡單畫左上、下半眼線就出門^^

先講講我對眼啦，我唔係油眼黎，基本上本時化妝多數夜晚既時候都見到眼尾溶左lor~
而用左呢支Miss Hana Eyeliner，當日我由朝早11點化好妝出門，夜晚11點幾12點先返到屋~
期間去左飲茶啦，去左土瓜灣啦，同埋去左食放題~係戶外既時間占一半啦~熱鬼死 =,=
期間我都冇補過妝，發現條上眼線可能溶左小小啦，咁之前咁黑~
但冇搞到成對眼黑哂，只係係眼尾果度化開左，有d黑色一點點咁~
經過成日都冇咩話好嚴重既甩色，真係好堅!!
mainpoint係69蚊有咁既效果真係抵到爛，我用哂都會繼續投入Miss Hana既懷抱啦^^

早前，我出席左Clarisonic潔膚初體驗活動~ 回顧按我~
之後就帶左Clarisonic PLUS聲波深徹淨膚儀返屋企試用~
到而家唔覺唔覺都用左2個星期啦，係時候報告一下個效果^^

有冇發現部機個第一幅相有咩唔同????
就係個刷頭唔同左啦，事原係當日職員見我皮膚有d粒粒，驚我皮膚比較薄~
所以將本身個敏感刷頭換成細緻刷頭，佢個更加適合我既皮膚~
咁細心既觀察，貼心既舉動，未用Clarisonic PLUS我已經對呢個品牌暗暗加唔小既分數^^

講返部機先，其實用法非常之咁易!!基本上你當佢係一部大既電動牙刷就得~哈哈~
Clarisonic PLUS比其他型號有好處，一來係因為佢可以用係臉&身體之外~
佢既臉部淨膚模式有3種轉速選擇ga~
開著左之後，冇著燈既時候轉速比較溫柔，如果敏感既皮膚用呢個都唔怕刺激皮膚~
而著下面燈，代表轉速比冇著燈快dd，有小小既力度，清潔比較污糟既地方就適合~
著上面燈，就係部機最勁既轉速啦，清潔非常還固既地方就適合不過~
但如果敏感既皮膚我就提議唔好用最強既轉速啦，我自己就算用都唔會超過10秒~
不過我老公就話用最強好舒服，所以真係要睇返自己既皮膚狀況使用^^

除左轉速有得選擇之外，部機仲有專利既T-TIMER響鬧提示，咁就唔驚洗得太興奮過哂火位傷到皮膚啦~
佢內置設定既潔面時間係一分鐘：每20秒．20秒．10秒．10秒都會有嘟一聲提提你夠鐘換位~
可以按返自己需要分配d時間點用啦，我既習慣就係就20秒分配係左右面各10秒~
之後鼻位係重災區，所以我留20秒慢慢清理下我冒鼻翼周圍~
之後10秒T-zone&額頭位，最後10秒就用係頸同下巴啦~
用用下如果想停一停，按開關制一下就可以pause左佢，按多下就可以用返，唔影響佢個內置設定~
之後1分鐘到左佢就會自動熄機ga^^

頭3日我係全臉用既，洗左3日已經覺得皮膚已經乾淨左好多!!之後我覺得可以唔使全臉日日用~
所以之後我就將個刷頭外圍個刷圈拆左落黎，淨係用內圈重點清潔個鼻鼻~每日用20秒就ok~
而全臉清潔，我會隔1至2日先做一次，有化底妝就一定會用佢lor^^
同埋潔臉過程其實好舒服，好似按摩咁，用完唔會紅唔會乾，1分鐘就洗哂成塊臉，分分鐘快過我平時用手洗!

用完之後，當然要清洗返乾淨啦，因為部機係全防水既，就算浸佢落水都唔會壞~
所以直接用水喉沖返乾淨就得啦，好方便~

當然最好係成個刷頭拆出黎洗，再沖一沖個機身，確保佢百份百乾淨嘛~
洗完只要放係通風位風乾佢就得~

用左2個星期，因為鼻位我真係日日用，所以效果係有既^^
本身鼻位黑頭其實都唔算好嚴重，不過就成日都有d白頭同粉刺出黎同我say hi =.=
用左Clarisonic PLUS清潔之後，白頭粉刺明顯係小左，鼻既毛孔都冇咁顯眼~
摸落去真係滑左冇之前一粒粒咁~而塊面當然都乾淨左啦~
可能因為清潔做得好左，搽既護膚品吸收d，整體皮膚都好過之前^^

至於個刷頭，用左2個星期，耗損既情況都唔係好嚴重，只係有幾條毛飛左小小出黎~
所以都應該用到3個月，如果錫住佢用分分鐘用左4個月tim^^
不過換刷頭其實都唔算貴，2百幾蚊用到3個月，除返1個月都唔使100蚊~都抵用呀^^
下一篇就會睇埋用身體既效果，等我呀^^