點鬼知放工果陣先知個死人手提又比個網絡商停左，攪到我又走去 3 豬台開返個電話，一去就糾纏

左我好耐，講到我火都黎埋，明明講好左唔會再同一個原因停機，點 Q 知佢地又係咁停我機，一講

講左我成個鐘，到最後唔係我話唔開返個電話一個先都唔比，佢地都唔會開放個電話比我，仲想同我繼續糾纏。

之後我就即刻返左屋企，準備定 d 糧餉比隻<變種肥狗-妹妹>，因為我夜晚唔會返屋企訓，所以整

好晒 d 野比佢，雖然佢日日係屋企都係 on99 冇人陪，但係都好似好寂寞。不過我冇担心過呢 d 問

題，只係最担心既就係第日返到屋企間房比佢攪到屎坑咁亂，冇法子喇 !! 我要去陪阿姨嘛，阿姨隻

眼剛剛做完手術要人照顧，梗係要留低<妹妹>一晚咁多，最多比返多 d 好野食補返數喇 !!

就係咁我就 on99 又過左一日囉 !!

知6點55分<皺皮阿嬸>打電話比我，叫我等多佢15分鐘，即刻咩心情都冇晒，點知一做就做到8點半先比我放工，返到屋企都累到死下死下咁。

係返屋企途中經過一間唱片鋪，神推鬼撞下竟然比我發現到 ......我個老公仔出左新唱片，我

第一時間用晒我身上面僅餘既錢買左隻唱片，攞住隻 CD 好鬼開心咁返到屋企，好彩有返 d 安慰!!!

隻 CD 簡直係期待以久，等到頸都長左幾吋，一日既怨氣都消除晒，望住隻 CD 就唔記得個<皺皮阿

嬸> d 衰野。

辛苦得黎係值得既......

到嘔茄，不停又點我做呢樣做個樣，完全都冇理我肚餓要食早餐，攪到份早餐凍鬼晒，日日如是係

咁比佢依依哦哦，好彩我通常都採取不理不睬既情況下，將佢完全擊退，攪到佢好無癮地走返入房。 繼續飲佢 d 高鈣低 B 奶。

雖然今日成日依然都好多野做，但係起碼時間過得快又充實，如是者好快就到左放工時間，一放工

果陣阿<水晶>姐姐就好快咁打電話比我提我放工，我仲好神速地執晒 d 野收工，仲好鬼鼠咁行出門

口，我都唔知道點解放工都要攪到咁鬼鼠，好似攪到偷情咁樣，就連準時放 1 點都要講大話先比我

放工，真係都唔知道個<皺皮阿嬸>上司係咪變態，放工之後輕鬆下都要喇，佢要痴線工作狂，都唔

好拖埋我落水，佢冇隻麻甩佬陪都唔攪我喇，佢冇拖拍都唔好要我陪佢冇拖拍呀!! 咁攪法遲早唔係

佢痴而係我有精神病。我諗有史以來成為第一個因為一個<皺皮阿嬸>上司攪到入精山既人，有 d 咁

既<皺皮阿嬸>上司想有好日子過都好難咯!!!

了。返到屋企諗住訓一陣啦，因為公司改左時間，請上午假下午3點先返工，我訓到1點半到比電話

嘈醒左，跟住我見到個鐘仲有排先夠鐘返工咪繼續訓咯，點知道再訓醒既時候已經成4點鐘啦!  

之後把幾火咪繼續訓咯，訓下醒下情況之下，卒之訓到夜晚，成日都冇食過野落肚，原來一個人好累果陣係可以咩都唔做訓覺大過天架!!

就係咁樣我就過左我一日既假期喇!!!

皺皮老細都唔知道佢幾時香港腳發作，除左點都我頭暈，做到隻狗咁，日日係咁同老闆刷鞋，都唔知道佢有咩供獻，唔知道佢用 d 咩鞋膏呢? 日日係咁刷鞋油都用唔少。

不過忍到既我都忍咯，反正我都做慣忍者，冇咩特別激嬲我，我都唔會太大火，咁既生活我都習慣咯，  慘就慘在以後 d 私人時間越黎越少，冇咩時間執下屋，同喵喵去街街，同妹妹玩下又或者砌下電腦，過返 d 剩係返工放工好死板既生活  唉.....