放左工返屋企，見到高先生又訓到成隻豬咁，攪到我都訓埋一份，今日成日都係訓覺，都冇咩野講，因為冇

咩特別野發生，加上尋晚高先生同陳先生半夜到訪，攪到我冇覺好訓，所以我就由放工之後開始訓覺訓到夜

晚，一訓醒食左 d 野，吹左陣水之後又訓返，就係咁訓完又食，食完又訓之下，咁就過左一日喇~~!!

所以就一早去左送文件，送完文件返到公司都成 11 點咯，之後老闆又叫我佈置下間寫字樓，佢仲話買左 d 飾物佈置，所以叫我幫下手整好佢，就係咁我就攪左成個上午。

到左下老闆又叫左我去送文件，一送就送左成 2 個鐘，返左公司都成 4 點，一返到公司我又比 d 同事叫左

我去整 printer，一整到放工時間，就係咁我今日過左一個好充實既一日，仲勁 busy 我都未試過咁繁忙，不過耐唔耐咁樣都日子都幾快過，"咋" 一聲又一日。

食完 lunch 之後又係咁做，d 時間簡直勁充實，張椅都未坐熱就放工，放左工之後，就同 d 同事去食晚飯，

因為之前約左佢地去廟街食飯，所以今晚就同佢地一齊食野，我地成 6 個人去街街，一路行就一路吹水，之

後搭 MTR 去目的地，但唔知點解提意食飯果個人唔記得左係油麻地定佐敦落車，大家仲討論左一陣，率之

一致通過係佐敦落車，落左車之後，大家就係咁行，係咁搵間飯店係邊，搵左大約 30 分鐘到，大家都 feel

都有 d 唔對路，仲係咁問提意食飯果條茂利，我地個個行都個肚勁餓，最初諗住行晒成條街都搵唔到既話，

就是但搵地方坐低食野，點知由佐敦行到油麻地街尾，先見到我地想食果間飯店，我地就即刻走入去坐低叫

野食，仲係咁勁鏟提意果條茂利，之後我地就鯨吞 d 野食，一於儀態唔理食飽為先，就係咁我地就食左 2

個鐘到，之後就行左一陣街，大家仲未諗到散唔散水既時候，就由油麻地行到去旺角，率之行到 9 點幾就各自回家咯~~!!

今日都係做下野咁，而且都唔知點解好似好多野做，做極都做唔完咁，所以做到我差 d 唔記得左 5 點鐘放

工，仲唔知約左爸爸食飯，放左工都成 6 點，我就即刻仆到返中環，返屋企就 on99 咁坐係度等食飯，坐左

大約 1 個鐘到，等齊晒人之後就去左食飯，係食下飯吹下水之下，就食左成 2 個鐘，之後我就覺得累，好快

咁返左屋企咯~~!! 今日可能太累，所以返到媽媽度都冇咩反應，剩係等食飯冇講過野，仲食完之後就好快走左。我都未試過食完飯就即刻走左，好彩佢地都體諒我。

一放工我就仆到咁去阿姨屋企，因為今日佢生日，所以我就去左搵佢，去到佢屋企之後，我就係咁祝賀佢，

仲比佢任勞任怨，過左一陣間我就同佢去左大欏友食飯，一去到飯店之後，我就係咁同佢影下相，仲做左攝

影師周圍走去同佢d 朋友一齊影相，不知不覺影左成個鐘，之後仲開始食飯喇~~!! 食完飯之後就切蛋糕，阿

姨同班朋友一齊切蛋糕，而我就又係咁同佢影相，就係咁好開心過左一晚，阿姨仲多謝我比左個好開心既生日佢，攪到我都唔知點應佢。

今日見到阿姨好開心，我自己都覺得好開心，好似仲開心過自己生日，可能我生日果陣得一個人，所以我就好有心思咁攪好個 party 比阿姨，因為佢開心就等於我開心了。