媽媽仲專登買左個盆菜拎比爺爺試下，攪到我拎到成隻野咁，不過可以見到爺爺開心，拎得辛苦都抵既，我

地搭左 3 個鐘副船到就返左去大陸了，一返到屋企見到爺爺好開心，而爺爺又好突然見到我地，因為我地冇

通知到佢會提早返黎同佢過年，所以成村親人都好開心見到我地，放低行李冇幾耐，爺爺急不及待話要試盆

菜提早食飯，所以我地就去左嬸嬸屋企一齊食盆菜團年飯，大家食得好開心，仲一路食一路吹水，就係咁過左個好開心既團年夜了。

所以今日都可以講係好 holiday mood，冇咩特別野發生過，一講放假人都心情勁正，唔知放假果時有 d 咩發生呢......

放左工之後，我就去左荃灣同屋企人食團年飯，雖然又係 d 大圍飯，但係 d 野食都幾好味，食左成 3 個鐘

頭，食到 11 點幾我就返屋企了，返到屋企都係傻更更咁玩下電腦，睇下 d 仔女，過一陣就冇咩做去左訓覺了。

一放工既時間，我就去左街市買材料整蘿蔔榚，唉.....一個人拎住成十斤蘿蔔同材料，真係拎到人都傻，買好

晒 d 材料之後就返到屋企，一返到屋企就放好晒 d 野，之後就去左洗頭，因為我買左野整頭，攪完一輪之

後我就一路漂頭，一路整榚，就係咁樣，我一整就攪左好多個鐘出黎，仲攪到成 3 點先有得訓。

就係咁樣成日係咁做，做到個人都 short short 地，到左 5 點到阿頭話今日食團年飯，叫我地早 d 放工去酒

樓玩下，我就因為未做晒 d 野，所以冇同其他同事一齊早 d 去酒樓，我仲做到 6 點半到先至去酒樓，去到

酒樓之後都要等入席，待到 7 點半到詭開席了，食到差唔多 9 點到，老闆就抽獎，第一、二輪頭個 50 份係

d 禮券，我第一輪抽唔到果陣都不知幾開心，點知到第二輣抽獎果陣竟然抽到我，攪到我即刻冇晒 mood，

因為第三、四輪抽 44 份現金，仲最小都有成千蚊架，就係咁我就睇住人拎現金，我就拎左 neway 既 300

蚊禮券，唉.....冇抽獎命就冇抽獎命，但係都唔知點解，公司抽親獎都抽到 d 我唔常用既野，上次聖誕我就

抽到化妝品，今次就抽到卡拉 OK 現金券。不過都好開心可以係呢間公司食團年飯，因為我都好小會有機會食公司團年，希望年年都有機會喇~~!!