率之攪左成個上午，先至攪掂晒所有野，我將我個位 d 野全部搬晒新既位度，仲放得好整齊，將 d 公仔左

放右放，放到好企理先肯收手，之後仲發覺公司冇人識整電腦，我原本係公司都幾受歡迎，過左一陣就食 lunch 咯，食完飯之後，我又繼續我既工作，直到放工。

上到阿姨屋企，我就送左個蛋糕比佢，我專登係東海堂買左個鋼琴蛋糕，因為佢個名有個琴字，所以我買左

呢個蛋糕比佢，佢見到個蛋糕好開心，仲係咁多謝我，之後我就同媽媽阿姨係咁拎住個蛋糕影相，玩左成個

鐘先至去左食飯，去到葵涌廣場之後，我地三個人行左一陣，阿姨仲買左好多衫，買左一大堆野之後，我地

就去左食飯，我地今次又左和民食飯，仲不知不覺食左 2 個鐘，食完飯之後，我就送左媽媽搭車，之後就陪

埋阿姨返屋企，返到佢屋企就幫佢 set 電話鈴聲，仲順便幫佢整下部電腦，就係咁一攪就攪到成 2 點幾先返屋企，返到屋企都累都嘔茄，仲用左唔夠 3 個字沖完涼訓左覺。

今日就係咁買左個蛋糕同食左餐飯，洗左我成 500 蚊喇，不過我都洗得好開心，難得一年一度生日嘛，梗

係洗得豪 d 喇，仲要果個係我至親既人，所以冇計喇，我都預左請佢食餐好既，最緊要大家 happy 嘛。

好快就到左放工，一放左工我就仆到咁返屋企 hair 下，過左一陣間，<水晶姐姐>打電話搵我，話冇咩做想黎

我屋企坐，收左線冇幾耐佢就上左黎我屋企，之後我地仲吹下水，玩下貓貓狗狗，好快就玩到成 6 點鐘，之

後<水晶姐姐>就因為要交人，所以就走左咯，而我就有理冇理就訓返陣，點知訓醒果陣都成 11 點囉，攪到下午買左盒飯都唔記得左食，之後就食返盒冷飯，沖下涼上下網，就係咁吽到成 3 點先訓返覺囉~~!!

今日就放假一日喇，我日日都寫咁多野，你地又睇左咁多，實有一日半日唔知寫咩架嘛，我點會日日都有咁

多野寫喎，寫都寫到手軟喇，罰我打字咩，算喇~~原諒我一次喇，睇住咁多先，第 2 日寫返多 d 喇，咪咁

鬼衰啦，早 d 訓咪仲好，隻眼唔洗咁大個眼袋，又唔會變熊貓架，為你地好咋，算吧喇~~快 d 好去訓覺啦。聽朝唔知醒返工呀 ......

返到公司個人呆下呆下咁，之後就係咁做野，做到都唔知幾點，剩係知道 d 時間過得好慢，睇極手錶都仲未

等到放工，所以我就周圍走下，諗住可以止下眼訓，就係咁好唔容易等到放工，一放工之後我就即刻碌返屋

企，一返到屋企就當然執下野食下飯，食完飯之後就好鬼眼訓，係梳化度恰左一陣，一恰就恰到 9 點幾，一

起身就即刻沖涼洗頭，攪掂晒所有野之後就上網玩電腦，玩左一陣到就又好鬼眼訓，之後就死去訓覺喇，就

係咁樣過左一日周身病痛既一日，都唔知點解去完旅行之後，成個人好似散晒咁，冇晒 mood 做任何野，真係賤命~~!!