好唔容易磨到 5 點幾，我一早就過左去接媽媽放工，點知係我去到媽媽公司前幾呎，忽然間隻鞋爛左，攪到

我好 "瘀" 咁即刻買 AA 膠整返對鞋，之後就同媽媽出左去 Causeway Bay 食飯，媽媽仲叫左大佬同哎也阿

嫂去一齊高興下，點知我地幾條茂利企左係條街度幾個字，大家都諗唔到食 d 咩，我多口咁講左句，食咩都

好但係要打包 d 美食比阿姨喎，佢地就諗都唔諗成村人搭車去左葵芳，諗住叫埋阿姨一齊食飯，唔駛外賣咁

麻煩喎，一齊高高興興咁食飯，但係我心諗玩野咩，專登搭左幾十蚊車過去香港果邊食飯，點知最後要去返葵芳食飯，總之唔搭喇!!!

到左 7 點鐘左右，我地係諗唔到既情況之下，去左和民食野，大家食左好多野，有講有笑仲好開心喎，我好

耐都未試過咁開心的，食到大約 9 點幾，我就叫 d 侍應拎個蛋糕比媽媽子切，之後食到 10 點鐘，大家仲行

左一陣商場，到左 10 點半到媽媽就回家了。我同阿姨去左大攞友陪姨丈送貨，點知上到去見到<蠔屎>同埋

 d 朋友一齊，仲嬲我打麻雀，咁我就冇同阿姨返屋企，等<蠔屎>約好晒 d 人就返我屋企打牌，就係咁打到朝早 7 點，仲要食埋早餐。

就係咁樣我過左一個好開心，又好攪笑既一日，真係快樂不知時日過，有野攪 d 時間過得特別快的，唔知道幾時可以過左呢 d 咁既悶悶的日子呢!!!

姐姐>打電話比我叫我去食飯，但係我唔係好舒服又好眼訓之下拒絕左佢了，跟住再聽完幾個電話，之後又繼續訓過直到 2 點。

下午果陣因為我要出旺角攪 d 野，所以訓到 2 點鐘就起身刷牙梳洗，用左唔夠半個鐘到就出左門口，出到

旺角果陣覺得有 d 唔係好舒服，見到好多人行來行去，仲有 d 怕怕，唔知道係咪好耐冇出街關係，覺得周

身唔自然，自從一年前因為某 d 原因唔想再踏足旺角之後，已經好耐都未去過旺角了。我率之用左 1 個鐘到就攪好晒 d 野，之後就雞咁腳閃人，即刻返去屋企抖下。

就係咁我就用左一日既時間，唔知係咪好耐冇出過咁多人既地方，所以感覺唔係好舒服，仲好想快 d 返屋

企，好怕見到咁多人，平時係樓下見到好多人，我都唔想出街的，死喇......唔知係咪屈係屋企好耐， d 老無病又發作呢!! 咁點算好呢!!

下午果陣我先去左樓下幫人交電費，之後再去左荃灣交住宿費，交晒所有野之後就 on99 咁行左荃灣一陣，一路行一路唔知做咩好，仲坐左係路邊煲煙，就係咁 on99 左一日喇。

今日冇咩野發生，剩係 on99 咁一舊雲，所以冇咩野寫了......。

飯飯，因為我上星期答應過同佢，佢就黎生日請佢食 d 好野同買野比佢，所以就要陪佢行街食飯，想推左佢都唔得。

下午果陣我又飄下飄下咁同媽子行街，仲買左好多野送比佢，原本早幾日屈左<牛奶仔>一千蚊都駛左一大半咯，但用係媽子身上都開心既，反正 d 錢又唔係我的，哈哈......!!

到左夜晚我就約埋阿姨同媽子一齊食飯順道慶祝生日，食到 8 點鐘就齊齊返屋企了，見到媽子同阿姨都好開

心，我就覺得今日洗晒 d 錢都值得的，就係咁成千蚊就倒水咁倒，用晒買野食飯喇，自己就咩都冇買，仲剩

返幾廿蚊看門口。生日都預左要洗錢，但係今次好彩有人幫補下，唔駛咁肉赤，而且我無喇喇比我搵到人支援，所以就同佢地一齊分享。

因為我既關係所以遲左參唔多成 2 個鐘先到燒炭場，去到燒炭場又無喇喇落大雨，落到成個人濕 Q 晒，之

後等左 15 分鐘到就入席去燒炭，唔知都係咪 d 人極度肚餓既關係，所以一開始就拮晒 d 腸仔燒，仲一次過

幾廿枝叉擺晒去炭爐度一齊燒，係咁樣大家就燒左 2 個鐘到，燒到夜晚到<上等人>就手痕想游乾水，我地個

個就好齊心咁話佢，其實見到 d 人係度打牌，一早就不知幾想打，星期六係都要打牌先安樂，講完之後<上

等人>就好快咁飛到去租麻雀，唔駛 5 分鐘攪好晒所有野，所有人準備劏水魚果陣，<上等人>就提意打 3 番

起胡，我地個個冇反對之下就開始玩，玩玩下其間大家都好認真的，之後打到 1 個鐘到，就開始打牙較戰，

仲笑到<水晶姐姐><公仔妹><妹仔 King>唔識燒野食咁滯，就係咁打到成 11 點，其間我地仲叫<妹仔 King><公

仔妹>燒野比我地食，<上等人>仲好唔客氣咁叫佢兩個買埋糖水，不過係佢比錢請，我就叫<上等人>比多 10

蚊雞比兩位妹仔，當係貼士都啦，點知佢就諗都唔諗比左錢佢地兩個買糖水，仲話唔駛找喎~!! 就係咁我地

玩到 11 點半，而我又係今次成為游水比賽既第一，唔知係咪心情煩惱個人飄下飄下，係佢地身上攞返 d 安

慰呢!! 之後齊齊搭火箭咁快既小巴，搭車果陣我就同<公仔妹>不停咁講三級笑話，仲笑到佢地唔識講野，係

笑唔停既情況之下，架火箭咁快既小巴不知不覺用左唔駛 3 個字就出左荃灣，我地個個沿途都好似坐過山車咁樣，之後我地就係咁樣各自回家了。

就係咁我過左個心情低迷但又好開心既一日，唔知幾時又可以有 d 咁玩下，起碼個人放鬆左 d 唔駛自自閉閉咁係屋企 "吽" 到發毛，時間都充實左好多，心情又唔駛咁孤伶伶咁。