之前都講過我每一日都好忙，但都可以保持皮膚好狀態 ^^ 回顧按我
開估啦，其實我就係用左佢黎幫我keep住d皮膚啦~
就係全新 Advanced Night Repair Synchronized Recovery Complex II 升級再生基因修護露~($620/30ml, $880/50ml)
佢係「第6代」亦是品牌有史以來最全面、最先進的精華露~
Estée Lauder 精研皮膚的細胞自癒系統 (Catabolysis) ，製成強效配方~
支援肌膚晚間自我排毒淨化過程，掌握促使肌膚更顯年輕美麗的關鍵~

這震撼世界的新配方，獨具全新基因排毒淨化協調技術 (ChronoluxCB™ Technology) ~
革命性地結合細胞自癒系統 (Catabolysis)  及 基因協調技術 (Chronolux™ technologies)~
可以為全日疲勞受損的DNA進行排毒淨化，再統一修護多個細胞的DNA~
效果彷如為DNA修復程序開了引擎，修復令肌膚在晚間極致發揮天然修護能力~
全面提升有限睡眠時間的修護效果，追回睡眠不足或失眠而失去的黃金修護時間。

包裝上、氣味上、與質地上我都覺得同Complex I 分別不大~
都係泵裝，依舊係gel狀，淡黃色&唔識形容既氣味~
唔係花香，亦唔係果香，老實講不算好聞，但尚可接受~

份量都唔係太多，大概一泵都已經夠全面用~
外型上同Complex I 雖然分別不大，但用過之後，就發現佢吸收比Complex I 更快!!

see~~~用左佢就算我KEEP住夜訓，皮膚都係唔差，有光澤~真係素顏出街都唔怕嚇親人~哈哈~
我相信，如果我可以真係早d訓，Complex II一定可以將我d皮膚改善得更好!!!
而家去  Estee Lauder Hong Kong FACEBOOK " 仲可以立即換領7ml免費試用裝，快d試下啦^^

除左臉部保養，頭髮既保養都唔好似忽視ga~係人都想搵到一隻產品可以帶黎五重柔順既秀髮啦~
咩係五重柔順???五重柔順即係要做到水潤、絲滑、柔亮、漾澤&滋養 ~
所以我就試左REJOICE飄柔全新植物精選系列啦^^
整個系列分左唔同髮質用既~
小米草: 適合嚴重乾枯髮質            椰油: 適合染燙受損髮質
楊桃: 適合頭屑、油性頭髮            薄荷: 適合油膩髮質
我係乾性至中性，染燙受損髮質，所以就揀返適合既種類用^^

洗頭水我用多效修護椰油洗髮露 ($67.9 / 950ml ) 佢適合染燙受損髮質~
佢既配方含100%精粹椰油精華與霍霍巴籽油，針對頭髮染燙受損~
可以充分滋潤秀髮，滋養乾燥受損髮質，入面仲有霍霍巴籽油&椰子油精華~
霍霍巴籽油含有豐富維生素，具有滋養軟化肌膚的功效，用於按摩頭皮，有效改善秀髮髮質。
椰子油精華，針對頭髮染燙受損，枯黃易分岔，充分滋養秀髮，滋養乾燥受損髮質，讓髮色呈現光澤。

椰油好處真係有好多ga，我本身都有用開黎護膚，所以我都好buy椰油ga^^
但呢個洗頭水既氣味唔算好椰子味，不過陣味都幾好聞，幾香~
質地同普通洗頭水冇咩分別，唔係太杰身~一泵份量已經好足夠用啦~

護髮素我就用水潤柔亮植物潤髮精華素 ($67.9 / 950ml ,  $34.9 /  380ml)
佢既配方含小米草與鼠尾草植物精華，係針對秀髮嚴重乾枯髮質既~
用既係精選匈牙利和保加利亞既小米草，源自海拔3300公尺以上日照充足山區~
之後提取小米草植物精華，有清潔草本療效同時能夠驅走負面情緒，舒緩身心^^

雖然我唔知小米草本身係咩味，但我好like呢d護翇素既味呀!!!!好香!!!
陣味仲要keep到一段時間ga^^正正正!!!

