今日係 05 年最後一日了，係呢年黎講都冇咩安穩，成日都好多野發生，仲攪親都大大 pan，唔開心既日子仲多過開心，不過好左臨尾都拎返個特別獎，上天比左個特別既聖誕同除夕。
係呢一年入面係我身上發生唔小野，次次都唔係好開心，雖然我個人都習慣晒所有唔開心既野，但係唔知點
解呢一年都唔係好如意，係 05 年轉工都轉左 4 份，仲成日比人無喇喇炒，仲做得好唔開心，屋企人又耐唔
耐整 d 大大 pan 既野，仲要成日因為幫佢地而煩，攪到我都冇咩心情，個人既情緒成日都低迷，我就為人
人，但係就冇人為我，仲因為咁樣，成日攪到自己一頭煙，就係因為成日咁樣連個樣都老左幾年，我只不過
想要 d 平穩生活者，點解好似好困難咁，過左人生一半時間，始終都冇咩好過。上半年都比較煩惱多多，煩
到個人都冇咩感覺，生活如同機械人咁，有段時間仲想過快 d 走左去以後唔返，但係始終都同自己講要撐落
去，因為我仲有太多放唔低既野，就係呢 d 放唔低既野，令我一直有藉口留低。如果一生人裡面會有低潮時
候，我可以好肯定咁話我日日都人生低潮，低足十幾年，低到足以致死，仲幾廿條命都唔夠比我死 。可能上天要我先嚐苦果，往後遇到好既野，先會覺得特別甜的。
好唔容易咁過左大半年，直到有一日同妹妹去狗鋪沖涼果陣，就係果時改變左我既不如意，果一日就係我決
定養 "蔥蔥"，養左佢之後我就搵到一份好好既工，而且生活總算過得去，雖然期間都有 d 唔愉快既野，但
起碼都解決得到，而且我其後日子都叫做好小小，起碼煩惱都小左，個人都冇咁低迷，何況係今個聖誕搵到
一個肯願意陪我過既人，令我唔駛再覺得節日係一種傷感既日子，總算係付出有回報，又或者對過去一年來
有一個開心既終結，不過唔知道呢 d 日子可以擁有幾耐，因為我對自己都冇咩把握，亦冇信心可以控制，可
能過去既野對我影響太多了，所以連我自己都唔知道將來會係點，就正如我成日同自己講過得一日得一日，過到一日就等於贏左一日，希望新既一年唔會再有咁多野發生，上天愛我多一點。
【妳太善良】 
