到左下午 3 點，公司就開 party，除左開生日 party之外，仲順便開埋聖誕 party，最開心既環節就係抽獎，

公司所有同事都高興到不得了，老闆仲自掏腰包買左好多禮物，而且 d 禮物好名貴，多數都係名牌子，人人

有份永不落空，到我抽獎果陣，心情勁興奮，率之抽左份 "S" "T" "啦打" 既化妝品，仲攪到成班同事都搶

住要同我交換禮物，過左一陣之後， SALES 既阿頭又人人送左份小禮物，我拆左份禮物之後開心到不得

了，因為佢買左份大口仔既精品比我，我即刻笑到唔停口，玩完 party 之後，我地成班同事出左尖沙咀食

自助餐，食到個個都飽飽，食到 8 點到就各自回家，返屋企途中，叮噹個朋友 "大雄" 打電話比我，話幫我

配到個電視 fuse，今日可以整返好個電視，我地仲約好左係屋企樓下等，會合左之後我地就返左屋企整電視，率之佢幫我整返好個電視，我地仲睇左一陣電視，到 11 點到佢就返左屋企，而我就訓覺了。

放左工之後我就出左 MK 一陣，之後就返左屋企等運到，因為今日人人都返左屋企食飯，所以冇人得閒，我

返到屋企之後就 on99 咁訓左一陣，到 10 點到叮噹個朋友 "大雄" 就過左黎搵我，仲專登食完飯之後返左屋

企拎比左張被比我，因為我之前講過我怕凍，而且張被唔暖成日都訓得唔好，所以佢就拎左張被比我用，佢

黎到我屋企之後就放低左張被，之後我地就落街食飯，食完飯之後仲行左一陣，到左 11 點到，佢怕阻礙我休息，送左返屋企之後就回家了。就係咁樣我就過左一個真正好 warm 既冬至喇~~!!

做完晒 d 野之後，返到公司都成 4 點幾，坐係位 hair 一陣就放工了。放左工之後我就約左叮噹個朋友 "大

雄" 去街街，佢同左我去太古城，我同佢一齊係度周圍行，行行下佢突然問左我一個好難答既問題，我同佢

遊左陣花園之後，就達成共識，之後就兩個人痴埋一齊行街街，跟住去左吉之島食飯飯，食完飯之後就諗住

睇場電影，但係因為我冇帶眼鏡關係，所以就冇睇到電影，過左一陣到我就提意買隻 VCD 返屋企睇，佢亦

都好同意我個 idea，之後我地就去左買 VCD，初初佢問我買 d 咩睇，我就話咩都睇，之後我睇到老公仔隻

"再說一次我愛你"，我就勁愛不惜手咁望住，佢見到之後就問我係咪想睇，我就答佢我買左但未睇囉，佢就

叫我再睇下有冇岩心水，但係我就答佢見到老公仔隻 VCD 之後就冇咩興趣睇其他，跟住佢就諗都唔諗即刻買左隻碟，買完碟之後我地就返左屋企睇 VCD，就係咁樣過左一個好驚喜既一日喇~~!!

放左工之後我就累得滯返左屋企抖下，仲訓左一陣囉，訓醒左之後就食個飯打陣機，過左冇耐又訓返覺了。

所以都冇咩野做過，通常我冇野做果陣會打電話比叮噹個朋友 "大雄" 吹下水，但唔知道今日冇咩 mood 搵佢，所以我就冇搵佢吹水，仲好快又訓左覺咯~~!!

放左工之後我又約左叮噹個朋友 "大雄"去街街，去到樂富搵佢，點知佢又同 "牛先生" 一齊，但我並冇咁樣

唔理佢，我都有同佢地吹水，之後我地去左吉之島買飯，到比錢果陣 "牛先生" 又屈我比錢，我勁講我冇咩

錢，就係咁叮噹個朋友 "大雄"就幫我比左錢，跟住我地就去左叮噹個朋友 "大雄" 既屋企食飯，食完飯冇咩

做果陣，叮噹個朋友 "大雄" 就提意睇 VCD，我地冇反對之下，一齊睇 VCD，睇完千杯不醉之後又睇阿嫂，

睇到我有 d 凍，叮噹個朋友 "大雄"，就比左件衫我著，率之睇到成 11 點幾，到搭車果陣叮噹個朋友 "大雄"

就叫我著埋件衫返屋企，仲話唔好冷親，之後我就好累咁返左屋企，就係咁又相睇左一晚喇~~!!