訓到 5 點鐘到，阿姨打電話比我，叫我去燒雞翼，係無聊又冇野做既情況下，我就跟埋佢去，之後就燒雞翼燒到成  11 點鐘，返到屋企就上下網，聽下華仔既廣播劇，就係咁 on99 過左一日了。

唉......放假日子真無聊，幾時可能過 d 正常生活呢!!!

行到 7 點到，阿姨率之訓醒覺，叫我地一齊食飯，我同媽媽係冇野做既情況之下，就同阿姨一齊食飯，我地

三條友又去左和民食野，我仲同媽媽講笑咁話，和民係成為左我地個飯堂，我地諗住早 d 去等位，點知今日和民竟然唔駛等位，去到就有得坐喎~!!

我地食到 10 點鐘到，之後仲行左一陣街街，但係見到 d 商場閉門，三條友冇野做之下，就去左百佳行，我

地不知不覺咁買左成車野，好彩有姨丈接我地，姨丈仲話我地唔駛錢入咁多貨架，我地就哈哈咁回應返佢，之後我地就各自回家了。

今日係中秋節，雖然同媽媽阿姨一齊過，但係都好開心，因為起碼唔駛一個人過，年年過時過節我都係一個

人，最多攬住隻肥豬過節，可能媽媽同阿姨知道我一個人會好悶，同埋會亂諗野，所以今日佢地齊齊都陪我，等我唔駛咁寂寞，有人陪下我個心情都開心 d。

同阿姨講好鬼死怕拎咁多現金走圍走，點知佢地諗好晒今日叫我點拎，姨丈專登唔開工，就一朝早就車我去

銀行，阿姨就係架車度等，我姨丈就陪我一齊去銀行拎錢，點知大拿拿一間銀行，竟然冇 200 蚊 20 蚊紙，

咁我都算喇，之後仲話冇金牛比我，比晒 d 朱古力我，我見到一舊舊朱古力都嚇到呆左，我姨丈就幫我袋起

晒 d 朱古力係褲袋，我就立 d 細紙走，用左 9 秒 9 時間咁飛到返架車度，仲即刻揸車走人，之後就返左佢地屋企。

到左下午<上等人>就叫我食 Lunch，我就即刻同佢地會合，之後佢地就上左我屋企開枱打麻雀，但係今次剩

係得我 <蚊二><上等人><燒肉>，打到 5 點到<燒肉>放低左 20 蚊就走左，得返我同<蚊二><上等人>玩三人麻

雀，一直玩到 9 點鐘，<上等人>輸左成百蚊比<蚊二>，之後仲一齊食埋晚飯，食到 11 點鐘，我就捉左<蚊二>

去馬會買波，點知<上等人>又跟埋我地去，去到馬會我就係咁刨波經，佢兩個就 on99 咁等，我劃緊飛果陣

<上等人>好好奇咁問我劃咁多要買幾錢，我同<蚊二>一齊答佢 10 蚊之麻，我仲話用 10 蚊博幾百蚊甚至幾千蚊都得，之後佢就跟住我買，仲要買得仲多錢過我，買完之後就各自回家了。

就係咁樣過左一日時間咯，幾條友呆下呆下又一日，咁既日子又幾寫意......

12 點半到係留下竟然見到<上等人>，原來佢請假出黎食飯，可能佢唔抵得我成日同佢地食 Lunch，所以今次

佢都黎埋一齊食飯，等左一陣就見到<水晶姐姐>同<燒肉>，仲有一個不知名既閒人，我地之後就去返漢堡屋

食飯，大家當然一路食一路吹下水，但係個不知名既閒人就好鬼悶，因為我地講野佢插唔到咀，佢 d 野食又等得好鬼死耐，我地食晒 d 野佢個飯都未黎，我地咪等埋佢食囉，好快咁就食到散會了。

到左夜晚就同屋企人一齊做節食飯，但係就一路食一路 on99 咁，食到 10 點鐘就散咯，之後姨丈就負責車

媽媽同舅父返屋企，而我又唔執輸跟埋車，就係咁遊左一陣車河，由荃灣去灣仔再去中環，遊到 11 點先返屋企了。   

今日食既份量等於我兩三日咁滯，呢幾日都可以唔駛食野咯!!

2 點到我就出左旺角又攪野，大約攪到 5 點到，我就 on99 咁係女人街度行左一陣，行左一條街到我就走

人，純粹路經一個地方咁囉，冇幾耐我就返左葵興，諗住接<喵喵>放工，點知佢冇返工，之後我就諗住搵阿姨，點知佢又話要出街打麻雀，就係咁我就 on99 咁返左屋企訓覺。

今日都算係最 on99 既一日囉，搵邊個人就搵唔到，想吹下水都唔得，把幾火返屋企，都係屋企最好，呢埋一個人發下痴呆都冇人理，攬住小狗吹下水都得，我 d 咁既孤獨老人都係留係屋企岩我多 d 囉!!