今朝去左 second interview，果個女人仲話叫我下午等通知，點知唔夠一個鐘就通知我星期一返工，真係好

喇......終於有工返，之後就同<水晶><燒肉>食 Lunch，仲話比佢地知我搵到工了，同佢地食飯吹水，之後就返

左屋企，今日下午原本約左一份工都唔見，上午果份工都請左我，所以下午留係屋企抖下，順便整下媽媽部 MP3，因為答應左佢夜晚比部機佢。

到左夜晚就返娘家食飯，大家都係食飯吹水，就係咁食到 10 點咯，之後我就拎 d 外賣比阿姨食，因為我地食飯果陣食剩左 d 餸，所以包起左 d 餸比阿姨分享，上到阿姨屋企就坐左一陣，之後返屋企咯!!

就係咁一日既時間就過左了，唔知道哥哥有咩生日願望呢!!

7 點鐘果陣，阿姨打電話比我叫我上去佢屋企食飯，仲話叫左個我識左好耐，但又好耐冇見既人上黎食飯，

叫我即刻上去佢度，我聽完電話就用左 9 秒 9 時間上左佢屋企，一上到去就見到前度舅母係度，我即刻嚇

左一跳，之後大家就一路係咁吹水，一路等姨丈返黎食飯，因為太耐冇見關係，大家 d 話題好似講極都講唔

完，到左食完飯之後，我就提議打一陣麻雀，大家冇反對之下，就一齊打牌，一直玩到 3 點鐘，我就同表弟送前度舅母返屋企，仲發覺佢住得好近我同阿姨屋企，仲可以成日見面，之後我地就搭車回家了。

雖然飯聚時間小，但係見到好耐冇見既前度舅母後，大家就好似冇咩隔膜，所以緣份既野，真係好奇妙，就算分開左幾耐，緣份未盡都可以見返面架~~!!

見工，我好彩早左成半個鐘去到，由 test 至見面用左兩個半鐘頭，見完都成 11 點半，如果我 9 點半去見，

我諗見完都 12 點喇，原本約左第 2 份工 11 點 45分係荔枝角見工，得返 3 個字時間去見工，根本唔夠時

間，之後我改左下午見工，係多左時間之下，我就食下野行下黃金商場，行下行下就行到 1 點 45 分，之後

我就搭車去見第 2 份工，用左 30 分鐘 interview，之後就行路長沙灣繼續又見工，第 3 份工約左 4 點鐘，

去到又用左 3 個字到 interview，見完又再見第 4 份工，第 4 份工約左 5 點，好彩地點係附近，所以唔係行

得好遠，就係咁成日不停去見工，見完工到左 6 點鐘，又要出太子站交收部 mp3，我之前上網拍賣用左三百蚊投左返黎，好鬼死抵有 256 mb 的，攪好晒所有野就返去葵芳了。

返到葵芳成 7 點，今日又約左<燒肉><水晶姐姐><上等人>食飯順便睇小喵，點解唔係話順便探我既!! 隻小

喵近期做左紅星，成日都有人話探佢，但係冇人話黎探我，唉......人情冷暖.....嗚嗚~~!! 食完飯之後我地就一

齊返屋企睇小喵，佢地見到小喵個個都愛不惜手，仲係咁同小喵影相，佢地個個係咁同小喵玩，可憐妹妹就冇人理，一直玩到 9 點半，之後就各自回家了。

就係咁一日既時間用完了，希望 d 工有好消息喇，小喵會比 d Luck 我喇~~!!

似做左接線生咁，見工 booking 都 book 左成兩日，大大話話都有成 7、8 份工要見，一係唔成日發市，一發市就不停要 interview，真係古怪!!

不過之後我都吽係屋企，係冇野做既情況下，我就打掃屋企，上吓網搵人MSN 又或者訓下覺，成日都冇出過街，就係咁過左一日喇 ~~!!

好多古古力比我，之後順便返左我屋企睇下小喵，佢見到小喵話佢個頭好攪笑，因為小喵個頭賀個圓圈，睇左一陣之後我又同佢落樓下食野，過左一陣我就送左佢搭車了。

到左夜晚，我係度上網果陣，發覺小喵係個盒爬左出黎，唔知道係咪佢食返野之後有力，所以佢跳到出黎，

我就諗左好耐，仲反轉成間屋搵 d 高身既盒比佢，之後搵左個機箱盒比佢，點知掉佢落去果陣，佢就鬼殺咁

嘈，唔知道係咪覺得個箱太高同黑，係嘈到頂佢順既情況下，我就再搵過盒比佢，率之搵到個裝衫既膠盒比

佢，仲有埋個面遮住上面，我仲放左筒碟上去，留返條 gap 唔比佢跳出黎，就係咁佢就靜晒，過左一陣間

<石黑龍女>同我玩 MSN，佢裝左新版既 MSN 7.5，多左個語音服務，佢就用咪同我講野，我就打字比佢，

但係佢係都要我裝個咪同佢玩，玩左一陣之後，我醒起<上等人>之前比左個咪比我，但係我唔知擺左去邊，

率之又反轉間屋搵，用左 15 分鐘時間搵到個咪，搵到個咪但唔見左個盤，我又再去摷下垃圾桶，睇下有冇

掉左，因為之前搵箱果陣仲見到的，果然真係係個垃圾桶度搵返，之後我就裝左個咪，仲將個咪吊起，攪到成個 DJ 咁，就係咁同<石黑龍女>一直玩語音 MSN，以後玩 MSN 都唔駛打字喇~!!

就係咁成晚既時間用晒，服侍完 d 仔女，同人玩 MSN，咁就過左一日了。