個死 PK 人渣<幾時釘>係我放工前 2 分鐘同我講要我今日留係公司，睇住 d 冷氣佬洗冷氣，直到等佢地做完

野順便鎖門，大約要留到 6 點鐘，我聽完即刻火都黎埋仲同佢駁火，係咁鏟佢唔早 d 通知，明知 d 野一早

知重要係佢安排，都冇同我講過半句，佢要我即刻留係公司，我一定有時間留，我冇朋友既我唔駛休息下

既，我仲死都唔肯留係公司，駁到佢發悔氣而我就一支箭咁標出門口，離開公司果陣我仲係咁 xyz......，係

大門口再見到佢個人渣 PK 果陣，我係咁小媽拆蟹仲比埋個國際手勢比佢， d 同事見到都呆晒，仲個個冇聲出，好彩之後 d 同事安撫下我，仲叫我唔好咁癆氣，打返場雀局輕鬆一下。

食完飯返到屋企就急不及待咁開始游乾水，今次係<蚊二><賤婢><自大狂>三個雀精，率之齊晒人可以游耐 d，

唔駛次次游得一陣得返三條友，同場仲有<水晶姐姐>負責觀戰，而且個個樣就好鬼死 "侯琴"，由其個<自大

狂>驚死輸唔切咁，初初游果陣我都冇咩上落，純粹做下佈景板，點鬼知游游下就開始淪陷，冇左好多錢

呀，之後咪努力努力咁再游過 R 返 d 銀兩，過左一陣好彩 R 返 d 銀兩，突然間<自大狂>話想叫 tea 食順便

有野飲，因為我之前話唔記得買野飲，所以屋企冇野飲，但係我地個個都好一致咁話冇錢，<自大狂>就同我

地講佢請，之後<水晶>仲好快咁打電話叫外賣，過左冇幾耐 d 外賣送到黎，我地齊齊係咁一路游一路食，之

後就繼續游，游到咁上下我同<蚊二><賤婢>發覺到<自大狂>成日整跌 d 牌，攪到好似出術咁，我地仲成日都

笑鬼佢，率之游到 9 點幾<自大狂>話唔游，我地三條就捉住佢要佢游多半個鐘，點知佢都肯游，証明佢都係

爛賭鬼一個，唉......到最後果局<蚊二>整左個杰野比我嘆，要我包晒果局，原本唔駛輸追返晒果 d 錢，都要倒貼比佢，輸左廿幾蚊呀......真慘!!!

係呢間公司做個個星期六都充實，如果唔係有個死 PK 人渣<幾時釘>係度，我諗呢 d 日子過得好耐，我個人無論心情同工作都開心 d，唔知道呢 d 生活可以維持幾耐。

下午果陣我去左後欄度執野，順便執 d 好樣既衫比阿姨，點知道個死人<幾時釘>係咁叫我唔好執，仲話要執

都要留返 6 點後先執，跟住我就把幾火同佢講，下星期二要裝修今日已經星期五，日日得一個鐘頭執野，我

得一對手點執得晒呀，之後佢就冇出聲咁走左，而我就繼續執野，執到 4 點幾我就"鼠"左入 PPR 間房果道

蛇下順便整返支提神野醒下，蛇完一陣又繼續執野，放工前<水晶>同<自大狂>入黎睇我執成點，佢地仲好順

手咁執左幾件道具走喎，不過我都唔輸蝕，執左兩勁大袋既衫， 就係咁我就執野到放工，咁又好快過左返工時間囉。

放左工之後我就拎住兩大袋衫去左阿姨度，但係因為冇手同太大雨，率之淋到成隻野咁，上到屋企果陣已經

成身濕晒，冇幾耐抖左一陣，之後仲煮埋飯比阿姨食，食完飯之後就 on99 咁等埋姨丈返黎，等到 11 點到率之等齊人返晒屋企，阿姨佢地就兩個人就不停咁試下 d 衫，試左一輪就不知不覺咁要左成大袋衫。

