起身，但係都唔點解都好鬼死眼訓，日日都"劈"係張床唔願起身，攪到好遲先出門口，返到公司成日都遲到

 2 分鐘，就係咁個個月份糧扣左幾廿皮。

今日<安琪>放假，我就成日走來走去，個死人<幾時釘>好似覺得我好得閒，一見我坐係出面睇雜誌就係咁

追魂 call，一係唔見我係位就搏命週圍搵我，仲要搵我做埋 d 無聊野，無啦啦要我執道具房 d 戲服，執 d

爛鬼衫都唔係問題，我仲可以乘機蛇下，但係佢竟然好人到要我逐件逐件衫掛起，等 d 同事可以方便睇同

拎走，我聽完之後都不知幾想"中"佢，攪到成粒鐘先至執左兩袋，唉.....仲有幾袋等緊我執呀!! 好左執下

執下好快就放工，一到放工時候<燒肉>就提醒我夠鐘，我就極速執晒 d 野就放工，呢間咁既鬼公司留多陣

都想死，仲要對住個變態有病既上司，唔準時走都對唔住自己呀!!

呢 d 咁既走鬼生活，幾時先可以回復正常呢???

去到 PK 諗住睇下尋日買果隻"蓋思佬"仲有冇貨，諗住幫下媽子再入下貨，點知道隻死人野今日冇做特價 ，突然回復正價，我即刻唔鬼買，之後我就同<燒肉>繼續百無了賴行咁行 PK，行下行下去到凍肉

度見到 d 叮叮點心買 3 送 1，我就買左成 8 包咁多，<燒肉>仲講笑咁話我"唔駛買咁多留比佢地星期六食

喎"，行多一陣我地就拎住 d 戰利品週圍行，行到 8 點鐘就各自回家咯!!

返到屋企又如事煮公仔麵食，食完又坐係部腦發呆直到訓覺...... 日日生活好似 d 青山病人咁，爭在未挷手挷腳咋，都唔知道咁既生活叫正常定唔正常，呢 d 咁既生活幾時先可以改變呀!!

今日其實冇咩特別野，阿<幾時釘>冇咩點煩我，我仲好鬼死得閒喎，係公司用 MSN 同成鵬人吹

水，吹吹下變左我同<兩蚊二>、賤婢<吽泥京>一場攪笑既罵戰，閒時仲有<燒肉>加幾句 9 唔搭 8

既說話，我地講講下都不知不覺咁勁笑，唔知我地做緊咩果 d 人似為我地傻傻地，突然係個位度望

住個電腦勁笑，鬼叫賤婢<吽泥京>話星期六唔返學，我同<兩蚊二>夾埋係 MSN 果度勁"中"佢，又

話要鞭屍、滴臘仲要先殺後姦屍，扣鬼晒佢 d 人工分比我地，攪到<燒肉>都睇到話笑到唔識做野，就係咁樣我地幾條茂利玩左成粒鐘，仲好快咁玩到放工，真係快樂不知時日過。

放左工之後，我同<兩蚊二>行左 PK 一陣，因為我諗住睇下隻"蓋思佬"飲品仲有冇貨，睇下幫唔幫

到"芳姐"買，點知道去到新都會間 PK 竟然仲有貨，連我媽子飲果隻"燕麥"味都有喎!! 我就諗都唔諗就買左成 24 盒"燕麥"味同 6 盒原味，仲抬到成隻狗咁。

不過只要媽子喜歡同埋幫到人地，我辛苦 d 都冇咩所謂啦!!

為左陪媽子我連水都唔游，通常我放假就自己一個走去泳池游水，不過自從我唔同屋企人住之後，

我都盡量抽多 d 時間陪媽子，而媽子又担心我一個人住冇咩好野食，咪專登係對面海走過黎見下我囉，呢樣野係我身邊 d 朋友都知，所以 d 朋友冇咩特別野都好少會星期日搵我去街。

下午我同媽子去左阿姨屋企，因為佢剛剛做完手術，我同媽子都好緊張佢，雖然我呢兩日都去左佢

屋企24小時全天候照顧佢，但係媽子始終都好唔放心，點都要我同佢一齊探下佢，之後我地三個人吹下水問候下，不知不覺咁傾到 6 點鐘，我就同媽子去食飯。

食完飯仲行左一陣，行到波鞋鋪果陣，我見到媽子想買鞋，咁我咪"的"佢入去睇，點知比我發現到一

對 $299 既 nike，個款仲好鬼死 in，我咪即刻叫個 sales 攞個碼比我媽子試囉，一試之下覺得又正

又抵，之後我就動用我 d 後備基金買左對鞋比媽子，而媽子就買左 d 朱古力比我，佢知道我鐘意食，又知道我唔敢亂駛錢，所以就買左幾盒比我慢慢食。

雖然動用我 d 後備基金(其實係我積埋幾廿年 d 利是錢，因為我有個習慣將 d 利是收埋，等冇錢用

而又唔想問屋企人攞先至用，所以又叫做救命錢)買左對鞋比媽子，見到佢好開心，最多我食少 d 儲返埋都覺得值得!!

但係唔知道點解今個星期六覺得過好慢吞吞，成日要睇住個手錶幾點鐘，睇極都未到放工時間，簡直睇到錶都爛咁滯。  好快咁係公司遊多兩遊就遊到放工，亦都好彩既就係個死人<皺皮-幾

時釘>冇咩特別野要我做，梗係啦要做既緊急野我都做好晒囉，所以好準時兩點鐘放工，返左工咁耐以黎<皺皮-幾時釘>都未試過咁順攤，其實諗下諗下都唔知道有冇蕉皮預備比我???

放左工之後，我同埋<妹仔king><未訓醒><水晶姐姐><燒肉>一行五個去買外賣返屋企，返到屋企見

到<變種肥狗>不負我所望攪到間房好似屎坑咁，而我又執到隻狗咁，之後梗順便執好晒 d 枱準備砌

四方城牆，開始果陣都輕鬆，只係<燒肉>成日有糊到唔識食，玩到走果陣佢輸左幾蚊雞(佢自己話咋) ，後來<水晶姐姐><燒肉>走左，得返我同埋<妹仔king><未訓醒>三個人繼續砌石仔，不知不覺

咁砌到成點鐘，佢兩個雙生兒成晚係咁望住我 d 銀兩，仲係咁食我要我出沖，不過好彩最後我都冇比佢地奸計得逞，割返佢地 d 椰青，執返百零蚊 。 贏左 d 銀兩都夠我供手提同幾日生活費， 哈哈......  

真好運呀，呢幾日仲有 d $$ 食下飯，仲可以window shopping 下喎!!! 好耐都未試過咁開心咯，識左

呢班妹好仔之後就成日好多野玩，好多野吹水，由其是對公司嚴重不滿， d 話題簡直多到幾年都講

唔晒 !!