一放左工之後，我就去左荃灣拎智能身分証，唔駛 15 分鐘就攪掂晒，之後我就即刻仆返屋企，因為"他"係

屋企等緊我，我唔想"他" 等我等得耐，所以用左最快既方法返屋企，點知一返到屋企就見到"他" 原來有朋

友陪，早知道我就唔駛咁趕喇，因為仲要等多一個朋友上黎既關係，所以我地就睇左一陣電視，到左等齊人

之後，我地就一齊食蛋糕，"他"朋友買左一個，而我又買左一個，加埋有 2 個蛋糕，好彩 2 個蛋糕都唔係好

大，細細個夠 2-3 人食果隻蛋糕囉，不過可以一次食兩種味道，都咪話唔正呀...，食完蛋糕之後，我地又

on99 咁坐係度吹下水，大約 9 點到，"他" 兩個朋友就走左了，而且我就趁得兩個人既時候，我靜靜雞咁拎

左份禮物比"他"，其實我都係今日下午出左深水步幫公司買電腦野果陣先決定買咋，原本諗住冇咩錢，唔買

禮物剩係買個蛋糕比"他"，但係好似覺得唔係幾好咁，所以尋日決定左去旺角買禮物，而且個蛋糕都係聖安

娜果隻廿零蚊 2 人迷你蛋糕，"他" 見到份禮物之後個樣好鬼死開心，仲話冇諗住我會買禮物比"他"，"他"

好鍾意份禮物，仲話我竟然會比驚喜"他"喎，過左冇幾耐我地就一齊煮下野食，睇下電視咁， 到左夜晚大約 11 點到就訓覺。就係咁我地就過左一個幾驚喜既而又開心生日了。

不過到左下午就好好多了，因為已經冇咩野做，坐係度等放工，放左工之後我就約左媽媽去食什麼團拜飯，

但係因為去既人都係 d 親戚，仲要係冇小朋友去，攪到我 on99 悶爆 ，我同媽媽 7 點半去到酒家，原本話

8 點開飯，但係因為未人齊關係，坐係度等食等左成個鐘，率之 9 點半先有得食，食完飯之後又吹水，我好

無聊地去左酒家門口食煙，最後都攪到 11 點半先散 band，返到屋企都成 12 點，攪好間屋都好夜了，所以好快就訓左覺了。

放左工返到屋企唔知點解好累，一撻左落梳化冇幾耐就訓左覺，訓醒既時間已經 9 點半了，之後就 on99 咁

打理下間屋，煮下野食，去下大便，執下狗屎，就係咁又一晚，日日 d 生活都係咁，冇咩特別，日日都係做

埋 d 咁既工作，所以~~日日生活如常，定時候做 d 咩，好似機械人咁，所以人既生活同機械人冇咩分別，只不過有腦諗下野，得閒有 d 改變咁樣囉~~!!

我三條友 on99 咁係商場行，行左一陣到，之後媽媽叫我去 PK 買 d 食物，我地就係咁一行行左成 2 個鐘，

行到 6 點鐘到媽媽走左，而我同"他"就繼續 on99 唔知做咩好，所以今日成日都好 on99，都唔知有 d 咩好做，就係咁 on99 左成日了。

原來今日"他"說要返工，點知"他"11 點鐘打電話比我，說會接我放工，我即刻都打個突然，原來"他"說有另

一份工搵"他"interview，而"他"又好想見果份工，所以冇返到工，過黎搵我接我放工，我個心都唔知開心定

突然。放左工之後，我地就行左陣，仲行左去係深水埗食野，之後因為我太累，返左屋企訓覺抖下，一訓就訓到夜晚，訓醒左之後大家都冇咩做，on99 咁睇左陣電視，之後係冇咩野情況之下又訓覺了。