下午就冇咩做喇，on99 咁吽到放工，放工之後就返左屋企，返到屋企當然就係服侍 d 仔囡啦，攪完一大輪

之後，時間都成 8 點囉，之後就食飯同沖涼，休息左一陣就上網玩一陣，好快就玩到成 2 點幾，就係咁又到訓覺時間，話咁快就過左一日咯~~!!

放左工之後又 on99 咁係屋企上網打 online game，仲睇住 d 小貓小狗周圍走，話咁快就訓覺喎，就係咁我又過左一日喇~~!!

一去到城門谷運動場，我地就 on99 咁企係度等點名，之後又暴曬成個鐘，等 d 嘉賓講完開場白，攪到成

 10 點鐘先開始步行，初初由運動場行上去城門水塘覺得幾辛苦，因為個太陽又曬條路又斜，行到我汗流浹

背，我地仲一路行，一路傾計，都唔知幾攪笑同喘息，沿途仲有好多學生同公公婆婆，但係一上到水塘門口

就見到 d 學生仔好開心咁解散，好似做樣咁行幾步，我同事見到咁就好想學佢地，仲叫我地不如當行完一齊

去下行街，我同其他 d 同事就係咁捉住佢再行，仲吹水話如果未到 check point 就冇印證，証明唔到我地有

行過，老闆唔比錢我地，仲會比其他同事話我地冇恆心，講完一大輪古仔之後，果個同事又再行多陣，但係

就一路行一路叫辛苦，率之用左一個鐘到，我地行到 check point，大家好開心咁去個站崗打印同拎水飲，

之後果個同事就又同我地講唔行，我地又費盡唇舌同佢講，行返轉頭同行去終點一樣遠，不如行到終點留返

好印象，最多請佢食放題，幾經時間率之佢又再同我地行，行左一陣見到有條小徑，我地就行去問個"食

蕉"兩條路有咩分別，個"食蕉"話小徑行 1 個鐘，大路行 2 個鐘，果個同事一心諗住快 d 行完，就叫我地抄

小徑行，但係有一個同事唔行小徑，我地又唔想佢一個人行，率之我地 3 個人就同佢行小徑，而另一個就跟

大隊行大路，仲話先到先等，之後我地就繼續行小徑，條小徑都幾難行，雖然冇斜路但係條路係沙地，有 d

唔平面，行左成 2000 米之後，我地就發覺好似都唔似會行得快 d，仲覺得只係圍住個水塘行，好似越行越

遠，再行左 4000 米之後，同事就開始疲憊不堪，仲不停咁話行左咁耐未到終點，又話會係快 d， 個"食

蕉"老點，率之行左 5000 米之後就走返出大路，我同另一個同事去睇水牌，睇下我地行左幾多，點知原來

行左一半咋，另外行大路果個同事就打電話比我地，問我地行到邊，佢話佢行到終點仲嘆緊蜂蜜喎，我地聽

完之後不知幾鬼殺咁嘈，之後我地抖左一陣就又再行過，最後用左 1 個鐘行完全程，行到人又累鞋又污穢，仲要鬼咁肚餓，之後就即刻搭的士去和民食餐勁，就係咁用左半日時間。

之後就用緊餘既力同媽媽行左一陣街，返到屋企就即刻沖涼，之後就撻落床抖咯。

去到屋企樓下果陣，<水晶姐姐>就打電話比我，佢話佢好悶想搵我行下，我就答應左佢，過左一陣就同佢會

合，我同佢係新都會食 lunch，食完之後冇野做，佢就同我一齊返左屋企探小貓同妹妹，係屋企就我同佢係

度兩條友吹水，仲同妹妹小貓玩，佢見到兩隻野玩得好開心，之後我地就不停咁吹往事，講下我 d 野又講下

佢 d 野，就係咁我地吹到夜晚 8 點幾，之後佢就返左屋企，而我就執下間屋，因為間屋好耐都冇執過，順

便清潔一下，就係咁我就玩到成 11 點幾，飯都唔記得左食，剩係掛住比野 d 仔女食，自己就唔記得左食，仲要掛住玩 online game，玩到忘形。 

好快就過左個星期六喇~~~!!

算喇~~!! 我日日都係咁 on99 的，日日都係返工，日日都係餵小貓小狗食野，日日都係同佢地執屎執尿，工

作冇咩變過，仲要係指定動作，冇得唔做，冇得休息，鬼叫我養佢地咩，預左負起一世責任，想叫佢地照顧

下我都唔得，如果佢地識搵錢就好喇，我一定會發達，仲唔駛做喎，可惜佢地除左反斗之外，對其他野都係白痴的，有時仲攪到我死死下，但係佢地仲好似冇野咁，真係吹佢地唔脹。

仔呀仔，囡呀囡，我投資左咁耐有冇回報架，比 d 好野先得架，日日執小次屎當幫下忙。