放工返到屋企 on99 咁，撻左係梳化度傻更更咁睇住 d 貓貓狗狗周圍走，不過由於天氣突然間凍左既關係，

我 6 點半到就去左沖涼，我都未試過咁早沖涼，但係實在太凍喇，都係早 d 沖涼洗頭，唔駛等到半夜三更

都冇得訓。我就係咁好 on 99 咁呆左成晚，呆到 10 點鐘就去左訓覺了。但係到左 2 點到，"他" 突然黎左我

屋企，因為"他"話天氣凍左怕我有事，所以專登黎陪我睇住我喎，但我都訓到好迷糊，哦一聲之後我就訓左，而"他"就成晚係我身邊陪我。

唏......日日都有得睇，仲睇左咁多篇，休息下都要喇，最多第日補返喇，咪咁小氣喇~~!!

到左 2 點半到，佢地就一早坐低左係一間食泰國野既餐廳等我，仲等埋我先叫野食喎，唔知道係咪好耐冇

見，一見到面就好似有好多講唔完既話題，我地仲邊食邊吹水，大家既話題都係圍繞<水晶姐姐>，因為佢就

黎上岸做人地既太太喇，所以我地都好八卦問左佢好多野，就係咁我地吹到成 6 點鐘，<水晶姐姐>同<小魚>

就走左，留低<蚊二><妹仔>同<會計人>，佢地係冇咩野做而又 on99 既情況之下，決定去我屋企睇貓貓狗狗，

佢地一去到我屋企之後，唔知道係咪太耐冇見，佢地見到貓貓狗狗好開心，仲不停咁同兩隻野玩，玩左一陣

之後，突然間有位<阿朋友>到訪，而<阿朋友>就係 "他" 既朋友，原來 "他" 因為打唔到電話比我，怕我唔知

道有 d 咩事，所以吩咐<阿朋友>上黎睇下我先，"他" 陣間先過黎搵我， 因為咁樣間屋突然間好多人，不過

我是但咁應酬左<阿朋友>之後，我地幾條女就繼續吹水玩貓，冇幾耐<阿朋友>話落街轉頭返，我地都冇理佢

之下就繼續玩狗，過左一陣之後我仲提議打麻雀，因為太耐冇打了，而且又唔駛剩吹水玩狗咁悶，就係咁

我、<蚊二><妹仔>同<會計人>一齊打麻雀，一打就打到 11 點到，唉......結果都係比<蚊二>贏晒我地 d 錢，有機會我地一定會再報復既。

佢地走晒之後，我就打掃下間屋，冇幾耐 "他" 同埋<阿朋友>返左黎，之前係女人既世界，所以佢地就出左街

吹水，等我玩完先至返，但係我 d 朋友走晒之後，就變左男人世界，佢地就係度吹水睇電視，就係咁樣我成 2 點幾先至有覺訓呀~~!!

今日都冇咩野發生，都係返下工，放工返屋企發下呆咁，所以都係好死版，又唔知道有咩好做，所以都係係屋企聽下歌等訓覺，等到眼訓既時間，咪自己去左訓覺了。

我唔知道有咩可以講，只知道有好多野，根本唔係我地可以控制，珍惜身邊一切先至係生活其中一樣重點，

雖然自己冇能力控制好多野，但係可以既話，最好可以阻止一切唔好既野，甚至停止發生，點解人咁脆弱，

係咪現今既人唔可以受打擊，定係佢地冇好好諗清楚自己條路點行，所以發生咁多不幸既事，雖然我都冇好

好諗過將來會係點，但係我都一直死撐落去，點解我可以做到，人地反而做唔到，係我對呢個世界太淡，定

係人地存有太大希望，所以到絕望既時候就了結自己，如果我同人地相比，我諗我死左好耐，根本唔會仲係

呢個世上，點解人咁脆弱，遇到唔如意既野就諗到錯晒，錯到連自己做咩都唔知，做左出黎又令身邊既人留低萬般痛楚，究竟有冇諗過後果呢~~!!