暫時用左呢個REJOICE飄柔全新植物精選系列3次、4次左右~
你話有好大轉變就當然未有啦，對我黎講洗完唔會頭痕，唔會打結已經合格~
都feel到d頭髮滑左，冇咁乾，翹起既地方開始聽話返，望落整齊d~
而且佢咁平有大大支，都真係幾抵買!!!希望多幾次會有更加明顯既改善啦^^

較早前提到我開始用HEE魔法美容棒進行我既去痘消印大計~
其實我由5月尾已經開始用ga啦，而家係時候睇下成果啦^^

HEE魔法美容棒運用高純度特定頻譜LED輸出技術，不同獨特的波長對皮膚可產生的正面影響，
將LEDs調較到最佳治療該等問題之不同波長，等皮膚使用後有不同程度之改善^^
詳細既介紹可以睇返我之前果篇文~ 回顧按我 ~

黑色呢支係魔法美白棒，射出黎既LED燈係綠色ga~
綠色光可以穿過皮膚的真皮層，可以美白肌膚，減低因色素沉澱~
又可以日光對肌膚既損害， 預防及減少色斑形成^^

用法都好簡單，只要開著個LED燈，將佢對住要改善既位置就得~~~
不過記緊要保持返3-5mm既距離呀^^
果d綠光都幾強勁ga，如果近眼睛附近最好合埋眼唔好照到啦~

效果方面，基本上佢對新既暗瘡印佢係ok work既，d色係會淡左~
而我粒千年暗瘡印，都仲有係度，不過都比之前明顯淺色左，我諗照多佢一牌應該可以冇哂印^^

而粉紅色既魔法清痘棒，射出黎既LED燈係紅色既~
紅色光可以刺激皮膚底部的微偱環系統，
加速新陳代謝以達致提昇傷口治療組織增生之效，對付暗瘡疤痕尤為有效。

都係一樣啦，開著個LED燈，保持返3-5mm既距離，將佢對住要改善既位置就得~~~
最好既係2支魔法棒都會自己夠鐘就熄機，唔使自己計住哂D時間嘛^^

對我黎講，我覺得呢支清痘棒幾WORK!!!我成日手痕都會吱瘡~
呢粒瘡就係我用清痘棒之前一日生出黎俾我吱左，仲流血腫埋，不堪入目…….
跟住我就用左清痘棒每日早晚都照佢一次，到第3,4日粒瘡就開始謝左~
之後夜晚我就加埋美白棒一齊用，照完清痘棒就用美白棒~
大概2個星期，粒瘡已經謝哂，印都係淨返小小ja!!!
如果係平時，我估冇一個月個印都唔會退lor~所以真係好開心!!!

將呢對咁輕巧既小孖寶帶係身邊，隨時隨地都可以去印除豆啦^^

 
我年紀唔算好大，但我知道我應該要係第一條皺紋黎到前做好預防功夫!!!
所以我就用左bareMinerals Multi-Wrinkle Repair 多重礦物抗皺精華^^

bareMinerals Multi-Wrinkle Repair 多重礦物抗皺精華 ($520  / 30ml)
佢入面蘊含各種天然成分斬可以鎖定目標，各自針對臉部不同位置淡化皺紋~
其中稻米縮氨酸能增加肌膚彈性，令前額及眉心皺紋回復平滑~
棕櫚醯低聚肽可促進細胞更新，減少魚尾紋及眼部周圍細紋~
天然植物精華如蘆薈及紅桑子葉萃取物能使肌膚回復飽滿從而淡化笑紋及嘴部四周表情紋~
而土壤礦物複合物具有超卓抗氧化效能，可促進細胞更新及新陳代謝~
減少細紋及幼紋，同時收細毛孔，讓全面肌膚更見柔滑，綻放年輕光彩^^

好鐘意佢用上白色，包裝簡潔，壓縮形既玻裝，泵一下都夠全面用~
而且樽身附有英文介紹，有埋用法，簡單易明，唔使左搵右搵說明書，夠貼心~

質地係Lotion狀，都好輕身，易推開，就咁睇以為佢會比較油，原來又唔會ga喎~

推開都幾水，初初對我黎講有小小笠，但按摩到吸收後就冇咩個問題啦~
以以而呢個天氣黎講佢夠哂潤，搽完感覺好似有層保護膜咁^^

總括黎講，用左佢雖然時間唔係好長，我覺得佢都ok既~
皺紋我雖然未有，用左佢你話好明顯既改變我就未見到~
但我覺得我眼下既細紋，表情文，乾紋果d都淡左dd~
笑既時候個眼位d打摺位都開始冇咁明顯，所以佢都有佢既厲害之處ga~
係價錢方面貴左小小啦，咁既價錢其實有好多選擇~希望真係用耐d效果會更加顯著啦~^^~

 
Sofina既AUBE couture一直都深得我心!!因為佢地既化妝品真係好好好好好用呀!!
我諗好多sis都知上個月就出左隻新既AUBE couture Designing Puff Cheek彩形光影層次胭脂~
今次我就用佢化左一個甜美自然日常妝啦^^

用到既化妝品有以上果d，底妝同眼影部份之前都有分享過，所以我都唔詳細講啦~
詳細可以睇返 : 底妝~ 回顧按我 眼妝~ 回顧按我
主要我都係想重點介紹下彩形光影層次胭脂嘛^^

AUBE couture Designing Puff Cheek一個胭脂分別分成三份，有胭脂、蘋果肌導向粉樸同埋粉盒~
我本身自己手頭上已經有好多粉紅色系既胭脂，所以今次揀左橙色系，橙色仲有最新出既胭脂色黎ga!!!

