放左工之後我地成班人就個個拖住個喼行去搭車，因為時間關係公司早就 book 左架旅遊車車我地去機場，

去到機場我地就等 check in，攪好晒所有野之後，我地有一個鐘頭可以行下機場，我就好心急咁係個機場週

圍走，話晒都第一次去新機場，見到好多野，仲係咁影相，玩左一個鐘到就上機了，上到機就 on99 咁坐係

個位度，係三個鐘頭既航程入面，我就係度睇電視，仲睇到落機，之後就搭車返酒店，返到酒店都成 12

點，放低晒 d 行李之後就去左食宵夜，食完野之後就行返酒店休息，就係咁樣攪到成 2 點鐘，沖完涼訓覺果陣仲差不多 3 點了。

訓醒之後就開始第 2 日既行程咯~~!!

放左工之後我就去左 causewaybay 搵媽媽，諗住同佢食下飯行下街，行左一陣去左睇 DC，因為媽媽話買部

DC 比我，知我冇相機去旅行，所以佢就同我去睇機，我之後話比佢知，我上網 bid 左部 DC 可以唔駛買，

但係媽媽話睇下先，睇左唔一定要買，就係咁我地去左陣睇機，睇睇下見到一部 DC 幾好樣，我仲同媽媽試

機，之後媽媽都鍾意部 DC，仲話買比我，我就話我都有一部 DC 囉，媽媽就話我部舊野留返比哥哥用，佢

用壞左唔駛咁赤喎，或者部舊野留返看門口，經過一輪商討後，最後我地都買左部新 DC，而且媽媽仲話比

我去旅行用，就係咁我有部新既而又屬於我既 DC 喇，我好開心咁拎住部機繼續行街街，行到 8 黠食埋飯就返左屋企了。

返到屋企之後，我就即刻叉電，仲係咁玩部機，玩左一陣就執定 d 行李等聽日去旅行，仲攪定埋 d 糧餉比阿仔阿囡呢幾日食，就係咁攪下攪下就攪到成 12 點，之後就沖涼訓覺咯~~!!

今日係公司都係冇所事事，遊下遊下又放工，放左工之後我又忙左去交收，因為之前我上網 bid 左部 DC，

等左幾日冇回應，媽媽知道我去旅行，但係之前比哥哥整壞左部 DC，媽媽仲諗住同我聽日出去買部新機，

點知個賣家又覆我交收，所以我放左工就出左佐敦，一見到個賣家拎部 DC 出黎，我就好開心咁 check 下，

check 完之後仲同佢吹左陣水，之後比錢果陣我就同佢講價，原本佢係電話度都講諗住平比我，但係我話部

DC 得機同火牛唔包其他配備，叫佢再平 d 比我，我地講左一陣佢就平左好多賣比我，率之原本上網 bid 左

$350，依家成交價就 $250，我諗返起都覺得抵，之後我又去左尖沙咀交收，因為我之前同個賣家講未拎

DC，唔知會唔會要條 memory stick，所以我交收左部 DC 之後就約左佢拎條 stick，又係經我一輪講價之

後，原本 bid 左 $130，成交價 $100，一條 128 MB 既 memory stick 又平左市價一半，結果成部 DC 連

memory stick 比起拍賣價平左成 $130，原來我都有講價既天份，真係我都未試過，可以買到咁平既 DC，完全岩我慳錢定義。

交收完之後我就返左屋企，返到屋企又忙執屎，又忙住等人送返 d 衫比我，因為尋日我叫人拎左 d 衫去

洗，今日會送返屋企，所以我交收完就即刻仆返屋企，攪好晒 d 野之後，我就試下部 DC，不停咁影下相，望住部 DC 都覺得好有成功感，我諗係我拍賣戰績黎講，呢次係講價講得好滿意呀~~!!

今日係公司度都係做 paper work，冇野做果陣仲行黎行去扮繁忙，就係咁又到左放工喇，放左工之後就返

左屋企，服侍完 d 仔囡之後，我就上網打麻雀，我尋晚贏左成 7 千幾蚊，諗住今日可以返搵多少去升級，

點 Q 知唔夠一個鐘輸晒，之後我就把幾火睇報紙食蛋糕，仲將 d 蛋糕分比阿囡食，我一路食小喵仔仔就一

路 R 我隻腳，仲 R 到我流晒血，我初初以為仔仔知道我地食野想食埋一份，我就好順手 meet 左 d 蛋糕比

佢，點知道仔仔唔食，仲拎左粒蛋糕周圍玩，玩到比妹妹搶左黎食，之後我就再比多粒蛋糕比仔仔，仔仔又

再次拎左去玩，如是者比左好多粒蛋糕，但係仔仔都依然攞左去玩，妹妹都依然照搶，就係咁我就睇住佢兩

隻不停咁玩，玩都 meet 晒個蛋糕，就係咁我個晚餐就冇左，仲要走入廚房叮點心食，食飽左之後我就執下屋，沖個靚涼訓覺咯......!!

叫外賣，原本諗住老闆出左街，我地可以偷下雞係公司食野，點知道老闆 1 點鐘返左黎，攪到我地要蛇去倉庫度食 lunch，仲食到好狼狽。

到左下午之後，d 時間過得好快，不知不覺又放工了，放左工之後我就去左阿姨度整電腦，好彩今日部腦又

好聽話，好快就整好，同埋冇死機，唔會好似之前咁，成日不停 format 重新安裝，攪好晒 d 野之後，我就

坐左一陣就返屋企，返到屋企都成 12 點，照顧完 d 仔囡之後，我就打左陣機，冇幾耐就訓覺了。就係咁又過左我既一日生活了。