意既粥比佢食，係又食又講既情況下，我地就飲到成 4 點鐘，之後送阿姨搭車，因為佢話食飽左眼訓好累，

唔同我地去行街，下次先同我地去街街，仲叫我地諗定下星期去邊度行，就係咁我同媽媽就送阿姨搭車，送完之後我地就去左青衣行街。

我同媽媽好快就到左青衣城，因為我係地鐵睇到個廣告，話青衣城有個"手信街"，入面有 d 六十至八十年代

既野睇，所以我就同媽媽去行下，媽媽一去到就係咁睇係咁買，買左好多零食，之後我又同媽媽去睇 d 懷舊

展覽，見到 d 細個果陣玩果 d 玩具，仲問佢細個果陣玩 d 野咁得意，之後媽媽就係咁講返佢細個果陣點玩

果 d 玩具，又講我細個果陣玩埋 d 咩玩具，就係咁我同媽媽行左成 3 個鐘，之後就係 M 記 cafe 食 d 野抖下，我地仲分下 d 收穫，我同媽媽就講下野食下野咁，到左 8 點鐘，我就同媽媽回家了。

今日我同媽媽阿姨一齊食飯吹水，但係我都覺得好開心，因為佢地成都講我 d 小時侯比我知，而且我地三個

人感情好好，好到成日都三人行，一有時間媽媽就一定搵埋阿姨出街，阿姨又係會搵媽媽行街，一見到 d 精

品就會買比對方，所以親情可貴，冇野可以影響的，我成年冇拖拍同佢地一齊我都覺得好開心的，日子都過得好好。

去檢查 d 單位，話比我知要睇 d 咩野，就係咁睇到成 12 點幾，返到公司飲下水就等放工，時間就係咁好快到左 1 點鐘。

放左工果陣，我就打電話比<水晶姐姐>吹下水，睇下佢地有冇聚會，同佢講左陣電話之後，<燒肉>就打電話

比我叫我去食飯，我之前仲同<水晶姐姐>講冇人搵我聚會，點知過左 一陣就有人搵我食飯，之後我同<燒肉>

<蚊二><上等人><妹仔>一齊食飯吹水，食完飯之後我就提意上我屋企打牌，去到我屋企佢地就趁我執抬果陣

睇下小喵，我就 set 好架步等佢地埋位，就係咁我地玩到成 10 點，不過今次我就成為大輸家，雖然<燒肉>

都輸左幾十蚊，但係我仲輸得多過佢，簡直慘絕人寰，玩完之後我就同佢地落街順便買波，點知<上等人>

又話買，今次我同<蚊二>都醒目，睇下佢買咩先，我地就唔買又或者買岩果場就買對家，包唔會搭沉船，買完之後佢地就回家了，而我就送<蚊二>回家順便搵下 d 朋友。

送完<蚊二>之後去左 7 仔 hair 下，同 d 朋友吹下水，但唔知點解今日特別多煩人煩住晒，攪到我要專登坐

係<菜菜子>身邊唔比人煩，吹到 1 點到，突然有個人出現，而且把聲仲好熟，我回頭一望就見到......唉，佢見

到我之後扮晒野入左 7 仔，過左 1 分鐘出返黎，d 人就問佢做咩咁早走唔吹下水先，點知佢話 7 仔冇雪糕賣

都係返屋企，我都唔明事隔一年，佢都仲係咁既態度，係佢小氣定係冇面對住我，我都唔知點解世界上有咁既人可以咁冇量度。

今日成日都做 paper work，做到我都唔知食飯，同事叫我先知到左食飯時間，所以我返到公司做野都冇咩

時間觀念，可能之前間公司成日做野做到死，習慣左唔睇時間，因為 d 文件成日都話趕的，但係係呢間公司

就成日有同事提我食飯放工，d 時間仲好準時，而且係呢間公司 d 時間又過得快，可能放 5 點早過之前，所

以唔經唔覺我就返左 5 日工，仲覺得好輕鬆，d 同事平時做到咁上下就吹下水，放鬆下心情，我就覺得係公司做野好輕唔會有大壓力，人都醒神同做野唔會緊張，就係咁我就做到放工回家了。

我都未試過間公司做得咁輕鬆，老闆又唔鍾意比壓力 d 員工，仲對 d 員工好好，又唔會要 d 員工做到超

時，所以係度做野 d 同事都好有心機，又好團結，有 d 咩都一齊解決，我諗我可以係呢間公司做得好耐，唔會好似以前咁成日都做唔得耐。

今日一朝早又出左去中環送文件，送到 11 點返到公司，係公司做左一陣野，之後又放食飯，食完飯到左 3

點幾果陣，我又出左去灣仔送文件，一去到攪左一大輪野，攪到成 5 點鐘返公司，一返到公司就放工，真好了咁樣又過左一日喇~~!!

係呢間公司真好，我依家剩係送下文件，因為 d 野未上手，上司唔敢放 d 野比我做，而且又可以即日拎返車錢，唔似以前要好耐先可以拎返 d 錢，所以日子都幾遊下架~~!!

今日係公司都送下文件整下 file，無聊果陣就執下張抬，因為張抬實在太大同埋好空，所以都唔知放 d 咩野

好，d 同事仲比左盒新既紙巾同一包新既透明 file 比我用，仲話 d 野係公司比的，用完可以再拎，唔駛怕

唔好意思，過左一陣 11 點幾，我又出左街送文件，仲食埋飯先返公司，下午返到公司又做下野，好快咁過左一日喇，時間到左放工果陣，我就 5 點 3 到就走左返屋企了。

日日都係送下文件，d 時間過得特別快，而且公司 d 野又好容易做，我成日都做慢 d 野拖到放工，一放工 d

同事又叫我走，佢地仲話 d 同事通常最遲都係 6 點鐘就走晒，所以叫我唔駛留係公司咁耐，d 野可以留返第

日先做，就係咁我日日都好準時放工，而且放左工 d 時間仲多過以前，可以周圍行下街，睇返場戲都仲夠時間，食埋飯都得喎~~!!