除左橙色，佢都仲有其他色可以揀既~分別係:
421粉紅色 422桃紅色 423紅色 424玫瑰色 425橙色
一共有5色，價錢方面 : 補充裝胭脂連專用粉撲 HK$200 胭脂盒HK$100

強烈建議大家買埋佢個胭脂盒配返一set，因為個盒真係超級靚!!!好似粒寶石咁!!
上次Primavista個限量版粉盒我拎出黎既時候，我d朋友個個都爭住睇，大讚好呢靚!!!
今之呢個胭脂盒同樣咁吸引，所以我覺得呢一百蚊絕對值得俾^^
其實呢個都係我鍾意AUBE couture既原因，除左產品有保證外，外型設計都係咁用心，抵讚!!

用之前將佢拎出黎，將有膠水既鐵盤對齊胭脂盒放落去，然後合體就得~
好簡單快捷，一d都唔繁複，但如果可以，我覺得做到好似粉盒咁啪入去仲方便^^

當然，除左倨盒靚之外，AUBE couture Designing Puff Cheek本身設計都非常吸引!!
佢將富有層次感既「漸變胭脂色」同「珍珠光影粉」以花瓣的圖案呈現出黎~
珍珠光影粉：在光影位置加入了珍珠光影粉，能使膚色瞬間明亮、使眼下的暗啞不再明顯、輪廓更顯立體。
金色和諧珍珠 (Gold Harmonize Pearl)：親和東方人膚色，顏色和質感能與任何膚色協調
同埋個胭脂係無香料既，大大減低左會敏感既危機^^

用法都好簡單，只要用附設既『蘋果肌導向粉樸』跟住指示塗抹就得~
『蘋果肌』位置其實係指眼眶下方約2cm、呈倒三角形狀的位置，亦即係「笑肌」~
粉撲上既絲帶有清晰既指示ga，只要睇清楚個方向跟住做~
首先將粉撲平放係胭脂粉盒內，分別向左及向右使用平均力度轉動，將整個粉撲沾滿胭脂粉~
上胭脂之前，最好將已沾有胭脂的粉撲輕印在手背先，咁就唔怕拎得太多粉搞到變monkey pat pat 啦^^
之後將粉撲絲帶上的『眼尾』對準眼尾，『鼻翼』對準鼻翼，就可以輕鬆咁搵到蘋果肌ga啦^^

簡單既方法，就可以做到自然又有層次感既胭脂啦，打光影既時間都慳返唔小~
出黎既效果真係好好，我覺得仲好過自己平時胭脂光影分開做tim呀^^

唇妝方面，今次我都係用左AUBE couture Essence Premium Rouge完美修護精華唇膏液~
呢個唔係新產品，我都有用開佢ga，佢個專利3D立體唇掃真係好好，好岩咀形~
而且好鐘意佢潤而不笠既感覺^^

今個夏天又出左5款新色，加埋之前果d一共有15色，$220蚊 一支~
佢有高保濕效果，即使唔塗潤唇膏，也能持久滋潤~
Lip essence 細胞間脂質修護成分：提升唇部肌膚的保濕能力，令櫻唇持久保持滋潤~
長時間使用更可改善唇紋及脫皮情況。
Lip balm 緊鎖滋潤精華成分：海草精華、洋甘菊精華、橄欖精華 <角鯊烯＞配方
持續使用2星期，仲可以有效減淡唇紋tim ga^^

因為我胭脂揀左橙色，我想突出返臉上既層次感，所以唇妝方面我就揀左PK261~
佢係一隻似我自己唇色既粉色，搽一下已經好顯色，平時淡妝單用佢唔加唇膏都ok呀~

因為我平身唇色都已經好出，係淡粉紅色既，我想出黎自然d，所以連遮瑕都冇用直接上唇~
今次呢次ssence Premium Rouge顏色我好滿意，完全係我想要既效果~
一隻非常自然，搽左又遮到我8成唇紋既唇膏液，好鐘意好鐘意!!!!

只要用左呢2樣法寶，簡單印一印，搽一搽，一個甜美自然層次Up Up Up既日常妝就完成左^^
一個咁有層次感既妝容10mins內可以搞掂，真係非常方便呀!!!
大家快d落counter 感受下佢既威力啦~
SOGO率先發售： 2013年6月21日
全線公開發售：2013年6月28日 

** 感謝產品由SOFINA 所提供**