今次都係我第一次接觸Kesalan Patharan既產品ja，當收到呢個產品既時候第一個感覺係~
超美呀!!我真心覺得呢個包裝超美!!!!!!至於佢係咩黎?????
佢就係黎至Kesalan Patharan出品既光感水漾柔膚粉餅啦^^
老實講，我好期待今次既試用，因為好多朋友都讚KP既產品好好用，今次有機會試真D啦^^

打開包裝盒，見到粉盒真身，我以為會同包裝盒一樣有花Look Look既圖案~
原來完全唔同風格，個粉盒係行高貴大方路線，係陽光下閃閃發光，另一種美感呀!!Like!!!
睇介紹，呢個光感水漾柔膚粉餅有五大特點ga:
貼薄持久 ~ 高密度網狀粉體粒子能吸收多餘油脂，轉化成網狀能更緊貼臉部~
效果能持續一整天，從此毋需擔心溶妝及越塗越厚
提亮肌膚 ~ 含提亮皮膚粒子成分，吸收油脂後的粒子會變半透明~
使肌膚看起來變得明亮，時間長了也不會出現變黃暗啞情況
水嫩柔滑 ~ 獨家研發<水份粉餅製造法>給乾燥肌帶來水嫩滋潤。
<板塊狀粉體粒子>釋出潤膚油，在肌膚表面形成薄膜，填補乾紋縫隙，肌膚表面變得柔滑。
高度遮瑕 ~ 加入能有效遮蓋色斑及面部瑕疵的<板塊狀粉體粒子>，能夠厚薄均一地緊貼住皮膚伸展。
薄貼均勻，不會產生厚重感但遮瑕度高
仲有複合美容成分 <Smooth and Clear Complex>  :
含有多種美肌成分，迷迭香，葫蘆果，桃核仁，令肌膚更光滑，亮麗。
迷迭香精華 (從花及葉中萃取的植物精華) –  滋潤，抗炎，抗菌作用。消除游離機，抗氧化。
葫蘆果精華 (從果汁中萃取的植物精華) –  延緩衰老，活化肌膚細胞。
桃核仁精華 (從桃的種子中萃取的植物精華) –  有抗炎，消炎功效，幫助血液循環。
它可防止皮膚乾燥，提高透明度，並保持皮膚的濕潤和光滑的表面。

光感水漾柔膚粉餅售價粉芯 (8g) $390 ，鏡盒連粉撲 $150，一set買要件540蚊，我覺得算中上級價格~
而顏色方面，一共有8色選擇， 8隻色都係配合亞洲人膚色需要而design既~分別有:
PO10~明亮自然膚色，帶紅調   OC00~極明亮自然膚色  OC10~明亮自然膚色  OC20~自然膚色<標準色>
OC30~蜜糖膚色  BO00~極明亮膚色，帶黃調   BO10~明亮自然膚色，帶黃調  BO20~自然膚色，帶黃調
順帶一提2每個粉餅都有SPF30 PA+++ ga~日常返工就咁用佢都防曬度足夠呀^^

隨盒附送既粉撲質量都唔差，軟綿綿，抓粉力都ok，輕輕係粉餅印幾下都已經有足夠份量上面^^

光感水漾柔膚粉餅仲有一個特點，就係佢係採用獨家研發技術，粉既粒子能有效吸收多餘油脂~
再轉化成水嫩透肌的滋潤薄膜，緊貼在皮膚上，防止乾燥及暗啞變黃~
肌膚頓時變得柔嫩明亮，時間也不會令此美感動搖。

我用既就係OC20~自然膚色<標準色>，對我黎講就深色左小小小，其實都唔多覺眼既~哈哈~
托賴近來皮膚狀態不過不失，係有d印印比較礙眼~哈哈~
我係直接護膚品，用base後就直接用呢個光感水漾柔膚粉餅，完全冇用到粉底液~
小既瑕疵，我唔算好深既黑眼圈上完粉都可以遮到七七八八，但印方面，就要出動遮瑕膏先得啦~
上粉後唔會覺得乾，亦都冇浮粉既情況發生~
個感覺就係好透薄，同埋我最鐘意係佢上完粉之後摸塊面既時候係好滑ga!!!!

