下午果陣我就食左止痛藥，等隻腳冇咁痛就去睇急症，去到急症室等左半個鐘到，我同醫生講返我隻右腳痛

左有成個星期，個盆骨位置附近仲生左 d 好似蚊難咁，點到果陣仲唔係痛而係麻痺，個人就周身骨痛，坐得

冇幾耐條腰骨同屁股痛，企係度又冇力腳軟，個頭就痛到好似爆炸，隻牙又痛到食唔到野，之後醫生就同我

檢查，仲睇埋好似 d 蚊難既物體，佢就同我講我係生蛇，不過唔會傳染，仲解釋比我知我呢 d 同水泡果 d 既分別，佢仲話會痛多幾日先會自自然然咁好返，但係要忍下囉~~!!

之後我就去左拎藥，見到 d 抗生素一日要食 5 次，仲要成隻手指頭咁大食足 5 日，我就心諗做咩咁大整蠱

呀，返到屋企我就撻左落床訓，因為坐又唔係企又唔係，所以咪訓係張床度囉......!!! 就係咁樣我就過左一日喇~~!! 真係頂佢個肺，無喇喇生埋 d 咁野，仲要受多幾日盡折磨，妖~~!!!

下午果陣無咩野做，仲諗住放工去睇童夢，點知<水晶姐姐>話夜晚一齊食飯，仲話好耐冇見過我，佢叫晒 d

人唔好去街，仲問我去唔去，之後我就答應左佢囉，到左夜晚放工，<上等人><蚊二><妹仔><燒肉><水晶姐姐>

<勞碌命>成鵬人咁去左食飯，大家就食下飯吹下水，食得好開心咁囉，但係 d 人一見到我果死人樣，就問我

仲咩咁殘，之前見我都好似冇咩野，病到咁既死樣都扮到好似冇野咁，仲問我頂唔頂到，我就同佢地講我冇

野喎，係隻腳痛左成個星期冇胃口之麻，頂唔到最多咪去渡假囉，之後我地就一路食飯，一路吹水不停講仲

同<水晶姐姐> fairwell，食到差不多 10 點鐘到，就各自回家，點知<燒肉>行過 PK 見到有蛋糕賣就走左入

去，我同<蚊二><妹仔>就一齊入左去，大家行左一陣 PK，我仲話<燒肉>欠左我古古力蛋糕好耐，買完之後我地幾個仲係地鐵站吹左陣水，吹到 11 點就回家了。

就係咁一日既時間又過左，但係隻死人腳依然都係咁痛，我頂......

今日成日都冇咩野做，但 D 時間都過得快，可惜隻死人腳唔聽話，痛到都唔知講咩，對住 D 同事都冇咩表情，就係咁樣做下野，隻腳不停痛咁等放工，一放工就碌返屋企抖，咩都唔想做，撻左係床度。

就係咁樣比隻腳又折磨左一日喇~~!!

初初見到面硬係有 d 唔知點，講野悔悔氣咁，我都幾唔開心下，但係我忍住自己 d 脾氣，仲哄媽媽笑返，

過左一陣媽媽終於笑返，仲同我好似之前咁有講有笑，不停咁講野，之後我地諗住食 tea，但我就同媽媽講

我想食壽司，不如唔好食 tea 行一陣先，媽媽又好爽咁答應我，話行一陣等勁肚餓果陣先入去食，因為媽媽

 9 月份生日，元氣寄左張拆扣咭比媽媽，而最後日期係今個月 30 號，所以我同媽媽係唔好浪費而又有 d 錢

既情況之下，決定今日食迴轉壽司，我同媽媽都覺得等到最後日期先食既話，可能我地已經糧尾冇錢咯，行

左一陣我就同媽媽食左食壽司，仲一食食左成 2 個鐘頭，之後我同媽媽又行左一陣，見到 Osim 做緊

promotion，我就的左媽媽去玩下 d 按摩器，初初我同媽媽都唔敢行埋去試，怕 d sales 煩住晒，點知我地

見到有個婆婆行得好快咁，仲即刻坐左係度開左個按摩器用，我同媽媽睇見佢好似好熟手，仲一齊係咁笑，

之後我仲叫媽媽坐低試下，媽媽就話怕 d 轆轆會攪到好酸，都係唔想試喇，我就費盡唇舌同佢講，買要幾千

蚊架，依家有免費試玩玩下喇，睇下 d 婆婆玩得幾爽，之後佢就坐低左，開左機之後，點知佢話覺得好舒服，仲坐左好耐添，玩完之後我地就去左百佳 shopping，就係咁樣，我地就行到 8 點鐘回家了。

雖然今日我同媽媽回復之前咁嘻嘻哈哈，但係我有幾多心事誰人會知呢~~!!

放左工之後，我就同<喵喵>行左陣街，我仲話約左 d 同事一齊食飯，仲叫佢一齊 join，過左一陣我就同<喵

喵><上等人><蚊二><燒肉><妹仔><勞碌命>一齊食 lunch，食完 lunch 之後，大家就好浩浩蕩蕩咁上左我屋企打

牌，初初<喵喵>同<燒肉>就同小喵玩，但係佢地話小喵成身屎臭臭，唔敢理佢仲叫我攪掂小喵呢隻屎路貓

喎，我就係佢地要求下攪掂小喵，仲搵<燒肉>幫我登腳，過左一陣之後，大家就繼續玩，玩到 5 點到<燒肉>

就走先，我諗住放返小喵入別墅，所以搵左<喵喵>頂腳，點知<喵喵>話唔識打，我就講左大約玩法比佢知，

之後我就清理小喵間別墅，攪到咁上下我就睇住<喵喵>玩，佢仲好叻女食左幾鋪糊，佢玩左一陣之後就走

左，我地就繼續玩，一直玩到 10 點鐘，玩完之後<上等人>仲跟我地去買波，最爛賭果個人係佢，我同<蚊二>都笑笑口咁話佢，就係咁樣過左一日喇~~!

返到屋企就大戰過後咁款，我就不停咁清潔間屋，仲服侍埋 d 仔仔女女，攪完一大輪之後，我就繼續整朋友部電腦，一直整到成 3 點鐘，今日就係咁精彩喇~~!!