唔知道點解成個上午不停咁肚痛，去廁所都去到傻，可能尋日 BBQ 食左好多肉同埋食野食得勁得滯，所以

係咁去排毒，又或者唔夠訓有 d 作病。尋晚我同媽子一齊訓，其實一張 5 呎大床應該係夠位訓，但係唔知

道點解訓左兩個人一隻狗好似有 d "so big"，剩係妹妹打橫訓左成呎有多，加埋我媽子大字形都訓左 2 呎

幾，加加埋埋張床都唔見左大約成 4 呎，而我就......最夜訓得返 1 呎既位係可以訓，而且仲要訓係床邊就跌就跌咁，成晚就係咁訓下醒下，率之第二朝好眼訓兼腸胃炎，攪到要放下假。

下午返到公司，個<幾時釘>係咁問我做咩事放假，我耍完一輪太極先至耍走佢，跟住係咁比野我做，做到人

都傻，佢仲係咁講 d "煩音" 叫我今日整好個 printer，攪到我即刻去做，但係個死人 printer 又唔知做咩

鬼，由星期六整到今日都整唔到，率之搏鬥左成個鐘先至整好，整完部死野都參唔多收工，之後仲行下走下咁等放工。

今晚又得返我一個人訓，經過尋晚齊齊 "big" 之後，突然間覺得張床好大有 d 唔自然，唔知道幾時會多個人同我同妹妹一齊 "big" 呢!!

企，率之我地諗左好多好耐冇做既野，而且呢個星期又同阿姨不停咁吹水有咩好節目玩之下，最後得出個答案就係......燒雞翼，因為大家實在太耐都未去過啦，所以一致決定去 BBQ !!

經過打風唔成又落左幾日雨之下，今日總算天公做美，成日都冇咩點落雨剩係陰陰天，我地約好晒地點之後

就去左小欖既燒烤場 BBQ，去到燒烤場我就不停係咁燒野食，因為要燒比媽子同阿姨佢地食，燒左 1 個鐘

到，佢地率之就食到飽飽，而我係呢個時候就可以抖下，抖左一陣我開始咁瘋狂燒野食比自己，因為之前我

剩係燒比佢地自己冇食到，我習慣照顧左佢地先之後再理自己。係太肚餓既情況之下，係咁勁燒野食，由其

是 d 易熟燒得特別多，經過瘋狂既一輪燒野食之後，我燒到成個碟都係野食，仲有成坐山咁高，之後我就坐係度慢慢嘆自己燒果 d 美食，大約燒到 11 點到我地就回家了。

今日算係我成個月黎食得最多野喇，真係好耐未試過 BBQ，又或者太耐都未試過真真正正咁享受假期喇，

因為供樓問題都冇咩多餘錢消遣，去 d 遠既地方又或者車費貴 d 都唔捨得，而且成日得我同媽子兩個人冇地方好去。但係經過今日之後，實在太過 happy，成個人都輕鬆 d，唔知道幾時可以又去輕鬆下呢!!

開心既就係我同<燒肉><蚊二><水晶><雀神>又一齊係岸上游水，今次<燒肉><水晶>都有落水玩，大家仲玩得好

Happy，而且個個都係枱上暴露人間真本性，完全係公司係兩個人樣，咩儀態都出晒黎，由其輸錢果陣呀，而<雀神>簡直令到我地歎為觀止。

好火既就係個死 PK 寬頻佬整 Q 壞左我部腦，原本我約左佢 8 點先整機，點 Q 知佢早左成 5 個鐘上黎，咁

都算啦早 d 整早 d 用唔駛等，我就一路同佢地幾條茂利游水，一路睇人整寬頻，過左 30 分鐘到我就睇個

 PK 整成點，點 Q 知道佢整死左個 window，開極都開唔到部機，仲話我部機有問題先會咁，我之後仲用盡

所有 XYZ 係咁鏟佢，率之最後佢賠左幾百蚊比我整機，仲急急腳咁走。就係個 PK 攪到我冇晒心情游水，

不過<蚊二>佢地都叫我繼續玩咪鬼冇心機，最後好彩我都力保不失，係<蚊二>佢地身上攞返 d 安慰，仲因為個死 PK 攪到我真情流露。  

唉......雖然賠錢比我，但係冇晒 d 資料又要重新 set 過部機，比多多錢我都慘啦，率之攪到死左好腦細胞同

用左好多時間，我同部搏鬥到成 2 點幾總算攪好部腦，原本部機好地地架嘛，又要我冇得訓同佢搏命，就係咁樣無啦啦好夜先訓，真係 XYZ......

經係度不停試電話，試到傻傻地，一下子試成 60 幾個電話，試完 d 電話好正常，仲正常過我，跟住又要

pack 好箱，做完冇幾耐又要担担抬抬，連去廁所都冇時間，率之攪到放工先做好晒佢要求 d 野，一放工就即刻"鼠"離公司。

放左工之後就返娘家食飯，食到 9 點鐘，跟住就去左阿姨度，因為媽子買左 d 糖不甩比佢食，點知道去到

摸門釘，打極電話都冇人聽，我怕唔知道佢有 d 咩事，好心急咁行來行去，仲 on99 坐係門口等左成 2 個

鐘，率之等到成 11 點鐘，係食白果又担心既情況之下返左屋企，返到屋企依然不停打電話搵極都唔到佢，

由 9 點鐘到 11 點都搵唔佢，之後我就一路同<燒肉><蚊二><賤婢><高尾><電腦人>一齊 MSN，一路繼續打電話，玩到參唔多 2 點鐘， d 人都走鬼晒，我都仲未搵到阿姨，成晚就不停咁打電話。

唉......  終於打到 3 點鐘先搵到佢，原來佢返左大陸冇開電話，攪到我担心左成晚嚇餐死呀!!

去到<兩蚊二>屋企就即刻開工，仲叫<蚊二>同<賤婢>即刻整野比我食，因為我實在太肚餓，餓到人都痴 。佢地整緊野食果陣我就整機，一見到<蚊二>部腦用 2000 我就呆左，我整開 XP 架嘛!! 突然比 d 咁

高難度我整，我都 "R" 到頭都爆，好彩我都仲識 d 既，好快咁兩條茂利野左 d 麵一齊食，我就一邊整一邊

食，三條友食得好開心，仲一邊睇電視，我一路整一路食仲埋做配音，佢兩個就笑到 PK，我整緊部腦果陣

仲問<蚊二>點解唔用 XP，佢話隻 CD 開唔到，我就手多咁插隻 CD 落部機度，點知隻 CD 又開到，仲成個

window XP 都裝埋，我仲串佢係人既問題添，時間過得不知幾快，我 set 好晒個 window 正常既時候都攪到 11 點，諗住整好部機，點 Q 知突然死鬼左 ，連機都開唔到，我即刻心情下跌到谷底，心諗唔

係玩我嘛，跟住又好努力咁再同部腦搏鬥，攪下攪下攪到成點鐘，之後我地三條友吹左陣水，吹到 2 點鐘就回家了。

就係咁樣我個腦死左好多腦細胞 and 個樣殘左 9 成咯，冇法啦!! 鬼叫我鐘意攪人地部腦咩，順便加強自己 d

電腦知識嘛，不過同朋友整機我實用好多時間同心機，因為我係一個完美主義者，做咩野都要做到最好，費

時比人揸住痛腳講閒話 。