返到公司又超多野做，不停咁做仲做到冇得抖，做到差不多食飯先至停一停，食完飯又再做野，因為我個

parter 下午去聽 d 咩鬼死人講座，所以下午我得一個人做野，做到我傻咁樣，不過好快做到放工，一放

工就即刻仆返屋企，因為好累喇，求其食左 d 野就捲入被入面取暖，所以都冇咩 mood 玩電腦，同埋實在太凍喇，捲入張被度好過，就係咁我同妹妹一齊係被窩冬眠喇。

下午果陣返到公司，d 同事係咁叫我小心身體，唔好凍親，我聽左不知幾 warm 呀，今日都唔知聽左幾多呢

句說話，聽到識背喎，過左一陣我又不停咁做野，做下做下又放工，一放工我就仆左去阿姨度，因為約左佢

今晚打邊爐，我都唔知幾耐未打過邊爐，上到去就係咁拾下拾下，係勁肚餓而又凍既情況之下，我就係咁食

野，仲食到唔停口，食到差不多成 11 點到，因為太凍既關係，所以阿姨就吩咐姨丈車我返屋企，咋一聲就

返到屋企囉，返到屋企我就第一件事當然就係執屎，之後就搵左件衫仔比妹妹著，跟住就諗左好耐都諗唔到

小喵著咩，因為佢太細隻冇衫岩佢著，諗左一陣到，我就係個 bear bear 公仔度掹走左件比小喵著，可憐既

bear bear 變左光脫脫，之後用左好耐時間同抓損晒隻手之下，率之同小喵著左件風摟仔，我仲同佢地影左

d 型仔相，過左一陣到我就捉晒佢地入房訓覺，今晚個被窩入面有 2 隻動物同我取暖，可能太凍既關係，佢地都捲左入被度，就係咁我地就一齊大被同眠喇~~!!

擔咩，我唔食，都要供樓仲要比野食比兩隻鬼怪，所以我就用左極速刷牙梳洗，之後仲即刻著多幾件衫咁去

返工，點知返工沿途勁大風，吹到個人騰騰震，好唔容易咁返到公司，見到 d 同事都著左好多衫喎~~!!

係公司都好小小冇咁凍，所以做起野上黎都冇咁震，仲話咁快到左食飯時間，但係又咋一聲食完飯，到左下

午又係公司不停咁做，仲做到個人出晒大汗，做下做下咁就好快放工咯，一放工就仆返屋企，返到屋企見到

高先生又訓到隻死豬咁，真係幾羨慕佢，之後就食左 d 野，打左陣機，之後再吹下水咁，好快就到左 11 點咯，我就即刻撻落張床度暖下，過左一陣就訓左覺咯~~!!

下午果陣因為天氣開始轉涼既關係，我同高先生就一人一張被，捲埋自己係張床冬眠，高先生仲攬住妹妹

訓，我就攬住小喵訓，訓到夜晚就起身食野，食完野之後就吹左陣水，因為太凍既關係，我地又捲返入被窩

取暖，就係咁我今日成日都係個被窩入面，唔多郁動咁過左一日喇，又訓飽就食，食飽又訓咁又一日喇~~!!