續訓多陣，訓到 2 點鐘起身執返 d 眼耳口鼻去見工，去到見工果陣，見到間公司幾殘下，之後 In 左唔夠 5 分鐘就走了。

到左夜晚突然收到阿姨電話，係電話入面佢喊晒口話收到 d 好可怕既 SMS，我聽完之後就即刻飛的上左去

佢屋企，上到佢屋企之後佢就比左個 SMS 我睇，SMS 內容大概係講 "一走了之、冇勇氣面對....." 之類之類

既說話，而發訊人竟然係姨丈，大家好担心唔知佢有咩事，成晚不停打電話，但係搵極都搵唔到佢，卒之等

到 11 點鐘就去左報警，係差館入面不停落口供，仲攪左一大輪，攪到成 1 點鐘，d 差人就揸架車同我地去

周圍搵，搵到成 3 點幾鐘都搵唔到，大家都好失望咁，佢地之後仲車埋我地返屋企，再叫我地提供多 d 資料，d 差人走左之後我地就on 99 咁繼續等，等到唔知幾時。

唉......點解攪成咁，天啊......咪玩我喇!!

起身，仲用左唔夠 1 個字就飛左出門口，點知落到街之後都仲要等多佢地成 2 個字，總之係咁我就執返好 d

眼耳口鼻啦!! 我個樣不知幾咁樣衰，我都未試過頭髮篷鬆咩都唔執就踢拖落街，好彩佢地唔介意咋。我地之

後去左平價飯堂食飯，一路食一路傾計，當然少不免講下公司 d 衰野，點知到差唔多走果陣，竟然見到個百

佳咸雞蛋小喇叭李路媚同埋新果個電腦人一齊食飯，我地即刻仲不停咁講佢都唔知有咩企圖，成日都一齊食

飯，話唔埋想搏溝做 2 奶，過左一陣之後，佢地又返公司做奴隸了，而我就 on99 咁又係樓下行左一陣，跟住返到屋企訓覺了。

到左 6 點幾果陣，<妹仔 king>又 MSN 比我，仲話 <上等人>好悶想約我地出黎食飯，我之後就即刻執返 d 眼

耳口鼻，然後就去公司樓下等佢地放工一齊食飯，之後我地就成班人<水晶姐姐><蚊二><燒肉><上等人><公仔

妹><妹仔 King>好熱鬧咁行去食飯，我地又去左"和民"食野，一路食一路吹水，仲不停點左幾輪野食，加加

埋埋叫左成廿樣野食，食到個個都飽飽，食完野之後大家就係咁講 d 三級笑話，笑到個個標晒眼淚，<公仔

妹>就笑到肚痛，<燒肉>仲笑到成個人都精神晒，就係咁樣不知不覺咁講到成 10 點半，之後就各自歸家了。而我又傻更更咁行左一陣先返屋企。

就係咁我今日食左好多野，個份量足足夠飽幾日喎，我平時都係一日一餐之嘛，但係今日好開心除左可以見到 d 朋友仔聚舊之外，又可以食到好多好豐富既野食，真美好呀!!

一次電話到，初初我諗住好開心以為有工見，點 Q 知係 d 電話公司打黎介紹 d 優惠比我轉台，攪到我火到黎，係咁 cut 線攪到冇覺好訓。

訓醒果陣見到<妹仔King>搵我 MSN，我就咁樣同佢地 MSN 直到 7 點鐘，佢地放晒工之後，我就落街買飯

盒食，返到屋企就一路食，一路睇電視，今晚係特別 busy 的，除左 10 點要睇 "妙手" 之外，仲要 10 點半

睇 "ER"，攪到我係咁不停按個搖控，直到 11 點半。睇完電視之後，我就繼續同<妹仔King> 玩 MSN，點知

<上等人>係咁問冇人 online，仲問<蚊二>去左邊，我同<妹仔King>就火都黎埋，一齊罵佢仲 cut 鬼埋佢條

線，我最憎人唔專重別人的，我地同佢傾計都仲話冇人online，當我地死架咩，之後我成晚都唔理佢，教訓下佢都好呀!!

就係咁 on99 咁又一晚，又玩電腦玩到通宵達旦，玩到唔知幾點訓，第 2 日又唔知道幾點鐘起身，唉......我都唔知道呢 d 咁既生活幾時先過去的。

中午果陣，<水晶姐姐>打電話比我，叫我起身食 lunch，大家約埋係樓下等，成鵬人咁好有氣勢咁去食

 lunch，大家一見面就係咁吹水，好似成年都冇傾過計咁，邊食邊吹水，吹吹下咁就好快過左過午飯時間

囉。食完飯之後，我就係樓下 on99 咁睇人拑公仔，仲睇左成粒鐘先回家，返到屋企就見佢地係 MSN

online，仲不停咁搵我吹水，大家一直係咁吹，好似唔駛做咁款，之後唔知邊個係咁 add 人，add 到成 8

個人一齊吹水喎，連走左果 d 舊同事都係度一齊玩，我就一次過開左三個窗口同人傾計，一邊同<蚊二>講，

一邊又同<水晶姐姐>講，另一邊又同<Ken Sir>講，隻手忙都唔知點，一時間好似考打字咁快，仲打都手都

軟晒，總之用手寫版好過啦，就係咁樣一直打字同吹水，玩到成 7 點鐘，d 人放晒工先停一停，之後就落街買飯咯......。

到夜晚果陣又一邊咬飯盒，一邊又 MSN，今日剩係 MSN 都 M 到手痛了，有 d 後悔唔用手寫版，之後睇左陣電視，到左 11 點又 M 過，一直 M 到 3 點，就係咁過左一個成日都 MSN 既晚上了。

早上去左九龍灣見工，行左好耐同搵左好耐先到，去到仲要遲左成 15 分鐘，之後就 on99 咁等左成 3 個

字，到我見工果陣個職員問左我好多野，比起之前見左 5 分鐘果個女仔，我就 in 得耐過佢，就係咁樣見到

成 12 點鍾，見完工之後就去左搵<喵喵>食飯，佢仲約左<利奧>一齊，我地三條友就不停食不停講，好快就到

左 2 點咯，之後就各自散 band。下午果陣我又走左去搵阿姨，點知原來佢話唔舒服，叫我同佢睇 e 生，佢

仲話好彩我得閒，如果唔係就唔知邊個陪佢睇 e 生囉。係佢睇 e 生果陣，我就去左街市買餸諗住煮野比佢

食，陪左佢睇完 e 生之後就返左屋企，返到屋企果陣佢就好快咁訓左一陣，而我就好勤力地煮定 d 開胃既餸

比佢食，仲整埋聽朝早既野食比佢，攪好晒所有野之後，我就好安靜咁坐係上網順便陪下佢，就係咁樣一直陪到佢成 11 點鐘。

send 左成 50 幾份 CV 出去，率之有工見喇，唔知幾時可以脫離 "濕熱" 大軍呢!!