下午返到屋企就同佢地 MSN，今日係<上等人>最後一日係間唔係人做既公司返工，我地仲約好夜晚一齊飲

野或食飯同佢 fair 我地 well，好快吹下水 MSN 下之後又到左放工時間，一放工佢地就一齊搵我食飯，我

地仲去 "和民" 食日本野，我同<燒肉><水晶>仲叫左好多野食，最後就食到個個都飽飽。大家仲吹下水講下笑咁好快就到 10 點咯，之後各自歸家了。 

唉....... 唔知呢 d 機會幾時會再有呢!! 我又幾時搵到野做呢!!

下午就同左 <水晶姐姐><小KING>一齊 MSN，之後就要回娘家食飯，返到屋企冇咩野同佢地講，所以 on99

咁等食飯等返屋企發 9 呆。個寬頻停左好多日，冇得上網好比失去聯絡，對住間屋好寂寞，唉......退休生活好難過。

我比個百佳咸雞蛋小喇叭人渣粉樣李路媚<幾時死>炒左，點知道我媽子話好呀唔駛再受氣，最緊要補返錢，

佢仲叫我唔好亂諗，唔駛心急搵工，慢慢黎有咩事要同佢講，唔好放係個心。之後佢仲買左朱古力比我食，

等我開心返。之後我仲同佢去左阿姨屋企吹水，佢地知我比個杏加橙炒左，就叫我唔好在意，等天收佢個人渣，之後我地就繼續不停咁吹水， 直到 6 點到。

到 6 點果陣我送媽子搭車，之後再返去阿姨屋企玩電腦順便留宿一晚，就係咁樣 on99 過左一日，唉......之後日子唔知道點過咯。

個百佳咸雞蛋小喇叭人渣粉樣 delay no more<幾時死>照左我入房，同我講星期一唔駛返工，仲話我試用期

間冇進步，所以唔駛我再係度，之後仲跟我返埋位，睇住我執野仲摷我 d 野，我火都黎埋，仲鏟佢睇住我執

野仲要攪我 d 野，佢就即刻唔出聲，跟住佢就送埋我出門口。之後我就打電話比<上等人>同佢講我放左工，

仲落左 17樓搵<賤婢>吹水，等佢地一齊放工。放左工之後，成班好同事同我一齊食飯，仲一齊游乾水，游到成 3 點鐘，都唔知係咪事業失意賭場得意，係賭場搵返 d 外快。

雖然 d 同事好好咁陪左我成晚，但係我個心情依然都仲未平伏，唉......都唔知道可以講 d 咩!!

聽下公司 d 情況，睇下個百佳咸雞蛋小喇叭人渣粉樣李路媚<幾時釘>有 d 咩動靜，點知<燒肉>話見到佢寫

左張紙條比我，大家估緊我可能有危機，我就同佢講唔會既因為李路媚鍾意飛紙仔叫我做野，係有事就一早

打電話同我講，之後我就返左公司。返到公司個李路媚係咁問我野，我就係咁同佢慢遊太空，之後就各有各做野直到放工。

放左工之後我<燒肉><蚊二><賤婢><上等人>一齊又去開辦公室是非會，大家一路食飯一路是非不停，個口

都不知幾 busy，時間好快就過去，不知不覺咁又傾到 10 點幾，跟住大家齊齊閃咯，又期待聽日唔知有咩事發生。

自從<上等人>黎左之後，d 同事不知開心左幾多，仲日日放工之後開討論大會，大家都不知幾暢所欲言，可

惜呢 d 咁既生活唔可以維持得耐，因為隨住<上等人>離去之後，所有人都打回原形了，一放工就回家，閒時

才出黎一齊玩囉，所以<上等人>都可以講幾大影響力，冇佢出現我地 d 孤兒仔就百無了賴咁 on99 唔知點過 d 時間囉!!