放左工之後原本答應煮飯比"他"食，因為"他"說好想食我最拿手既葡汁雞，仲說返工之後冇咩時間食到我煮

既野，所以我一放工就去左 PK 買野，點知道"他"說有個朋友好耐冇見，仲諗住叫我一齊同個朋友食飯，

但"他"唔想冇得食住家飯，又唔想得失同個朋友食飯，所以"他"提議同個朋友一齊返屋企，等我煮飯一齊

食， 率之我都煮左飯比佢地，仲有好多人一齊食飯喎，有<高先生>同埋佢個好朋友，加加埋埋都成 6 個人食

飯，我都好耐冇試過咁多人食飯，仲要係我煮飯比咁多人食，而且<高先生>仲笑我好耐都冇煮飯，不過最後

我都冇令大家失望，煮左一餐佢地覺得好好味既飯，食完飯之後，我地成班人吹下水，吹到大約 11 點到大

家都散 band 了，講真煮呢餐飯都幾大壓力架，因為我好耐都冇煮飯，加上"他"又好祈望我煮既野，所以我都好比心機煮，好彩最後都冇比人扣分，不過唔知幾時先可以真真正正做一個煮飯婆呢~~~!!!

放左工之後，我同"他"就 on99 咁行左陣街，但係冇咩野行既時候都係返左屋企，大家睇左陣電視，之後唔

知點解大家都覺得好眼訓，所以去左訓一陣，訓左一陣之後就 on99 咁吹左陣水，冇幾耐有個不知名既人

搵"他"，原來"他"今日見左一份工，果個老闆通知"他"返工，見到"他"終於有工返，我都不知幾高興，而

且"他"都好想返工好耐了，自從我同"他"一齊之後，"他"都好耐冇工開，雖然"他"一有時間就會陪我，但

係"他"都話一早 plan 好左等我過埋生日同情人節先搵工，諗住有多 d 時間陪下我，到"他"返工果陣就冇時

間陪我喎，好彩上天都對"他"好好，都比左一份好過冇既工比"他"，起碼搵返 d 錢用，唔駛連拍拖去街都要

慳住洗，所以"他"都話做住先，之後先再打算過，就係咁我地傾左陣計，講下大家 d 舊事同 plan 定以後條路點行，冇幾耐過左一陣之後"他"就要出街了，而我就上下網睇下新聞，冇幾耐都太累訓覺了。

今日朝早又比個肚玩到死，率之有得去廁所，但係去晒 d 水，冇咩大粒便便，攪到我手軟腳軟，我頂唔順咁

請左半日假，都唔知點解係呢間公司做左咁耐，個身體都好似冇咩好過，成日都病到死下死下，咩奇特異病

都試過，真係唔知點解會咁，係我位唔好定係風水唔好，唉...幾時先有好轉，我都唔想攪到咁，家陣連食野

都冇咩胃口，以前食到一盒飯，依家剩係食得三分一，攪到食飯都唔知食咩好，都唔知幾時先正常返，病得太耐了，攪到個人都冇咩心機......

係點，所以我都冇咩幻想到情人節會有 d 特別慶祝甚至收到 d 咩特別既禮物，我只覺得有個人係自己身邊陪下就好足夠了，有心既就可以日日都係情人節。

今日"他"如常接我放工，雖然冇送花，但係我都覺得好開心，因為我覺得只要同"他"一齊，比起其他野都唔

重要，放左工之後，我地去左鑽石山廣場行街街，大家一路行一路睇下野，我仲同"他"講好耐都未試過係呢

d 節日去街，感覺好似好特別，之後我地去左美食廣場食野，雖然冇好浪漫既燭光晚餐，但係簡簡單單一餐

飯，我都覺得好開心，可能我知道大家既環境，我亦冇要求到要有一個好難忘既夜晚，所以一切都好簡單，

好似平常行街食飯咁，但係我知道對我黎講都係好一個回憶，食完飯之後，我地行左一陣仲吹左陣水，行到

10 點到就返左屋企。其實簡簡單單咁渡過都未嘗唔係一件好事，可能我要求唔多，又或者我對我自己都冇

咩特別想要求，所以好平凡既一晚，我都覺得好開心，或者只要同"他"一齊就算做 d 咩都覺得開心。

返到屋企無無聊聊咁上網食煙，等時間過，但係個腦好多野諗，諗到自己都冇咩心情，所以我都唔知可以寫 d 咩野，剩係知道好多諗，又病都冇晒心機，天啊......我究竟想點，我想做咩呀....help me~~!!!