呢張係我放工既時候影既，期間冇補過妝，只係用紙巾印一印d面油~
成個妝經過咁長時間都keep得好好，我反而覺得出左面油之後個妝更貼服，妝感更自然tim呀~
總括黎講我好滿意呀!!!試完之後覺得佢咁既價位都有佢既原因，係合理既，一分錢一分貨嘛^^

而家★KP夏日盛典Summer Sale★，即場購買折扣產品滿$300，更可以8折優惠購買正價貨品tim架~
聽日最後一日啦，有興趣既朋友襯既個機會去睇下有冇咩心水產品啦^^

** 感謝產品由Kesalan Patharan提供**

見到嗎???我對眼開花呀!!!哈哈~
好多人見到我對眼都好客氣咁讚我對眼好大好sharp!!真係難為情….哈哈~
其實我對眼其實本身都唔算超級大果d，我只係眼珠大，同埋好幸運媽媽生到我眼型不算差啦^^
當然，後天加工先係最重要既因素，所以都係果句，咩底妝我都可以唔化~
唯獨眼妝，最低限度我都會畫眉、眼線、睫毛液先會出街~時刻保持最sharp既大眼睛^^

最近好得我歡心既就係佢地，一系列shu uemura既眼部產品啦~~~~~
只要幾個簡單既步驟，你都可以同我一樣擁有至sharp既大眼睛^^

第一步係化妝之前，當然先用上眼霜打好個底先啦~
我用既係shu uemura全新TSUYA 光感新肌眼部精華 ($380 /15ml)
佢有效針對亞洲女性獨特眼部輪廓及眼周肌膚問題~
只需7天，有效令肌膚逐層更生，重現緊緻彈性膚質~
令雙眸顯得更圓大明亮，希望能對抗令眼睛變小的問題^^

我既用法係先係眼底點開，然後輕輕按摩推開至吸收，唔好忘記左眼皮都要搽呀~
呢支眼部精華仲可以當眼妝底霜使用，可以令眼妝色彩更鮮明ga^^
之後就底霜，而我用既就係shu uemura既POREraser 妝前泡沫底霜~
之前我都介紹過所以都唔詳細講啦，有興趣可以睇返回顧按我
上完base，我就用左瞬間亮肌BB Cream SPF 30 PA++ ($345 / 30ml)
佢可以一次過為肌膚進行修護、滋潤、打底、遮瑕、明亮膚色~
持續使用，更有效顯著收細毛孔、令膚質更細緻柔滑，煥發肌膚自然光澤^^

用左佢之後d皮膚真係明顯細緻好多，毛孔都細返哂，睇落d皮膚狀態好好多~

跟住用絲滑保濕雙效蜜粉餅 ($240/10g，連粉盒$370)
佢可以持久定妝，並針對性解決兩大化妝問題: 1. 乾燥暗啞  2 . 出油溶妝

我鐘意佢上下2層既設計，細細盒帶出街好方便^^
而且佢有嶄新技術，兩種質感、功效、色調；
1.     絲滑水潤：防止肌膚乾燥，修飾瑕疵，貼薄自然。
2.     輕透抗油光：吸走過剩油脂，持久控油，輕透貼服。
令肌膚仿如披上一層薄紗，締造輕透貼薄持久妝容。

連個掃都絕不馬虎，毛質鬆軟，一d都唔會吉肉，而且抓粉力強~
一塊面掃幾下都已經輕易定妝，好正^^

用左bb cream再加粉餅之後，皮膚真係明顯有分別，靚好多架^^

面部上完底妝後，皮膚睇落都冇咁多瑕疵，我冇用任何遮瑕產品，但對眼圈都細好多呀^^

終於到介紹眼妝啦，我首先會用上shu uemura持久啫喱眼線筆 ($190)
輕鬆描畫，使用時柔軟順滑，如鉛筆一樣，畫出柔和分明的迷人眼線，清晰突顯明眸~
長達12小時的持久妝效，柔軟的啫喱配方含豐富硬質矽樹脂~
描畫時形成薄膜，達致持久的防水功效。快乾特性確保不會弄花雙眸周圍的妝容^^

