首圖有吸引到你嗎??呢一個係植村秀最新既「2013 ob櫻花系列」~
不但包裝換上了新生代眼中的春日美景，更帶領你走進春日幻境，深入體驗植村秀產品的魔法~
從中發掘自己的全新面貌 -- 跳出困囿的想像框框，發現前所未見的自我。

除左化妝品，連卸妝酒都換上新包裝，超級靚呀!!!
佢既主題分左四個，包括甜美櫻姬、優雅月姬、真我海姬及活潑綠姬^^

收到產品時真係不禁哇一聲!!因為真係好靚呀!!!用完真係唔捨得掉~~
而我都用左呢度既產品化左個春妝~一路化一路慢慢介紹產品啦~

第一樣就係用左限量版甜美櫻姬包裝既POREraser 妝前泡沫底霜 (HK$345/50g)
柔滑豐盈泡沫兼具高度遮暇，調可營造更透薄亮麗的底妝效果~

我呢支泡沫底霜係粉紅色既，出黎既效果會比較白皙，想自然D就買杏色啦~
同埋佢有SPF PA +++，用佢已經唔使再另外搽防曬，幾方便^^

其實佢建議最好用佢地專用既五角海綿上，舊海綿唔係唔好用，不過我就好懶洗海綿，又要等佢乾好煩~
所以我都係用濕粉掃上，洗小一樣野嘛~哈哈^^
我都希1過舊版既泡沫底霜，對我黎講真係乾左D~而呢支新版既明顯比之前既好好多，
但都係未適合而家濕度得20%既日子用，我相信留返夏天用真係會好好多^^
個Base真係好薄，而且摸上手1仲好滑唔會痴笠笠，皮膚顏色都均勻左好多，
一般小瑕疵都遮得七七八八，如果係皮膚好既我覺得就咁用佢都已經ok啦~
但我有暗瘡印，所以都係要再加小小濕粉同遮瑕先得啦^^

喝粉彩眼影 、閃爍眼影 (@HK$135)
眼影部份，主要都係啡紫金色為主，眼影質地好幼細，都冇飛粉既情況發生~
我覺得$135一隻色真係一d都唔貴呀~

呢張相既就比較接近實物既原色啦，閃爍眼影真係幾閃ga，d閃粉好幼唔係大大粒，所以一d都唔會好誇張~
跟全我就講下我會點化個眼妝啦，其實都係好簡單，冇咩難度可言^^

先在眼窩上塗上米色眼影打底，然後在眼窩加上閃爍金色眼影，
再於眼尾位置加上紫色眼影慢慢blend上眼頭位置，最後於眼尾&眼線塗上啡色眼影，突出其輪廓。
仲可以用米色眼影掃於眉骨位置作highlight，即時增加眼部立體感tim^^

之後再加返眼線同睫毛液，眼妝就搞掂啦^^
其實如果唔想妝感咁重，可以連眼線都唔使畫or加條幼既內眼線都得，咁效果就會soft好多^^

胭脂 Glow On( HK$150)
植村秀d胭脂一向好評如潮，今次我都係第一次用ja~
我試呢個係淺橙色，可以有人會唔鐘意d咁既色，但我收到後極鐘意!!!

用既方法都係好簡單，只要將脂胭輕掃於面頰蘋果位置~
就可以提升層次感，睇落去就好似白蜓透紅一樣，好自然!!

唇膏 (限量版) Rouge unlimited HK$210
rouge unlimited一系列豐富色系及三款限量色彩，與繽紛春日競艷。
限量色彩包括珊瑚姬色(ob princess coral)、橙夢幻境(ob dream orange)和粉柔嫩櫻 (ob sakura pink)。
唇膏上面都印左公仔ga，仲有一對眼睛，好cutie^^

我呢支係珊瑚姬色(ob princess coral)，佢係粉紅色得黎帶小小小小橙既~

單搽都已經好水潤，唔搽潤唇膏打底都ok^^
可能我自己唇色本身都深，所以呢隻珊瑚姬色唇膏搽上我唇上面同我本身唇色都好似，
但搽左就多左一種豐盈感，水噹噹〝粉嫩嫩d~

雖然我一向化妝都唔會好重手，但妝前妝後都幾大分別ga，
皮膚顏色均勻左，個人睇黎真係精神好多!!!再加上眼影、胭脂，睇落就更加sharp啦^^

總括黎講每一樣產品凡都好鐘意，
但講到最鐘意既，就係眼影同胭脂，一來因為d顏色好靚啦，二來就係，我好鐘意佢既設計!!!
佢個眼影盒同胭脂盒都係可以跟據個人喜好黎轉色ga^^

即係好似咁，平日我就比較小用唔同色既眼影，多數都係大地色，
所以我就抽起其中2個眼影，將胭脂放埋係同一盒度，咁我拎一盒出黎補妝就得啦!!
到放工要出街，我先拎埋另一盒眼影用，所有野都變得井井有條，唔使左搵右搵，幾方便呀^^

