今日成日都好似雲遊四海咁，個人成日都好累，又冇咩心情做野，仲成日好想訓覺，好唔容易就等到食飯，

食完飯之後就又返公司 on99 過，就係咁磨到放工，放工之後就去左人地屋企整電腦，一整整到 12 點到，

之後就勁累咁返屋企，返到屋企就當然做下 d 厭惡性工作喇，攪到一大輪之後就好快訓覺咯，因為實在太累

了，由去完旅行到依家都未真正抖過，攪到有咩都留返第 2 日先做，拖下拖下都唔知道幾時有心情做，等到間屋污穢既時候我一定會死去執的。

事都陸續返黎，過左一陣我見到公司剩係得 8 個人返工，後來我先知道今日原來有好多人冇返，有 3 個人病左，有 4 個仲係吉隆坡未返，老闆又唔會返公司，所以公司今日超靜，同埋好小人。

今日成日都係好 holiday mood，係公司 on99 咁，仲成日恰眼訓，都唔知自己成日做過 d 咩，我剩係知成

日對住電腦，上網睇下相同睇網頁咁，就係咁好快過左一日。放左工之後，我就約左媽媽食飯，因為我冇買

手信比佢，所以請佢食飯補償，6 點鐘到我就同媽媽行下街食下飯，我係咁講返去旅行 d 笑料比佢聽，我仲

話老闆上機果日每人津貼左 500 蚊比我地買手信，之後又比媽媽睇我隻傷痕累累既手，就係咁我地食到 8 點鐘就各自回家了。

去到機場又係等 check in，攪完一大輪之後，我就去左 Dutyfee 買米，仲行左一陣之後就上機，上到機就

即刻訓覺，訓到食野為止，又係 3 個鐘既行程入面，我除左訓下之外又睇左陣電視，好快就返到香港咯，落

左機之後就搭車返公司，返到公司 d 同事個個都做埋同一個表情，托住個頭恰眼訓咩都唔做等收工，好在 d

時間好快就放工，一到 5 點 d 同事就即刻走晒，各自回家。而我就去左阿姨度放低 d 佢叫我買既野，之後仲好快咁返左屋企。

返到屋企個人勁累咩都唔想做，但係一開房門就見到成間房勁臭，仲勁多便便同尿尿，於是就執返好間房，又執埋小喵間房，攪到成 2 個鐘頭，係咁依食左 d 野上陣網，之後就訓覺咯~~!!

食完食之後就去左聖淘沙玩，去到果陣大家都不停咁影相，之後又睇個魚尾獅山，仲入左去參觀，不知不覺

行左成粒鐘，行完之後就去搭覽車，係搭覽車果陣見到有野玩，我就又去左片車，今次仲成 15 個人一齊

片，片完一轉唔夠喉仲片多轉，片完之後搭左架吊車，隻腳凌空 fing fing 咁，仲係架吊車度不停咁影相，

玩到差不多 6 點到就返酒店食飯，今晚因為要同 boss 食飯，所以好早返左酒店抖下等食好野，等左一陣之

後我就去左一間好高級既酒樓食飯，食左 2 個鐘到就又再出動咯，今次去睇新加坡個會噴水而又成日係 d 明信片度見到果隻大大的魚尾獅。

去到果陣我都好開心咁不停影相，但係因為 d 光好暗，行路都好小心，初初見到細果隻有好多同事影緊相，

我就冇迫埋去影，所以就自己同另一個同事去左影大果隻，影到咁上下就發現 d 同事又行到埋黎，仲一齊影

左大合照，點知影完之後領導人叫我上車去酒吧街，我就突然諗起我之前冇影到隻細，所以就即刻同埋同我

一齊果個同事跑去影返，點知跑去果陣，可能 d 光太暗同埋睇唔到路又心急之下，我就成個仆左落地，起身

果陣都覺得冇咩野，仲係咁影相，但係之後發覺隻手濕濕地，到上返車果陣先見到隻手流晒血，仲成隻右手

瘀晒 d 骨移左 d 位，同事見到之後就幫我止血，攪左一陣之後就好左 d，同事仲問我有冇事痛唔痛，我仲好

攪笑咁同佢地講，係新加坡咁耐冇買過野留念，點知就送左份大禮比我，仲要我留低 d 紀念品。之後同事就哈哈大笑左一陣，冇耐就到左酒吧街飲野望街影相，就係咁又玩到成 2 點鐘返酒店。

去左個主題樂園玩，玩左 2 個鐘到，我係樂園玩左個賽車，我仲係咁片車，片到好 high，之後就玩左個會

360 度倒掉既機動遊器，玩到 12 點果陣就突然間落雨，之後我就去左避雨，避到 d 時間差不多夠鐘，到左 1 點到我就搭車去食飯。

去到食飯果陣，我先發現同事叫 10 餸 9 個都係辣既，我就食左兩啖到就冇食野咯，食完飯之後就去左中華

街 shopping，我去到都得個行字，因為 d 野都幾貴，雖然樣樣都係 10 蚊樓下，但係換算港幣都成 5 至 60

蚊，所以我就剩行咩都冇買，行完之後就食晚飯，食左 2 個鐘到，大約 9 點幾我就去左夜間動物園睇動

物，我去到果陣覺得週圍都黑媽媽，但係好在睇動物果陣就有 d 光，如果唔係都唔知睇咩咯，睇完 動物之

後就行去禮品店，但係我始終都係一件野都冇買，行完之後就又去行 shopping 中心，今次去小印度行，初

初大家都以為好多野睇同買，但點知去到除左見到好多巴基爛坦同仲勁臭之外，原來冇咩野睇同買，所以行

左唔夠半個鐘就頂唔順返酒店，返到酒店就去到樓下既 coffee shop 食雪糕，食完都成 2 點幾了，到左休息果陣又攪到 3 點鐘先訓了。