筆頭扭出黎既設計方便易用，唔需要用化妝掃或削筆器ga^^

佢筆芯都幾軟，唔會好硬，筆極都唔出色，好容易控制，幾好用~
我多數都係貼近眼線位輕輕畫一筆，一條完整既眼線已經出左黎，對眼精靈左唔小啦^^

之後就用最新既S curler 睫毛夾 ($130)
佢係可以重點針對眼頭、眼尾的睫毛植村秀既睫毛夾~

歷經13年的研究成果，無側槓設計，讓用家可只夾部分睫毛，效果精準而不會夾痛眼瞼~
並可完美將真假睫毛融合，更適合所有眼形，而且s curler亦適用於彩妝睫毛。

有時大既睫毛夾會有唔岩眼型搞到有d睫毛夾唔到，但因為佢個夾頭夠細~
真係咩方位既睫毛都可以好容易夾到，超級好用!!!
未夾之前我d睫毛係向下垂既，都唔係好睇到佢地既存在……
夾完之後，已經有開花既效果^^

最後用上東瀛豐盈纖長睫毛液 ($220)
佢既護理配方，多功能的smudge proof令睫毛即時增長~
長效持久，蘊含即時豐盈複合物，令睫毛豐盈飽滿~
而配方中的護膚成份ceremide R*更可令睫毛更為強韌。

全新的精巧交叉V形掃，連短睫毛都能毫不費力地接觸得到~

掃頭都算大，我一向用慣大掃頭既，對我黎講佢都幾容易控制^^
我用Z手法先搽上睫毛，之後就搽埋下睫毛~
終極開花眼就咁完成左啦，係咪好容易呢^^

有時間再掃返小小大地色既眼影，一個自然大眼妝完成左GA啦^^
成個妝用既彩妝真係唔多，重點就可以放哂係對眼度，而且化妝時間好小就可以完成到~
所以就算咁懶既我，都可以每一日keep最sharp既眼睛見人~
極推介佢個S curler 睫毛夾有興趣快d去shu uemura試下啦!!!!

** 感謝產品由shu uemura所提供**

 
平時幾趕時間都好，底妝我可以唔化，但一定會化眼妝~
因為眼係靈魂所在，就算畫一條眼線，睇落去都已經精神好多~令人對自己加分不小^^
但化妝容易落妝難，尤其眼部皮膚比較脆弱，卸妝太大力拉扯揉搓會令薄弱眼部肌膚有眼紋ga~
所以一支好既眼部卸妝係非常重要既^^最近我有幸試到一支好唔錯既眼部卸妝油~
就係GIORGIO ARMANI既Perfection Eye Make Up Remover啦~

GIORGIO ARMANI Perfection Eye Make Up Remover($270 / 100ml)
全新Perfect Eye Makeup Remover 的雙重配方可完美卸除任何眼部妝效，
包括防水化妝品，同時柔滑清新肌膚，卸妝後不會殘留油份在肌膚上~
而且質感溫和柔滑適合敏感眼睛或配戴隱形眼鏡的女士們~
卸妝之餘又不會對眼部造成傷害，可舒緩並呵護脆弱的眼部肌膚。

佢名好多眼部專用卸妝油一樣，都係油質&水質既質地~上層油，下層水質地~
佢既脂質配方可徹底卸除防水或任何眼部妝容，但不會帶走肌膚表面油分；
而水質配方可令肌膚清新柔滑清新，不讓油份殘留在肌膚上而造成油膩感。
卸妝之前將油質&水質搖勻混合就可以用~

呢個就係我平時最常化既妝，眼線、睫毛液、眼影&畫眉~

只要將GIORGIO ARMANI Perfection Eye Make Up Remover倒落化妝棉~
按住係眼大概敷10-15秒，跟住輕輕一抹，冇防水既化妝品已經卸哂出黎~

如果有防水既產品，我會將化妝棉對接，重複抹多1-2次，咁所有既妝就輕鬆卸哂~超乾淨^^
用佢卸最好就係快靚正，基本上真係敷一敷，抹一抹已經落好個眼妝~
而且唔會卸完油笠笠，最緊要係唔會乸眼，搞到對眼紅哂~真係好岩我呢d對眼好易敏感既人~
產品質素我真係好好，好岩我既膚質用，唯一係價錢真係比較貴，270蚊得100ml~
以我日日卸的話，我相信用一個月至個半月已經用哂，如果價錢可以大眾化小小就更加好啦^^

