仲係咁影左好多相，玩左成粒鐘之後就陪佢交收順便行下街，去到商場又比錢夾公仔，夾左成 40 蚊都冇收

獲，過左一陣間<燒肉>打電話比我，話好得閒想見下小喵，我同<喵喵>就係公仔店度等佢，之後食個 Tea 就返我屋企。

返到屋企<燒肉>見到小喵又係愛到殺死佢咁滯，佢地兩個人係咁同小喵玩，又係咁影相，仲係咁講貓經，小

喵今日做左影星，可憐的小妹就比人遺棄左一邊，就係咁一路玩到成 5 點鐘，之後<喵喵>就返屋企先，但係

佢個樣好唔捨得小喵，仲話下星期又探佢喎~!! 又見佢好話下星期黎探我 >_< 之後得返我同<燒肉>一齊玩小

喵，玩到 6 點鐘，我地就一齊落左街買 d 小喵日用品，順便執好佢間屋，行左大約 1 個鐘到，買左成百幾蚊野呀~~陰公!!

返到屋企之後，我同<燒肉>用盡所以方法餵佢食野，率之不負我地所望，佢肯食野喇，食到飽飽之後仲周圍

走，我地睇左佢一陣之後，我就送<燒肉>搭車順便買波，攪好晒所有野就回家了，返到屋企小妹又攪到成床

都係尿，我就係咁抹到成隻狗咁，抹好晒之後小喵又鬼殺咁嘈，我又抱起佢玩下，點知見到佢間別墅有幾粒屎，唔怪得之佢叫我喇，就係咁成晚唔係執屎就執尿，執左成晚......

好左今日<喵喵>同<燒肉>上黎搵我咋，教左我養小喵心德，我依家都知道小喵 d 生活習慣，唔駛傻更更咁唔知點養小喵，真係多謝晒呀~~!!!

食完 lunch 之後我返左屋企一陣，訓到 4 點鐘就拎左肥妹去沖涼同剪毛，點知係狗鋪見到兩隻猫 BB，個老

闆仲問我有冇興趣要，仲話唔收我錢，我話要諗下先等陣先決定，之後我就返左屋企，打電話比<猫猫>同<燒

肉>睇下佢地要唔要，點知佢地想要但屋企人唔比，我就諗左好耐，最後都拎左佢返黎，見佢咁可愛咪試下

養囉，我都未試過養猫的，我唔知道我可唔可以養的，不過我都會盡能力的，就係咁家中多左個新成員暫時個名叫做<洋蔥>。

到左夜晚我就拎左去阿姨度，諗住同<小寶寶>玩，點知佢驚到成日走左去阿姨後面，隻猫仔走去邊佢就即刻彈開，攪到我阿姨同姨丈三個人勁笑，就係咁成晚同 d 猫狗玩遊戲了。

  <-------家中的動物~~剪晒毛的肥妹 & 猫 BB 洋蔥

所以今日除左訓之外，都冇咩特別野發生了...... 請各位讀者多多見諒......

佢地食 lunch，雖然個死樣冇得救，但係唔知點解隻眼腫左，攪到大細超，最後冇咩心 J 攪咪求鬼其就同佢

地一齊食飯，大家見到面到互相吹下水，係吹水情況之下， d 時間好快就過左個 lunch ，佢地又返公司受刑了......

到左夜晚 7 點到，阿姨就叫我返大陸做雀仔按摩，係左計右計既情況下，我就跟左佢地返大陸，一去到大陸

就食飯先，我地叫左好多野食，食左一個鐘到，食到飽飽之後就步行去做雀仔按摩，去到按摩院果陣，我突

然嘩一聲......因為間野實左好豪華，成間 5 星酒店咁款，之後我就入左去換衫，去到更衣室仲勁，見到好多

赤條條既女人周圍走，一d 浸緊溫泉，一 d 係度蒸緊，我簡直大開眼界，咩身材都睇晒，有巨奶的又或者洗

衫板都有，之後我就換好晒衫等按摩，但係唔知點解 d 女人係件衫入面咩都唔著的，成日都飛釘透提仲有大

塊田喎~! 我就接受唔到著左打低衫，換好衫之後去左酒吧飲野，仲比人迫食生果，因為果度 d 規條係要飲

一杯野跟一碟生果的，飲完之後就去左房度按摩了。按摩左 2 個鐘到，阿姨就同姨丈去左做雀仔按摩，佢地

仲叫我試下，話唔係好痛，我又好好奇咁走左去試，初初做雀仔按摩果陣，可能緊張所以就痛到傻，但係之後習慣左就冇咩特別，就係咁雀仔按摩到成 2 點了。

返到屋企成 3 點喇~!! 之後我就好快咁撻落床度大覺訓，如果有時間又搵到野做，做下雀仔按摩都好舒服架，可惜......我仲未搵到工，d 錢又開始越黎越小呀~!! 點算好......

電話打，我就同阿姨係咁笑，仲話如果老左係咁樣都唔知點算，一直笑到睇醫生，覆完診之後就同埋姨丈送

貨，遊車河遊左一個朝早，遊到 12 點幾返左屋企樓下，拎住阿姨隻小狗周圍搵美容店，諗住攞隻小狗去沖

涼，但係唔知點解成 12 點幾都未開門，我就 on99 咁行左一陣等開門，放低左小狗之後，我就同阿姨一齊行商場，仲諗住唔知點行到 1 點鐘，on99 兩條友周圍行。

我地一路行一路諗下有 d 咩要買，點知道阿姨忽然諗到好多野要買，買衫喇、買爸爸喇、買臭襪喇、買狗小

食喇、買波衫仔喇......等等，之後我就同佢去 d 鋪頭度買野，仲買到幾廿袋野，拎到我成隻狗仔咁，係不停

咁買野既情況，而又 d 錢係咁 fing 之下，好快就到左 2 點鐘，比原定既時間超出左成粒鐘，初初仲話唔知點可以行到 2 個鐘，到最後仲覺得唔夠時間行喎~!!

2 點半果陣，我就同阿姨去左接小寶寶，我一手拎住幾袋野，一手就之抽住小寶寶，行到大樂樂果陣，阿姨

忽然又話想飲泡沫咖啡，想買杯返屋企飲，我睇睇個錶，見到 d 職員換緊下午茶 d 牌，我就同佢講買一杯

唔抵，不如買個餐加 4 蚊雞咪有咖啡飲囉，之後我地就走左入去買左兩個餐有兩杯野飲，一杯咖啡一杯豆豆

冰，買完之後就要即刻返屋企，阿姨話再唔快 d 走人，留係度會 fing 晒 d 錢，咁我地兩條友就飛到返屋企 High Tea 喇!!

就係咁樣我就做左一日賓賓，d 時間又過左一日喇~!! 如果有錢過埋 d 咁既生活就好了!!