最後送上影片《in-between reality and a dream》比大家欣賞啦^^
致力追求創新與美的植村秀，在2013年春季誠邀你一起遊歷春日幻境。
植村秀全新限量系列，以日本藝術家ob和新生代設計師為主題，迎接新生代藝術的到臨。
影片《in-between reality and a dream》帶領你進入ob的創意世界。
這個世界乍看平平無奇，但只要細心一看，即可發現處處是驚喜與幻想，
現新生代設計師在嶄新的數碼世界如何揮灑創意。

 
近年"韓"流襲港，街頭上唔小人都會以韓風打扮~~~~~
我對韓衣就冇咩研究，不過我都好鐘意用韓國既化妝品ga~
尤其底妝，有時見到d女韓星個底妝貼服到好似冇搽粉咁，好靚~
近期我都用左黎自韓國既品牌Touch in SOL其中一款base^^

Touch in SOL既I’m Covering you BB Cream SPF50 PA +++ ($ 149 /35ml)
佢既能遮蓋面上瑕疵，同時具有美白、抗皺和阻隔紫外光等多種功效。
而且含有各種保濕滋潤成分和專利成分，有效促進肌膚修復，變得水潤柔滑~
塗抹後膚色顯得均勻，妝感自然~我最buy妝感自然既個point^^

我覺得所有made in korea既產品都有一舍共通點，就係介紹得韓文，
除左I’m Covering you BB Cream SPF50 PA +++呢句之外，其他都睇唔明呀!!!
唯有自己上網搵下產品資料啦~

就因為淨係睇得明I’m Covering you BB Cream呢句~
我理解佢應該係一支瑕疵力唔錯既BB cream^^
所以我特登用eyeliner係手上面點左d黑點，睇下佢瑕疵力如何~~~~~
結果都ok喎，都遮到唔小呀，係大粒同較深色既就仲有小小係度~

搽上面，感覺不錯，好多小既瑕疵都遮到~落到佢d皮膚好左咁~
搽BB cream我最怕就係會太白，呢隻就同我膚色幾match，冇氾白既情況出現~
而且佢仲有埋SPF50 PA +++防曬，所以平時返工我都係就咁搽佢就出門，好方便呀!!
如果可以再保濕d就very good啦~不過以價錢咁經濟黎講真係唔錯ga^^

早幾日真係好開心去左一風堂參加<<我的拉麵>> 試食會呀^^
今次我帶埋同我一樣咁鐘意食拉麵既朋友一齊去，佢開心既指數不下於我lor~哈哈哈哈~

一去到就由職員介紹一下一風堂既歷史背景~
源自日本九州福岡拉麵之都博多的一風堂，由享譽國際的神級拉麵大王河原成美(Shigemi Kawahara) 創辦，
於日本全國分店超過60間並擴展至國際大都會包括紐約、新加坡和南韓。
一風堂秉承「堅守傳統•不斷創新」的宗旨，選用上乘新鮮食材配以正宗日本傳統的烹調方法，
以顏色命區分湯底 – 赤丸新味及白丸元味，此舉旋即成為業界的指標，各拉麵店均爭相仿效。
此外，一風堂亦以親切殷勤的服務見稱，並融合獨特的餐廳裝潢概念及舒適的環境，
為世界各地的顧客提供正宗的拉麵及最優質餐飲體驗。

今1一風堂為滿足大家對高質素拉麵的不斷追求，經已宣佈推出全新「我的拉麵」自選拉麵餐目~
嶄新餐目中林林總總的選擇可讓顧客配搭出超過100萬款富個人特色的拉麵，
不但迎合每位拉麵愛好者的個人口味，更為香港引入正宗日本自選拉麵文化，
同時帶來獨一無二的拉麵飲食新體驗~

係自選拉麵之前，職員仲好貼心咁送上一條紙圍裙tim呀!!!!so nice^^

自選拉麵餐牌除左可以自己揀麵既粗幼、軟硬度、油分多小、湯底之外~
最最最開心就係可以自己揀配料tim呀!!!!鐘意食咩就叫咩~好free!!!
有d揀配係「我的拉麵」自選拉麵先食到~平時普遍餐牌上面係冇ga^^

經一輪選擇之後，我就揀左自選拉麵先有既粗麵底 ， 柔麵質 ， 少油份 ， 黑蒜油~
配料方面因為樣樣都想試下就揀左 特盛配料，另外再加左炙燒叉燒&溫泉蛋~超大食呀我~哈哈哈哈!!!
呢個就係自選拉麵先有既粗麵底啦，其實都唔係十分之粗，食落就比我朋友叫佢幼麵硬身小小~
如果鐘意有口感既呢個麵底應該會幾抵你口味^^
湯底我叫左小油份，加左黑蒜油，食落好香濃，不過我就覺得咸左小小~清返小小就very good啦~

我超級推介呢個溏心蛋，勁好味呀!!!!!!而家睇返相都好想食~!!