 
今期COSMOGIRL，我好榮幸參與其中既CC CREAM大測試~
文中節錄左我既感想，詳細既試驗，都係睇我BLOG文介紹吧^^

繼BB cream之後，近期就興CC Cream!!各大品牌都有出呀~
CC Cream即係咩呢??CC for Complete Correction，即係可以調色遮瑕，仲有護膚功能~
咁BB cream同CC Cream有咩分別呢??2種我都用過~
感覺上BB cream一般質地比較厚，好多時一係太白，一係太黃，上面又會變灰~
好難推，比較焗，所以我對BB cream感覺一般，好難先揀到岩心水~
CC Cream我就覺得比較薄，遮暇都ok，比BB cream冇咁乾~
而我手頭上有3個唔同brand既，分別係BIOTHERM、CHANEL、 banila co，等我將佢地黎個大比併先^^
第一支先講BIOTHERM White D-TOX CC Cream (30ml)
佢介紹話結合三效美白、訂製色彩、高效防護、隱形毛孔、水感保濕、羽量輕透等6合1功效~
能夠給予肌膚色彩修飾 和全日保養的CC光感之美~
將傳統膚色粉末掩蓋斑點或泛紅的色彩修飾作法，轉化成利用色彩保養、達到真正以色彩校正膚色的功效~
CC Cream 仲有SPF50+/ PA++的最高效UV防護力，以及添加入品牌獨特「三效亮白複合因子」~
質地仍然十分輕透水感，在黏膩的夏日也可清爽使用。

BIOTHERM呢支CC Cream5隻色選擇既，我呢支係紫色，可以改善蠟黃肌膚~
佢另外仲有綠色、藍色、粉色&白色，唔同顏色針對唔同皮膚問題~
綠色 : 可以調節泛紅和膚色不均。          藍色 : 適合健康膚色使用。
粉色 : 能讓肌膚透出自然粉嫩光澤。      白色 : 主推亮白肌膚、改善暗沉。

而CHANEL既CC CREAM COMPLETE CORRECTION   SPF 30 / PA+++  ($430/30ml)
傳承CHANEL的經典CC標記，CC CREAM以一個步驟，實現五重功效：
舒緩：含矢車菊花水，舒緩鎮靜敏感肌膚。
保濕：玻尿酸有效保存肌膚水份，確保全日潤澤。
隔離：SPF 30/PA+++有效阻隔令肌膚老化紫外線UVA-UVB，礦物過濾成份提昇肌膚抵抗能力。
修護：萃取自天然活性重建因子，守護肌膚免受外來物質侵害。
修飾：顯著改善肌膚泛紅、色斑、毛孔粗大等問題，瞬間令肌膚展現自然光采，膚色均匀透亮, 感覺清新無瑕。
CC CREAM質地輕盈不黏膩，全效修護及持久修飾肌膚, 瞬間呈現極致完美膚質。

佢既顏色就只有一種，就係BEIGE色，我覺得如果你唔係太黑既一般都會岩用，大眾化顏色啦~

最後一支就係Banila Co Natural Face CC Cream SPF 30 PA++ (30ml)。
含SPF 30PA++防曬,抵抗紫外線，提升肌膚光澤度及可以提亮膚色，望上去會充滿光澤感兼改善氣色~
有修護肌膚功效，可修飾毛孔細紋，比一般base有更好的保濕度。
質地柔滑細緻，透薄自然，打造韓妹亮白美肌效果。

顏色方面有2隻，分別係Light Peach 亮白同埋Natural Beige 自然，我用既就係Light Peach啦~
一吱出黎第一個反應係，咁白既!!!!原來佢係有變色夥粒，按下佢會依肌膚顏色進行輕微調色ga^^
遮暇度方面，我係手用眼線筆畫左d 點點，當係面上既瑕疵，測試下邊個遮瑕做得最好~
當然，面上既瑕疵冇理由好似黑線畫出黎咁黑，遮唔哂係必然既~哈哈~

如果你問我，我覺得CHANEL係遮得最好既，雖然就咁睇好似BIOTHERM遮得最多，
但都可以見到，biotherm既顏色係最白，我覺得唔夠自然，好似撻左一埋野係度咁~
而banila co既遮瑕係好輕微既，所以最自然既都係CHANEL lor^^

