但係今日心情唔知點解幾差，做咩都提不起勁，完全冇咩動力做任何野，剩係好想係屋企等......但係又唔知道自己等咩，唉......都知自己有咩問題。

返到公司遲左 10 分鐘到，食下餅飲下美碌，咁又要開始做下野囉，今日成日都好優閒，行下企下仲恰下眼

訓，睇下報紙上下網，就係咁樣就 "咋" 一聱到左放工囉。放左工之後我就同 "叮噹朋友" 一齊食飯行下街，

無無聊聊咁係屋企樓下行，仲行左成個鐘喎，之後 "叮噹朋友" 突然話想飲湯，仲問我識唔識煲湯，之後我

就問返佢想飲 d 咩湯，佢就諗左一諗，過左一陣到，行去百佳度睇下有 d 咩湯包可以煲，點知佢就好順手

咁，唔知拎左 d 咩湯包比我話岩我飲喎，仲叫我買豬肉煲湯，買晒之後咪返屋企煲湯食飯，我見到 d 湯料

有 d 一條條好似蟲仔咁樣，仲有 d 好似樹幹咁既物體喎，率之煲左 2 個鐘到，煲完岩岩好 9 點鐘，我見到

d 湯好似五花荼咁色，我就冇咩心情想飲，好彩煲埋 d 湯岩岩好得兩碗，所以我就倒左一大湯碗比 "叮噹朋

友"，而我就倒左一細碗比自己，點知道飲落去果陣苦苦地，飲到我叫苦連天，但係 "叮噹朋友" 仲話好好

味，真係比佢吹 Q 賬，率之我用左 45 分鐘完成左碗湯，飲完之後我仲勁飲檸檬荼中和 d 苦味，都唔知咩湯黎，苦到死仲話岩我飲，之後就坐左一陣睇下電視，係咁樣我就過左一日喇~~!!

嗚嗚......無喇喇比人 "滾" 左，飲左都唔咩既苦湯。

飲完茶之後我地就行下街，因為食得太飽，所以要行下街消化下，不過行左好耐都冇咩心情睇，可能我都唔

係好想買野，所以我依家都唔係好 likey 行街，率之行左成個鐘之後，頂唔順就返左屋企抖下，過左一陣到我就送媽媽搭車，而我就係屋企執下野，打掃下間屋，就係咁樣過左一日咯~~!!

放左工之後，我就約左<叮噹朋友>出左旺角行街街，順便睇下新年放假有咩好做，過左一陣到我地就食下飯

睇下野，我地都冇咩特別野食過，剩係係度掃晒街邊擋，食左好多炸野同串燒，可能我太耐冇食過呢 d 野

喇，所以食得好鬼食開心，仲食到飽飽，之後我地就行左去銀行中心果邊，睇下有冇 d 平價旅行團，因為新

年好鬼無聊，要成初十先返工，加上我地又係 2 月生日，所以我地就諗住去下旅行玩下順便一齊慶祝囉，我

地行左好間旅行社，仲睇左好多團，我地諗住初五後去旅行，所以 d 團都唔係特別貴，不過就係咁因為咁

樣，有好多地方可以去，攪到我地唔知去邊度好，大家仲諗左好耐都諗唔到去邊，結果我地行左 2 個鐘都係

剩係拎晒 d 單張睇，冇決定到去邊度旅行囉，行完之後我地就抖下行下咁，食下飯吹吹水咁，好快咁就過左一日咯~~!!

唉......難得去旅行都諗唔到地方，真係賤命~~!!

可能今日心情麻麻，我覺得自己好似變左，個人變返好清醒，對身邊所有野睇得好清楚，但係個腦不停係度

諗野，其實我都唔係好想咁清醒，因為我知道自己清醒既話，對好多野都改變晒，我都唔知自己想點，剩係

知道個人好亂，好煩，但唔知道煩緊 d 咩野，或者根本個人諗野諗到錯晒，總之我都唔知道想講 d 咩，可能係暴風雨前夕，所以個心有 d 怪怪地咁。