我咁多款肉都試哂，最鐘意就係炙燒叉燒，唔好睇佢好似好肥咁，但入口係好香，唔覺油ga!!
另外日式叉燒我都鐘意，而日式豬柳我就覺得硬左小小啦，唔知係咪咁岩我果舊太瘦呢~哈哈

咁好味，我當然食得哂啦~仲好鬼飽tim，不過如果你食哂d麵都覺得唔飽，唔使怕~
因為食到剩餘湯嘅時候，你可以追加拉麵架，一樣可以揀麵條嘅硬度添，當然係另外收費啦~哈哈

最後，仲送上南瓜焦糖布丁，d 焦糖好香呀!!真係好滿足!!!
我推介大家一定要去試下一風堂呢個「我的拉麵」自選拉麵~
不過要留意既係，只限金鐘、中環、銅鑼灣一風堂供應ga ja^^

 
我最近接觸到一個唔錯既開架牌子，就係COLLECTION啦^^
大家對認唔認識COLLECTION呢個牌子呢??佢係英國三大熱賣化妝品牌之一黎ga~
今次我就用左佢兩件產品化左一對BLING BLING眼~
分別係COLLECTION持久立體魅力眼影膏&鑽石時尚派對眼線筆~

COLLECTION Metallic Cream eye shadow持久立體魅力眼影膏 (4ml / $59)
佢既眼影膏4隻色揀ga，金色、粉紅、 啡色&藍色 ~
全部好係一d好易handle既顏色黎，日妝都可以用到ga
而我呢支就係粉紅色^^

佢係一支好似唇彩掃既毛毛棒，質地都幾軟唔怕吉，每次拎到既份量都唔會過多~
就咁睇個粉紅色好似好深咁，但推開左就係好淺，好閃既粉紅色黎，幾靚^^

用法都冇咩特別，只要用棒棒點小小眼影膏係眼蓋，跟住用手指慢慢推開就ok啦~
眼影膏都唔會話一下就乾哂搞到推唔勻，又唔會水稀稀印到周圍係，咁既價格有咁既質素真係算唔錯~
鐘意既話可以係眼尾點多一次，就可以做到漸變既效果，easy job^^

而COLLECTION Glam Crystal gel eyeliner 鑽石時尚派對眼線筆(6ml / $59)
我呢支係閃銀，其實佢仲有好多色揀ga，平淡同誇張效果都有，分別:
閃白、閃綠、閃啡、閃彩、閃藍、深灰、閃紅、閃金、淺藍、閃紫、青綠、閃彩、閃黑~
總有一支色岩你心水^^

鑽石時尚派對眼線筆既筆頭好細長，畫幼眼線or粗眼線都好易handle到~
而且畫出黎既眼線真係好閃ga!!!d閃粉都好幼細，所以閃得黎唔會好俗氣^^

我既用法只係將佢加係黑色既外眼線上面，冇刻意拉長or加粗~
咁出黎既效果就唔會好誇張，係眼果時人地會見到閃閃下，都佢吸引ga~哈哈~
仲可以用佢點小小係睫毛上面，出黎既效果都唔錯ga!
我就覺得呢2件眼部妝品幾好用啦，價錢一d都唔貴，加埋都係百鬆d，買得過呀^^

 
就黎又新年，年年送反送去都係果d野，今年都想賀年送禮搞搞新意思，唔好咁悶嘛~
我發現左樣好好食既東東，都好岩送禮or自己慢慢嘆ga~
就係御軒出既一家大細都一定鐘意既冰脆龍鬚糖^^

御軒出既冰脆龍鬚糖係因應21紀的品味而作出改良，被認為係歷來最佳既龍鬚糖之一~
佢個包裝都好香港feel，因為佢係百份百香港人手製造ga~
而冰脆龍鬚糖就有全新六種唔同既口味~
我試左好新奇既爆炸糖味、杏仁味、黑芝麻味&白芝麻^^

初初都好疑惑究竟龍鬚糖可以點包裝呢???因為有時就算即買即食都唔好食ga嘛~哈哈~
原來有獨立包裝既，都幾衛生都方便，唔會一開就一定要食哂12粒咁多~

每一粒龍鬚糖都蘊含超過一萬條幼細麥牙糖絲，真係同出面街買人手拉出黎果d冇咩分別~
我覺得佢反而俾買返黎果d外型靚小小，冇咁鬆散呀^^

因為佢係選用最天然材料，獨家技術研製，係不含防腐劑既健康食品~
所以每pack入面仲有一包我相信係防潮珠既物體^^
我將四款口味，爆炸糖味、杏仁味、黑芝麻味&白芝麻放埋一齊，就咁睇外型都係一樣既~哈哈~

粒粒都好鬆脆，基本上四粒話咁快食哂~哈哈~
四隻口味入面，爆炸糖味就最得意，小朋友一定鐘意食~
杏仁味就真係好香，鐘意食杏仁餅既就好歡喜~
而黑芝麻味就比白芝麻味道香同濃d，不過我都係鐘意白芝麻味多d，又香又唔會太甜，好正!!
有興趣大家都可以去各大型連鎖超市及便利店買黎試下呀^^