見到佢地兩個人一齊試衫果陣，我個心就不知幾開心，我終於見到佢地兩個又冇事喇，我呢幾晚既担心同辛苦都值得，總之我見到身邊既人開心我就會開心。

好快咁到左中午食飯時間，我今日要趁食飯時間去中環 interview，果間公司係 d 大名頂頂既模特兒公司，

個名好多人都知，一問人間公司係邊 d 人都答到我，我滿心緊張咁上去見工，上到去 d 人好 nice，有 d 仲

識得我，我之所以黎見工係因為我媽子識得果道 d 職員，佢順便幫我搭路搵工，因為佢話見到我好似做得好

辛苦，同埋知道我個<幾時釘>衰格攪到我受左好多委屈，所以係佢 d 茶客收下風搵份好 d 既工。我去到間

公司用左半個鐘 interview，好快咁問我 d 問題同講左幾句，可能係食飯時間 in 得比較急，不過之後仲約定 second in 呀!!

用左唔夠 15 分鐘就飛到返公司，返到公司個肚仲咕咕聲，因為太趕時間冇食到飯，而個<幾時釘>都冇問我

任何野，好平靜咁繼續做野，到左 4 點幾果陣率之頂唔順叫返個 tea 食，仲要順手整多支事後煙喎，之後個

 PK <幾時釘>就話我成日唔係個位度，叫我一定要坐係位唔好成日走圍行，我就跟住串佢同佢講咁即係同事

叫我，我都唔去幫手啦，之後佢就冇野同我講，過左冇幾耐依舊係公司游下游下，我話之佢再罵我，我都費時理佢，好快咁游到放工。

唉......呢 d 咁既日子，同坐監冇咩分別，佢仲煩過我屋企人，如果我可以殺一個人而唔駛坐監，我一定會第一個就殺 Q 左佢做福人群，供獻下社會，仲要拎佢遊街示眾比人洩忿。

雖然尋晚陪左佢成晚，大家心情都好 d, 但係係我心目中，我始終都好担心，事情一日未解決，一日都唔安

樂，我知道問題唔係我可以控，又或者唔係我可以理到，但係我真係唔想事情發生，又或者唔想要到頭來會

後悔，因為我從來都唔鐘意做埋 d 令自己後悔既野，我亦都唔係好想見到身邊 d 人唔開心，雖然我自己都

為左層樓好煩，但係我 d 問題都係小問題，個個月都係咁仲可以解決得到，最多辛苦 d 者，之於感情問題

就好難，唔好話人地連自己都好難解決，好左我冇拍拖冇呢 d 煩惱，就係因此人地呢 d 事情令到我好煩

惱，返到公司都冇咩心機做野，是是但但咁清晒 d 野就算，係公司又好平靜咁，冇咩特別野要做，而個惡毒上司又冇咩煩我，叫做好安靜咁過左個辦公時間。

唉......如果有一日有個神仙比三個願望我，其中一個我一定會希望我最關心最緊張既人身體健康，會同佢既另一半白頭皆老。

野比較悶，同埋有 d 深奧，又或者都唔知道自己寫咩，因為我為了別人而煩惱，而這個別人是我最關心最緊

張的人，而這個人對我影響極深。

其實係我心目中人與人相處之間，除左互相扶持之外，最緊要既係誠信，如果彼此之間互相講大話，欺騙對

方，大家相對又有何意思，善意既大話係可以原諒，但係三番四次都係講埋同一個善意既大話，其實已經再

冇意思，點解人要講大話，係逗人歡喜定係掩飾自己既錯。一個人既誠信如果有問題，等於催毀自己既形

象，無論形象有幾好都需要用好多時間再次建立起來，仲要令身邊既人去再次信任返自己，由其身邊最重要

既人，因為被欺騙的人，心靈承受了重大既創傷，根本冇法子可以一時間接受。

講大話既人已經夠辛苦，日日都要諗點樣對人講大話，而被欺騙的人就更痛苦，點解大家要咁辛苦，究竟為

咩要攪到咁樣，坦坦白白相處，有問題一齊解決，其實大家過得咪仲好，總好過有問題發生既時候，果一種

無法形容既欺騙同打擊，簡直苦不堪言，人係咪要係咪真係需要咁做，又或者講大話係生活一部份。

人係咪真係要去到無法彌補，甚至一生後悔既時候，先至會識得坦白同成長。