我同"他"下午果陣去左飲茶，飲左一陣媽媽就打電話比我，我又好順口咁叫佢同我地一齊飲茶，就係咁我地

三條友飲茶飲左 2 個鐘，飲完之後我同"他"去左尖沙咀行街街，而媽媽就返左屋企，我同"他"去到尖沙咀之

後，就周圍行下，仲去左九龍公園睇花燈，我同"他"就諗住影下相，但係 d 花燈分得好散，行到我都好累，

相都影得好小，行完之後就搭小輪過海，趕得切睇維港 d 射燈表演，係一陣既船程就岩岩好睇完 d 燈，我

同"他"又去左銅鑼灣行街，點知"他"不知幾高興，一路行一路想當年，係咁講"他"以前既往事，仲講得好興

致勃勃，周圍帶我去"他"以前留低 d 腳毛既地方，就係咁我地行到成 10 點鐘，之後仲慢慢行去灣仔搭車，

順便睇下食 d 咩野，但係我地行到灣仔都諗唔到食咩，之後就返到屋企樓下先算，率之都係係樓下 d 小食店是是但但咁食 d 野就算了，就係咁樣過左一個都幾攪笑既中國情人節喇~~!!

但係我一訓就訓到夜晚 8 點幾，"他"冇叫過我起身，"他"話我個樣好累，唔想打擾我訓覺，所以"他"自己一

個人係度睇 VCD過時間，但係我訓醒既時候都唔知點，個人呆下下咁，我同"他"就好是但搵野食，街都冇行，on99 咁過左一日了。

到左食飯時間，d 同事捉左我去打麻雀，我地玩左一陣，好彩執到10 蚊雞，之後就入席食飯，我地一見到 d

野食就係咁食，仲係咁吹水，個氣氛幾咁 happy，話咁快就食到成 10 點半，之後大家唱左陣卡拉 ok，到走

果陣都成 11 點半了。返到屋企個人勁累，同個肚勁脹，辛苦到嘔，食左 d 藥好快就訓左覺了。

on99 咁過左一日，夜晚仲要去食開年飯，係屋企人面前扮冇事，食唔落都要係咁扮食野，係酒樓度傻更更咁坐，坐到成 11 點幾，就係咁 on99 過左一日了。 

知道好肚脹，食左瀉藥都好似冇咩用，個胃又係咁不停有胃氣，今日成日都冇食過野，剩係飲左盒奶，但係個肚都冇咩反應，唉......