試上面，老實講，BIOTHERM就唔係好討我歡心啦~
我覺得佢質地比較厚，搽上去有D焗，感覺同用BB cream冇咩分別~
同埋唔知係咪唔岩我膚質，3款CC CREAM 既打底我都係用同一樣既產品~
但用BIOTHERM既CC CREAM 幾個鐘之後就會出哂油咁，塊面令立立，真係唔多like啦~
可能佢真係同我唔夾啦，唯一可取既係佢係3支入面防曬度係最高，有SPF50+/ PA++同美白功效lor~
如果按保濕度、清輕盈度、自然度及推介度評分，5粒星滿分
保濕度 :  ***
清輕盈度 : **
自然度 : **
推介度 : **

而CHANEL既CC CREAM 我鐘意ga，出黎既效果係非常自然，遮瑕真係唔差，
面上既毛孔呀，小瑕疵都遮得到，皮膚泛紅既地方都幫我調整過來~不錯不錯!!!
同埋佢有陣清清地既香味，3支入面我最鐘意佢陣味^^
唯一小小不足之處，對我黎講佢都係唔夠保濕，有小小乾既感覺~
如果按保濕度、清輕盈度、自然度及推介度評分，5粒星滿分
保濕度 :  ***
清輕盈度 : ****
自然度 : *****
推介度 : ***

最後就係Banila Co既CC Cream ，我最鐘意就係佢~
毛孔，皮膚泛紅既問題完全改善到，雖然印印既遮瑕佢冇CHANEL做得咁好~
但係佢既保濕係做得最好，用完一D都唔會乾，潤得黎又唔會笠，好鬼貼，摸上去好滑^^
如果按保濕度、清輕盈度、自然度及推介度評分，5粒星滿分
保濕度 :  ****
清輕盈度 : *****
自然度 : ****
推介度 : ****

總括黎講，biotherm就唔係我杯茶啦~
至於CHANEL同Banila Co就好難揀，我老公就覺得CHANEL出黎效果自然d~
而我自己就比較愛Banila Co，老公話Banila Co比較白~
雖然出黎顏色真係冇CHANEL咁自然，但我就係鐘意佢皮膚比較白徹既感覺~
所以真係人人追求既效果都唔同，真係要按返自己需要而選擇~最好當然去專櫃試清楚啦~
希望我呢篇文可以幫到大家揀一隻岩自己既CC Cream 啦^^

女人每個月都總有幾日唔方便，而家夏天，焗住焗住都咪話唔辛苦!!!!
好彩，我一向都用開Kotex ^^~ 絕對係佢地既fans!!!!
而今次想介紹下Kotex White超薄護翼日用& 超薄護翼 量特多 – 超長夜用~

Kotex White柔爽潔淨面層 – 表層像雲一樣軟綿綿，柔軟舒適。~
獨創3D超爽圈設計，旋風式速吸流量，有助集中導入~
除左唔怕漏，重透氣之餘又防回滲，帶比你乾爽潔淨新體驗~
仲有零摩擦感 棉面護翼 – 兩側棉面，減低大腿間之磨擦，輕鬆自在~點郁都唔洗怕^^

Kotex White超薄護翼日用 ，每包18片，每片23cm~
Kotex White 超薄護翼 量特多， 超長夜用，每包14片，有齊日用既特點之外~
仲有扇形加闊設計，每片足足有成35cm，真係長過把間尺~
而且巾身前後加闊，尾部有成17cm闊，配合雙重防漏保險壓線，點反訓都用得安心啦^^

佢既賣點就係中間既3D 超爽圈，因為我好奇，所以剪開左佢黎研究下~
見到入面有層好薄既棉花，就咁睇真係冇咩特別~

點知一加水，吸水吸得勁快，中間棉層一吸左水就變成左一d好似jelly既粒粒~
鎖住d哂水份，倒左半杯水落去都吸得一乾2淨~完全冇回滲既問題發生^^
用左佢唔方便果幾日都變得輕鬆自在，乾淨清爽^^
不過如果可以的話，最好可以係包裝上注明係”棉面”or”網面”啦~
搵勻成個包裝我都分唔清，要打開先知原來係網面黎~
注明清楚就可以免敏感皮膚既朋友買錯嘛^^